Oct 4, 2018

G Suite og staðfesting á léni

Þessar leiðbeiningar eru gerðar fyrir þá sem ekki eru með lénahýsingu og vilja nota þá einföldu DNS þjónustu sem ISNIC býður upp á til þess að tengja lén við G Suite í samræmi við hjálparsíðu Google.

G SUITE

Skráðu þig inn á isnic.is, veldu lénið og smelltu á Áframsending veffangs. Veldu svo Google úr Áframsending tölvupósts fellilistanum. Þú þarft einnig að setja inn slóð (URL) eða IP tölu, það getur verið yfir á vef eða lén sem tilheyrir þér, eða er uppáhalds vefsíða þín.

Staðfesting á léni (TXT)

Google krefst þess að farið sé í gegnum staðfestingarferli (domain verification) og munum við nota TXT aðferðina hér. Sjá leiðbeininar fyrir neðan ef þú vilt fara MX færslu leiðina, eða ef önnur aðferð er föst inni þá er hægt að neyða GSuite til að setja þig á TXT aðferðina, sjá neðst.

Eftir að hafa valið Google G Suite við áframsending tölvupósts setur þú staðfestingarkóða í TXT reitinn. Í umsóknarferli Google er síðasta skrefið “Verify your domain and setup email”. Þar smellir þú á “Choose a different method” til þess að staðfesta lénið og þar velur þú TXT aðferðina. Því næst hakar þú við “I have successfully logged in” og “I have opened the control panel for my domain”. Næsta skref er “Add a new TXT record to your domain” og þar birtist TXT færslan. Þennan kóða setur þú inn í “Áframsending veffangs” þar sem stendur “TXT færsla”. Svona gæti TXT færslan litið út:

google-site-verification=wwifazIdB2QmF20KYwfPQfrD2RJkEiK9us5xobBk8i0

Ekki setja inn MX færslu, réttar MX færslur eru settar inn fyrir þig. Eftir að hafa sett allann kóðann inn í TXT færslureitinn á áframsendingarsíðunni ferð þú aftur á Google uppsetninguna og hakar við öll næstu skref þangað til að það stendur

I have successfully logged in.

I have opened the control panel for my domain.

I added the TXT verification record.

I saved the TXT verification record.

I have opened the control panel for my domain.

I created the new MX records.

I saved the MX records.

VERIFY DOMAIN AND SET UP EMAIL

Því næst smellir þú á "Áfram" á Áframsendingarsíðunni á isnic.is og á "Verify domain and set up email" á uppsetningarsíðu Google GSuite.

Staðfesting á léni (MX)

Ef GSuite gefur þér upp MX færslu til að staðfesta lénið ferð þú í Áframsending veffangs, velur einhverja vefslóð í efsta reitinn, það getur verið hvaða slóð sem er. Næst þarf að velja Google G Suite við áframsending tölvupósts og setja aðeins MX færsluna sem inniheldur kóðann, aðrar MX færslur með póstþjónum Google eru sjálfkrafa settar inn. Athugið að kóðinn þarf að vera nákvæmlega eins og þér er hann gefinn upp. Sjá dæmi um MX færslu með staðfestingarkóða:

45pspg4ki3tncvwawn51zvl3qj8nwfqkrmpndeb3153afw7xsspq.mx-verification.google.com.

Breyting á lénastaðfestingaraðferð yfir í TXT

Þessi hluti leiðbeiningana er fyrir þá sem völdu annað en MX eða TXT leiðina og þurfa nú að skipta yfir í aðra hvora leið til að fylgja ofangreindum leiðbeiningum.

Til þess að breyta um aðferð þarf að fara í Google Admin Console og velja þar Apps. Til að finna hina lénastaðfestingarleiðina er smellt á verify sem er í rauðum borða, sem er ofarlega á síðunni. Þú fylgir ferlinu þangað sem stendur Recommended method og Alternate methods. Í fellilista sem í stendur Select your domain registrar or provider skal velja other og afrita TXT færsluna (sem þar birtist) inn í Áframsendingu ISNIC og fylgja svo leiðbeiningum hér fyrir ofan. Athugið að þegar búið er að fara í gegnum leiðbeiningarnar og setja allt inn þá gæti GSuite ranglega sagt að uppsetning sé ekki rétt og listar nokkrar MX færslur. Til þess að fullvissa þig um að villan hjá GSuite er röng getur þú sent tölvupóst frá nýja netfangi þínu og fá póst sendann til baka.

Webtree
To top