Þriðjudaginn 12. mars verður fundur fyrir aðila íslenska Internetsamfélagsins þar sem flutt verða erindi frá ýmsum innlendum og erlendum aðilum, m.a. starfsmönnum ICANN.
Þá verður haldið DNSSEC námskeið í boði ICANN dagana 13.-14. mars. Enn eru nokkur laus sæti á námskeiðið. Athuga skal að námskeiðið er aðeins ætlað aðilum sem uppfylla tæknilegar kröfur sem finna má í dagskrá fundarins.
Nánari upplýsingar og dagskrá fundarins má finna á vef ICANN.
]]>September var besti mánuðurinn í lénaskráningum, 1.297 lén stofnuð og 770 afmáð, s.s. fjölgun um 527 lén. Innlendar nýskráningar voru þar helsti drifkrafturinn, eða 87% af nettó-fjölguninni. Sem fyrr var desember slakasti mánuðurinn í lénaskráningum, sem stafar helst af mörgum afskráningum. Nettó-fjölgun léna í mánuðinum var aðeins 47 lén (+179 innlend, -132 erlend).
Árið 2023 var ár breytinga hjá ISNIC og tók þjónusta við viðskiptavini miklum framförum. Í febrúar tók ISNIC upp Aur greiðslulausnina, sem viðskiptavinir geta nú nýtt sér til þess að greiða árgjöld .is léna. Í byrjun júní gerðum við viðskiptavinum kleift að nýskrá mörg lén í einu og í lok sama mánaðar gerðum við endurnýjun margra léna í einu mögulega. Þá voru miklar breytingar gerðar á vefsíðu ISNIC, www.isnic.is, þ.á.m. útlitsbreytingar, sem og breytingar á innri vef isnic.is, með því markmiði að gera vefþjónustuna skýrari og notendavænni fyrir viðskiptavini. ISNIC réði TVIST auglýsingastofu til að hanna nýtt firmamerki fyrir .is og að fríska upp á liti og leturgerðir og hanna nýja forsíðu fyrir vef ISNIC
Við hjá ISNIC þökkum viðskiptavinum fyrir viðskiptin á liðnu ári, og hlökkum til að fara inn í nýtt ár með nýjum áskorunum.
Bestu kveðjur,
Þór Jensen
ISNIC
Starfsfólk ISNIC óskar viðskiptamönnum sínum nær og fjær, og landsmönnum öllum, gleðilegrar hátíðar árs og friðar á nýju ári með kærum þökkum fyrir árið sem er að líða.
]]>Sviðsmyndin
Árið 2024 verður mikilvægt hvað stafræna stefnumótun hjá Evrópusambandinu og EES löndunum varðar. Þá fá stefnumótendur (policymakers) tækifæri til að forgangsraða í lagasetningu fyrir internetið til næstu 5 ára á nýju þingi ESB, en metnaðarfull markmið á borð við: „sýndarheim“, „yfirlýsingu um framtíð internetsins“, „stafrænan áratug í Evrópu“ og „stafræn réttindi og meginreglur“ svo eitthvað sé nefnt hefur verið haldið á lofti undanfarið – einkum af yngri stjórnmálamönnum. Með þetta í huga, leggur CENTR*, samtök evrópskra skráningarstofa, fram eftirfarandi meginreglur (principles) til að vernda stafræna framtíð Evrópu á komandi áratug:
[* í CENTER samtökunum (European Top Level Domain Registries) eru höfuðlén Evrópu auk Canada (.ca), Japans (.jp), Nýja sjálands (.nz), Ástralíu (.au), Ísrael (.il). Höfuðlén bandaríska stórfyrirtækisins Verisign (.com) er aukaaðili. Innan CENTR eru alls 51 skráningastofa, sem þjóna um 80% allra skráðra léna í heiminum. Skráningarstofur höfuðléna bera ábyrgð á, reka og viðhalda tæknilegum innviðum fyrir efsta lag lénaheitakerfisins, e. „Domain Name System“ (alltaf kallað DNS).]
Eftirfarandi meginreglur byggja á reynslu þessara lykilinnviða netsins, sem höfuðlénin eru, en DNS er rótgróið hugbúnaðarkerfi netsamskiptareglna í hjarta innviðar internetsins. Það kortleggur notendavæn (læsileg) lén og stýrir þeim yfir á töluleg (IP) vistföng. DNS er notað af sérhverri netþjónustu (tölvu) sem keyrir á internetinu, þjónustu sem er annað hvort sýnileg notendum (t.d. vefsíðum og tölvupósti) eða ósýnileg á bak við tjöldin t.d. spjallkerfi, IP-símar og tæknileg innviðastýring af ýmsum toga. Mjög mikilvægt er að þekkja muninn á léni og vefsíðu. Skráningarstofur höfuðléna hýsa ekki vefsíður.
Skráningarstofur höfuðléna, eins og ISNIC, DENIC, Norid, DkHostmaster og aðrir tæknilegir netinnviðir, búa yfir áratuga langri reynslu í netþjónustu við almenning, sem við viljum gjarnan miðla til stjórnmálamanna og annarra sem hafa áhuga á að setja internetinu reglur.
Allt of margir taka þessa innviði sem sjálfsögðum hlut, bæði hvað löggjöf og stefnumótun varðar – jafnvel þegar netinnviðirnir eru beinlínis í brennidepli. Þannig truflar (sennilega óvart) sumt í löggjöf landanna, getu tæknilegra innviða til að sinna nauðsynlegri þjónustu fyrir stafrænt samfélag (netið). Jafnvel þó DNS og internetstaðlar sé afar stöðugt kerfi, verður næsta kynslóð stefnumótenda engu að síður að líta á netið og einstaka hluta þess í heild sinni og leggja sitt af mörkum til að styrkja það, en forðast setningu reglna sem veikja það.
Í stafrænni stefnu ESB er brýn þörf fyrir meiri þekkingu um þá tæknilegu staðla og samskiptareglur sem mynda hryggjarstykki internetsins, sem byggja verður á hér eftir sem hingað til. Án þessa sterka og stöðuga kjarna, sem hefur gert internetinu kleift að vaxa og dafna og verða ómissandi hluti af samfélaginu, er framtíð internetsins sett í óvissu.
Stjórnmálamenn, einkum þeir sem vilja beita sér fyrir betra interneti (e. Next Generation Internet), ættu að grípa tækifærið og skuldbinda sig til að viðhalda kjarnaþáttum hins frjálsa og opna internets. Þetta er það sem hefur gert upplýsingasamfélaginu kleift að þróast og mun áfram færa ávinninginn af nettengdum heimi til allra. Í þessu skyni býður CENTR eftirfarandi meginstef til leiðbeiningar fyrir stefnumótun á næsta kjörtímabili ESB, sem hefst 2024:
Samvirkni (e. Interoperability)
Stefnumótunaraðilar ESB/ESA verða formlega að viðurkenna opna internet staðla og stuðla að notkun þeirra með opinberum innkaupum til að styðja við ókeypis „Næstu kynslóðar internet“ – net sem er opið fyrir alla, einstaklinga jafnt sem fyrirtæki og stofnanir.
Næsta kynslóð Netsins verður áfram að byggjast á opnum stöðlum. Góður árangur og mikill sveigjanleiki internetsins varð aðeins mögulegur fyrir tilstuðlan opinna staðla. Staðla sem eru aðgengilegir almenningi, þróaðir með gagnsæjum hætti og opnir fyrir þátttöku allra. Opnir internet staðlar tryggja samvirkni og samræmi (samþýðanleika) milli mismunandi þjónustu á netinu og stuðla þannig að vali notenda og aukinni samkeppni.
Stjórnvöld ættu að viðurkenna opna staðla formlega sem raunhæfan kost í lögsögu sinni þegar þróun nýrrar tækni er rædd. Allir hagsmunaaðilar, þar með talið hið opinbera, ættu að taka þátt í þróun opinna staðla.
Á vettvangi ESB ættu opinber innkaup að styðja og hvetja til lausna byggða á opnum stöðlum í stað lokaðra kerfa. Slíkt myndi efla samkeppni á markaðnum, tryggja aukið úrval af þjónustu til notenda og forða þjónustuveitendum og söluaðilum frá því að lokast inni í ákveðnum kerfum. Allt er þetta mikilvægt fyrir þróun „næstu kynslóðar internetsins“.
Næsta kynslóð Netsins mun standa á öxlum núverandi innviða netsins, svo sem DNS, Internet Protocol Suite og annarra staðla og samskiptareglna, sem voru þróaðar og er viðhaldið innan núverandi alþjóðlegra staðla- og samhæfingaraðila, aðila sem allir byggja á fjölhagsmunalíkaninu (e. Multi Stakeholder Model) og gerir öllum kleift að taka þátt – óháð uppruna eða búsetu.
Næsta kynslóð internetsins verður að tryggja áframhaldandi rekstrarsamhæfi og samræmi (samþýðanleika) við núverandi grunnhluta nauðsynlegra netinnviða, sem hafa sannað getu sína til að viðhalda skalanlegu interneti í gegnum mörg þróunarstig þess. Til þess að viðhalda frjálsu og opnu interneti og getu þess til að þróast áfram, án þess að útiloka nokkurn, er samvirkni við núverandi innviði Netsins algerlega nauðsynleg.
Þýtt og staðfært af Jens P. Jensen/ISNIC.
Reykjavík, desember 2023.
fimmtudaginn 26. og föstudaginn 27. október verður símatími frá kl. 09:00 - 12:00 vegna vetrarfría leik- og grunnskóla. Fyrir tæknilega aðstoð og reikninga er best að senda tölvupóst á isnic@isnic.is. Tölvupóstum verður sem áður svarað eins fljótt og auðið er.
Kær kveðja,
Starfsfólk ISNIC
Góða verslunarmannahelgi!
]]>Símatími skrifstofu ISNIC til 14. ágúst er frá 09:00-12:00 alla virka daga. Við minnum á að sjálfsafgreiðsla léna fer fram í gegnum isnic.is og leiðbeiningar við öllum helstu aðgerðum má finna í Spurt & svarað.
Fyrir tæknilega aðstoð er skilvirkast að senda tölvupóst á isnic@isnic.is og við reynum eftir bestu getu að svara fyrirspurnum samdægurs.
Hér eru leiðbeiningar fyrir nokkrar algengar aðgerðir:
Hvernig skrái ég mig inn?
Hvernig endurnýja ég lén?
Hvernig skipti ég um rétthafa?
Hvernig skipti ég um nafnaþjóna?
Hvernig sæki ég hreyfingalista og reikninga?
Gleðilegt sumar!
Starfsfólk ISNIC
]]>Þegar lén er endurnýjað í gegnum „Mína síðu“ á isnic.is, fer lénið nú beint körfu þar sem viðskiptavinurinn getur bætt fleiri lénum til að endurnýja við í körfuna. Í næsta skrefi velur viðskiptavinurinn greiðslumáta og fær einn reikning fyrir árgjaldi allra léna í körfunni.
Breytingin hjálpar sérstaklega viðskiptavinum með mörg skráð lén, þar sem þeir geta nú endurnýjað öll sín lén á sama tíma með einni greiðslu, óháð gjalddaga lénanna. Breytingin einfaldar endurnýjunarferlið og tryggir skilvirka stjórnun og aukna yfirsýn lénaskráninga.
Kær kveðja, ISNIC
]]>ISNIC biður þá sem treyst hafa á að fá reikninginn sendan með landpóstinum, velvirðingar. Þeir sem ekki nota greiðslukort fá eftir sem áður birta kröfu í heimabanka og reikninginn sendan með tölvupósti.
Útsendingu reikninga með landpóstinum verður alfarið hætt 1. júní 2023.
]]>Starfsfólk ISNIC óskar viðskiptamönnum gleðilegs sumars og þakkar fyrir veturinn (með ósk um að hans líkir komi seint aftur).
ISNIC
]]>2. Lénið þarf helst að hljóma vel, virka hvetjandi [í tilviki markaðsléna] og vera þannig að auðvelt sé að muna það. Gott dæmi er 'facebook.is', en slæm dæmi eru 'isnic.is' og 'google.is', sem margir áttu lengi vel erfitt með að muna, skrifa eða skilja! Þá er gott er að nota orðabækur á ensku og íslensku við val á heiti léns. Annað gott ráð er að segja engum frá hugmynd að léni áður en það hefur verið skráð. Fyrir kemur reglulega að „einhver annar“ – oft nákominn – skrái lén, sem hefur verið að veltast um sem hugmynd í kollinum hjá hópi fólks.
3. Stofnlén eða grunnlén er "aðallén" starfseminnar. Undir það lén koma tímabundin eða varanleg markaðslén sem er ætlað að vísa til þjónustunnar sem er veitt og skráðra vörumerkja í eigu rétthafa lénsins. Til eru vörumerkjasérfræðingar (e. branding managers) sem vert er að leita til í þessum efnum. Munið að ekkert af þessu er meitlað í stein og að æfingin skapar meistarann. Fyrirtæki og stofnanir prófa sig áfram með nokkur lén og finna að endingu rétta stofnlénið og rétta léna-mengið. Mjög mikilvægt er að nafn fyrirtækis og stofnunar vinni saman. Best er ef nafn félagsins og stofnlénið sé eitt og sama heitið. Því er mikilvægt að skrá lénið áður, eða um leið og félagið/stofnunin er skráð hjá Fyrirtækjaskrá (rsk.is). Lénasölumenn vakta ýmiskonar opinberar skráningar í þeim tilgangi að skrá lén, annað hvort til endursölu eða til að nota sem veiðilén, en stundum til þess eins að afla auglýsinatekna hjá Google!
Gott lén er gullsígildi
kær kveðja .is ]]>Sjálfsafgreiðsla léna fer fram í gegnum vef ISNIC og notendur geta framkvæmt allar aðgerðir innskráðir inn á viðeigandi auðkenni. Hægt er að sjá hvaða auðkenni lén eru skráð á með því að skrifa nafn léns inn í leitargluggann á forsíðu vefsins. Svör við algengum spurningum og leiðbeiningar fyrir allar helstu aðgerðir má finna í Spurt & svarað.
Gleðilega páska
ISNIC
]]>Þeir sem reka mikilvæga þjónustu á netinu ættu ávallt að huga að fleiri en einni útgáfu af léni sem vísar í heiti þjónustunnar, vöru eða nafn fyrirtækisins. Þetta á sérstaklega við ef heitið inniheldur keimlíka stafi sem auðvelt er að ruglast á. Dæmi: I og i, samhverfurnar b og d, t og f, p og q o.fl.
Frægt dæmi er þegar sjóræningaútgáfa af heimasíðu íslensku Lögreglunnar var sett á vefinn undir blekkingarléninu „logregian.is“. Gott dæmi um svokallaða hindrandi lénaskráningu er lénið arionbankl.is (með elli í endann) sem er skráð af bankanum til að auka netöryggi viðskiptavina arionbanki.is.
Stafirnir „ell“ og „i“ eru keimlíkir og því oft notaðir í blekkingarlén og mannlegt auga getur átt erfitt með að átta sig á muninum.
]]>Við hvetjum sem flesta til að nýta sér sjálfvirku greiðsluleiðirnar, Aur, kortagreiðslur og kröfugreiðslur fyrir endurnýjanir. Aðrar greiðslur, svo sem millifærslur og símgreiðslur, þarf að bóka handvirkt á skrifstofu ISNIC og því bókast slíkar greiðslur ekki utan opnunartíma skrifstofu. Lén ætti því ávalt að endurnýja vel fyrir lok gildistíma lénsins. Lokist lén, lokast samtímis á allar þjónustur sem hvíla á léninu s.s. tölvupóst og vefsíðu.
Bestu kveðjur, ISNIC
]]>Árið 2022 hefur verið félaginu hagfellt og er fjöldi nýskráðra léna kominn í 13.692 lén. Nokkuð hefur þó dregið úr „útflutningi“ á árinu (lén með erlent heimilisfang) á sama tíma og afskráningum hefur fjölgað. Nettófjölgun léna (nýskráð lén mínus eydd lén) hefur dregist saman í haust, sem annars vegar má rekja til mikillar óvissu í efnahagslífinu og hins vegar þess að ISNIC hefur aukið eftirlit með réttmæti lénaskráninga, sem hefur valdið aukningu í afskráningum nýskráðra léna á grundvelli ófullnægjandi upplýsinga um rétthafann.
Hátíðarkveðja.
Starfsfólk ISNIC
]]>Allt of mörg dæmi eru um léna-auglýsingar sem innihalda lénsheiti, sem augljóslega ætti að innihalda séríslenskan staf eða stafi, en gerir það ekki. Slíkt ætti að heyra sögunni til, enda 15 ár síðan að ISNIC hóf að bjóða upp á séríslenska stafi í lénsheitum. Sé IDN-lénið skráð á sömu kennitölu og stofnlénið (lén með enskum lágstöfum eingöngu) reiknast sjálfkrafa ríflegur afsláttur af árgjaldinu, sem annars er kr. 6.293.-
Aðrar góðar og mikilvægar ástæður fyrir notkun IDN-léna eru; að hindra misskilning, og að hindra skráningu „veiðiléns“ (e. Phishing domain, eða Domain spoofing). Svokölluð veiðilén eru notuð til lokka (gabba) notendur inn á vef eða tölvupóst og hafa af þeim peninga með einum eða öðrum hætti. Dæmi um þekkt veiðilén eru lénin 'logregian.is' og 'landsbankl.is' sem glæpamenn skráðu til að hagnast á þeim. Tímafrekt og dýrt getur reynst að fá þannig lénum lokað og eytt. IDN-lénum er gjarnan varpað sjálfvirkt yfir á aðallénið (sett í áframsendingu) og þau henta síður fyrir tölvupóst – enda krefjast þau séríslensks lyklaborðs.
]]>Frétt uppfærð 4. október kl. 15.00: Um leið og ISNIC þakkar umsækjendum kærlega fyrir áhugann, tilkynnist hér með að lokað hefur verið fyrir móttöku umsókna. Öllum umsækjendum verður svarað fyrir lok næstu viku (11. nóv.).
]]>Lesið frétt um samstarfið á vefsíðu RcodeZero
]]>Dæmi um náttúrulega einokun er t.d. þjónusta Veitna (vatns- og fráveita) og þjónusta Vegagerðarinnar (vegakerfið). Nær væri að tala um að ISNIC væri „tæknilegur einokunaraðili“, því tæknilega séð getur aðeins einn aðili séð um grunnnafnaþjónustuna (DNS) fyrir eitt og sama höfuðlénið. Hins vegar mætti nær örugglega ná fram meiri hagræðingu (og þar með aukinni velferð) í rekstri höfuðlénsins ef t.d. Verisign Inc. yrði falið að sjá um reksturinn á „.is“ – auk þess að sjá um „.com“ og fleiri höfuðlén.
Á fimmtudag mun starfsmaður ISNIC setjast niður með hlaðvarpsstjórnendum Pyngjunnar og fara yfir helstu misfærslurnar sem fram komu og slá á létta strengi. Samtalið verður að sjálfsögðu tekið upp og birt í nýjum þætti í lok vikunnar.
Þáttinn má finna á hlaðvarpsveitum undir nafninu Pyngjan, þátturinn heitir Ársreikningar: ISNIC.
]]>Ríflega 30% viðskiptamanna ISNIC eru búsettir utan Íslands og gagnvart þeim verður engin breyting, né heldur gagnvart þjónustuaðilum (hýsingarfyrirtækjum) og öðrum sem nota inneignarkerfið (ISNIC PP). Þeir fá eftir sem áður einn reikning fyrir úttektum í mánuðinum.
Gott væri að heyra álit viðskiptamanna á þessari fyrirætlan, en reiknað er með að breytingin taki gildi snemma á næsta ári (2023).
]]>Sumaropnunartími skrifstofu ISNIC er frá 09:00-14:00 alla virka daga. Lokað er í hádeginu. Við minnum á að sjálfsafgreiðsla léna fer fram í gegnum vefinn okkar og leiðbeiningar við öllum helstu aðgerðum má finna í Spurt & svarað.
Skilvirkast er að senda tölvupóst með erindi þínu á isnic@isnic.is og starfsfólk okkar svarar eins fljótt og auðið er.
Njótið þjóðhátíðardagsins og gleðilegt sumar.
ISNIC
]]>Sérfræðingar ISNIC hafa augun hjá sér og setja vafasamar lénaskráningar í svokallað "Bad Reg", sem þýðir að geti viðkomandi rétthafi ekki sannað á sér deili lokast lénið. Samskonar tilvik hafa komið upp undanfarið hjá systurfyrirtækjum ISNIC erlendis.
ISNIC hvetur rétthafa léna til að skoða aðgangsupplýsingar sínar hjá ýmsum þjónustum á netinu og breyta, ef tilefni er til, sérstaklega ef lén í eigu viðkomandi hefur nýlega verið afskráð (ekki endurnýjað) en áður notað við skráningu á samfélagsmiðil svo dæmi sé tekið. Þá hvetur ISNIC alla til að nota tveggja þátta auðkenningu sem víðast á netinu. Lén sem ekki eru endurnýjuð lokast sjálfkrafa daginn eftir að þau renna út, en eyðast að 30 dögum liðnum. Þá fyrst getur hver sem er skráð sama lénsheiti. ISNIC gefur aldrei út upplýsingar um nýlega eydd lén, en auðvelt er að sjá hvort lén er laust, t.d. með því að nota leitina á ISNIC.is og víðar.
]]>Ekki er um að ræða verulegar efnisbreytingar frá fyrri reglum, heldur einkum tæknilegar breytingar til að tryggja að reglurnar samræmist hinni nýju löggjöf. Þá eru gerðar breytingar á uppsetningu og fyrirsögnum til að auka skýrleika reglnanna.
Reglurnar hafa verið birtar á vef ISNIC og taka þegar gildi.
]]>2. Rangt er að eigendur ISNIC hafi greitt sér mörg hundruð milljónir í arð "á ári" eins og fram kom hjá þáttastjórnendum Bítisins á Bylgjunni. Rétt er hins vegar að metarðgreiðsla var innt af hendi í feb. sl. og var hún 118 mkr. eins og sjá má í ársreikningi ISNIC 2021 og finna má á vefsíðu Skattsins. Þar má einnig sjá að "ríkið" á samtals 23,5% af hlutafé ISNIC og fékk þ.a.l. 1/4 af arðinum auk 22% af heildararðgreiðslunni, eða samtals um 48.6 mkr!
3. Enn og aftur er tönglast á "háu árgjaldi" hjá ISNIC og því haldið fram að ef ríkið færi með reksturinn væri það lægra. ISNIC hvetur þá sem halda slíku fram að bera saman árgjald léns hjá ISNIC og árgjald ýmissa ríkisstofnana nokkur ár aftur í tímann. Þá kæmi t.d. í ljós að árgjald léna hefur lækkað um yfir 60% að raungildi frá árinu 2007, en það ár var stofngjaldið, kr. 4.450, afnumið. Gjaldið lækkaði svo aftur árið 2008 um kr. 1.000 en hækkaði svo aftur (og þá í fyrsta sinn frá stofnun) um kr. 1.000 árið 2021 til að mæta mjög miklum kostnaðarhækkunum. ISNIC hefur um árabil fylgt þeirri stefnu, að láta árlegan tekjuvöxt nægja og hækka ekki árgjald léna, nema ef kostnaðarhækkanir fara umfram nafnvöxt tekna. Hér skal fullyrt að engin ríkisstofnun státar af slíkri stefnu, hvað þá gjaldskrárlækkunum ár eftir ár. Skv. Centr.org var meðalárgjald landaléna (ccTLD) í heiminum 12 dollarar árið 2021. Árgjald ISNIC án vsk er nú €31.90 (um 29 dollarar). Hins vegar er þjónusta ISNIC við viðskiptamenn langt umfram það sem þekkist hjá systurfyrirtækjum ISNIC erlendis, hvar ómögulegt er að fá persónulega aðstoð í gegnum síma (sem er reyndar eitthvað sem ISNIC gæti þurft að endurskoða áður en langt um líður).
4. Rangt er einnig að ríkisstofnanir sjái almennt um rekstur landsléna. Undirritaður veit aðeins eitt dæmi um slíkt í vestur Evrópu, sem er finnska Póst- og fjarskiptastofnunin, en hún fékk landslénið .fi "upp í hendurnar" eftir að stórt fjarskiptafyrirtæki, sem haft hafði reksturinn með höndum frá byrjun, fór í þrot. Miklar umræður hafa verið æ síðan um að breyta þessu og fela einkaaðilum rekstur þess á ný. Áberandi er hversu fá lén eru skráð undir .fi og menn geta getið sér til um ástæður þess. Hins vegar er afar óvenjulegt að eigendur skráningarstofu séu jafn fáir og raun ber vitni um hjá ISNIC, þar sem eigendur eru nú aðeins 21 og hefur fækkað um 30 frá því félagið var stofnað 1995. Hverjum skildi það vera að kenna?
5. Rangt er að .is eigi ekki í neinni samkeppni og að sjálfgefið sé að .is sé vinsælasta lénið á Íslandi og verði svo um alla framtíð (reyndar er markaðshlutdeild .is á Íslandi rétt undir 50% móti öðrum höfuðlénum og hlutdeild .com mun stærri en flestir gera sér grein fyrir). ISNIC á m.ö.o. harðri í samkeppni við öll önnur höfuðlén og flytur út þjónustuna í talsverðum mæli (t.d. eru margir Norðmenn með .is). Þá er það alls ekki svo að í öllum ríkjum séu landshöfuðlén viðkomandi ríkis mest notuð, t.d. er .com mun vinsælla hjá almenningi í Noregi en .no, sem er auðvitað afar óheppilegt lén og sama gildir um Frakkland, en þar er hlutdeild .fr aðeins um 20%. Velta má fyrir sér hvort markaðsstaða .is á Íslandi væri eins sterk og raun ber vitni ef ISNIC væri ríkisfyrirtæki og árgjald léna hefði fylgt opinberri verðlagsstefnu.
Við ofangreindar leiðréttingar má svo bæta að ef árgjald léns yrði lækkað um sem nemur rekstrarhagnaði síðsta árs (108 mkr/83.000 lén) eða um kr. 1.300 (20%) myndi hagnaður ISNIC þurkast út og reksturinn yrði þar með settur í uppnám. ISNIC ber skylda til halda ríflegann varasjóð, sem það gerir, og er reyndar langt um fram lagalegar kröfur. Þá hefur grunnrekstur ISNIC, DNS reksturinn fyrir .is rótina og þar með uppitími landslénsins .is verið 100% um árabil. Alls ekki öll landslén geta státað af slíkum árangri.
Við Íslendingar njótum þeirrar gæfu að geta og mega skrá lén beint hjá frumskráningarstofunni – án milliliðar – sem er líklega einstakt á heimsvísu og aðeins mögulegt vegna mjög lítils heimamarkaðar. Úti í hinum stóra heimi eru lén ávallt keypt í gegnum þriðja aðila, sem eru kallaðir "Registrar" upp á ensku. ISNIC er svo kallað "Registry" (skráningastofa í lögum um lén) og í beinni samkeppni við öll önnur höfuðlén, en lista yfir þau má sjá hér: https://www.iana.org/domains/root/db
Lén sem ISNIC lítur sérstaklega til hvað samkeppni varðar, er höfuðlénið .io, sem hefur náð að hasla sér völl meðal tæknifyrirtækja, en .io kostar nú USD 32 á sérstöku tilboði hjá NameCheap, svo dæmi sé tekið. Vilji menn skrá lén undir .de, stærsta landsléni Evrópu, beint hjá skráningarstofunni DENIC (systurfyrirtæki ISNIC í Þýskalandi) þá kostar árgjaldið €116 auk €58 árlega fyrir umsjón þess, kjósi menn það. Sjá https://www.denic.de/preisliste/
ISNIC
/Jens Pétur Jensen
framkvæmdastjóri og aðaleigandi.
Í tilkynningu Akita ehf. til seljanda segir m.a.: „Akita ehf er nýr rekstraraðili Teljari.is og Svarbox.is,. Akita ehf mun kappkosta við að veita sömu góðu þjónustuna og forverinn, Modernus, gerði um árabil. Akita mun á komandi misserum kynna nýjar þjónustuleiðir fyrir fyrirtæki, einyrkja og stofnanir.“
Netföngin eru óbreytt: teljari@teljari.is og svarbox@svarbox.is. Akita ehf. er Internet á Íslandi hf. óviðkomandi, en við mælum með því að fyrrum viðskiptamenn okkar kynni sér nýja hugbúnaðinn og þjónustuna. Starfsmenn og stjórn ISNIC óska Akita ehf. velfarnaðar. Það er gaman til þess að vita að ungir og kraftmiklir menn skuli hafa séð viðskiptatækifæri í þessum gömlu og góðu lénum.
]]>Fjöldi nýskráðra léna er kominn yfir 14.500 lén, en var 13.869 lén árið 2010. Ólíkt árinu 2020, þegar heldur dró úr erlendum skráningum, hefur útflutningur aukist nokkuð á ný. Um 30% .is-léna er með erlent heimilisfang – langflest á Norðurlöndunum, Bandaríkjunum, Þýskalandi og Bretlandi. Nettóaukning léna (nýskráð lén mínus eydd lén) er kominn í 6.508, en nettófjölgun virkra léna var 5.310 árið 2020.
]]>Báðum ofangreindum hugbúnaðarþjónustunum, vefmælingunni og netspjallinu, verður lokað um næstu áramót. Þær verða í gangi fram á Gamlársdag, svo notendur geti brugðist við, en engir frekari reikningar munu berast viðskiptamönnum. Síðasti útgáfudagur reikninga var 30. september sl.
Athugið að fjarlægja þarf kóðana út af vefjum sem innihalda þá, svo ekki komi til truflunar þegar þjónustunni verður lokað, sem verður á hádegi föstudaginn 31. desember 2021.
Starfsmenn og stjórn þakka kærlega fyrir viðskiptin undanfarin 20 ár. Gangi ykkur vel.
]]>Lén sem rennur sitt skeið nálægt eða á helgidegi, ætti ávallt að endurnýja tímanlega til að koma í veg fyrir lokun þess. Lén lokast sjálfkrafa strax daginn eftir eindaga (e. expire date) þess.
Sumarkveðja, starfsfólk ISNIC.
]]>Gleðilegt sumar
ISNIC
]]>Gildandi reglur ISNIC um lénaskráningu sæta nú endurskoðun, sem einkum miðar að því að tryggja samræmi þeirra við hin nýsamþykktu lög og kveða með skýrari hætti á um verklag og ráðstafanir vegna rangra eða ófullnægjandi lénaskráninga, eða vísbendinga þar um.
SDJ
]]>Gleðilegan þjóðhátíðardag!
ISNIC
]]>Góða Eurovision helgi, áfram Daði og Gagnamagnið!
ISNIC
]]>RIX er skiptistöð íslenskra internetþjónustuaðila, þar sem þeir skiptast á IP umferð sín í milli og koma þannig í veg fyrir að innlend netumferð flæði að óþörfu um útlandasambönd með tilheyrandi töfum og kostnaði. Sjá nánar á rix.is.
]]>Sjálfsafgreiðsla léna fer fram í gegnum vef ISNIC og notendur geta framkvæmt allar aðgerðir innskráðir inn á viðeigandi auðkenni. Við minnum á að svör við spurningum og leiðbeiningar fyrir allar helstu aðgerðir má finna í Spurt & svarað.
Gleðilega páska!
ISNIC
]]>Árgjald .is-léna hefur aldrei áður hækkað, heldur hefur það lækkað nokkrum sinnum frá því fyrst var farið að skrá lén um árið 1990. Síðast lækkaði árgjaldið árið 2014 og þá um kr. 1.000 – úr 6.980 í kr. 5.980. Árið 2008 kostaði hins vegar kr. 12.450 að nýskrá lén, en í desember það ár var stofngjaldið, kr. 4.450.- aflagt. Hækkun árgjaldsins nú er hins vegar nauðsynleg til að halda í við mikla hækkun rekstrarkostnaðar, einkum launakostnaðar, sem hefur hækkað gríðarlega á sl. sex árum, eða um rúmlega 42% skv. Hagstofu Íslands*
Jens Pétur Jensen, framkvæmdastjóri.
*Launavísitala starfsmanna á almennum vinnumarkaði: Janúar 2015: 74,3. Janúar 2021: 106,0.
]]>Þriðji tengipunkturinn. 100Gbs netskiptir hefur einnig verið settur upp í Tæknigarði (TG) og því býður RIX framvegis upp á 100Gbs tengingar bæði í TG og í Múla. Eldri skiptarnir, sem buðu hæst upp á 10Gbs tengingar, verða áfram í boði, ásamt auðvitað 1Gbs tengingum fyrir smæstu aðilana, í KT (Katrínartúni) og TG.
Hringtenging RIX-netsins. Allir þrír nettengipunktar RIX.is eru nú samtengdir, þannig að tenging á einum punkti gerir tengdum aðilum kleift að senda og taka á móti umferð frá öllum sem tengjast RIX – burtséð frá því hvar þeir tengjast. Margir aðilar að RIX kjósa að tengjast á fleiri en einum stað, til að auka enn frekar á öryggi netumferðar sinnar.
]]>Vefþjónustan sem veitt er á www.isnic.is breytist auðvitað ekkert – nema síður sé – hana má nýta sér allan sólarhringinn.
Það er einlæg von okkar að stytting vinnutímans muni smátt og smátt skila sér í meiri ánægju starfsfólks, sem aftur muni skila sér í auknum þjónustugæðum öllum viðskiptamönnum til hagsbóta.
ISNIC
]]>Hjá ISNIC starfa um 12 manns að jafnaði í um 9 stöðugildum skv. ársreikningi. Í stjórn félagsins sitja 5 manns og einn varamaður og var hún endurkjörin óbreytt. Hluthafar félagsins eru 21 að tölu, en voru um 70 við stofnun þess árið 1995.
Hægt er nálgast ársreikning ISNIC á skrifstofu félagsins og á https://www.rsk.is/fyrirtaekjaskra/ innan nokkurra daga.
Jens Pétur Jensen, framkv.stj.
]]>Burðargjaldið, sem aðeins leggst við árgjaldið hjá þeim sem það velja, hækkaði í upphafi árs úr kr. 202 í kr. 282 (kr. 350 m. vsk), eða sem nemur útlögðum kostnaði ISNIC (224 krónur til Íslandspósts og 58 krónur fyrir umslag, prentun og vinnu).
Árið 2020 voru 14.69% árgjaldsreikninga ISNIC prentaðir á pappír og sendir með Íslandspósti, eða 10.957 reikningar. ISNIC vinnur að því að draga úr pappírsnotkun, umhverfisins vegna, en árið 2013 voru 77.54% reikninga ISNIC sendir út með Íslandspósti. Við stefnum að því að hlutfallið fari niður í 10% í ár og að lokum heyri það til undantekninga að prenta út reikninga. Þó ber að hafa í huga, að til eru einstaklingar og fyrirtæki sem þurfa að fá útprentaðan reikning sendan til sín.
Tillaga um hækkun árgjalds léns
Stjórn ISNIC tekur á næsta stjórnarfundi (29.1.) fyrir tillögu framkvæmdastjóra um hækkun árgalds léns úr kr. 5.980 í kr. 6.290 (5.2%). Verði tillagan samþykkt verður það í fyrsta sinn í sögu félagsins (frá 1995) sem árgjald léns hækkar. Árgjald léns var lengi kr. 7.980, eða frá árinu 2000 til 2007, er það var lækkað í kr. 6.980. Árgjald léns var svo lækkað aftur um eittþúsund krónur nokkrum árum síðar (2012) í það sem það er nú, eða kr. 5.980.
Ástæða tillögu minnar um hækkun árgjaldsins er mikil hækkun rekstrarkostnaðar (aðallega launakostnaðar) undanfarin fimm ár og sérstaklega á síðasta ári, er ný lög um mikilvæga innviði tóku gildi. Uppsöfnuð hækkun vísitölu launakostnaðar á Íslandi er rúm 50% frá árinu 2015 skv. Hagstofu Íslands.
Jens Pétur Jensen,
framkvæmdastjóri ISNIC.
Árið 2020 hefur verið félaginu hagfellt, þrátt fyrir allt, og fjöldi nýskráðra léna er þegar kominn í tæp 13.600 lén, en hann var tæplega 12.600 lén allt árið 2019. Nokkuð hefur dregið úr „útflutningi“ á árinu (lén með erlent heimilisfang) en um 1/4 hluti .is-léna er með erlent heimilisfang, langflest á Norðurlöndunum, Bandaríkjunum, Þýskalandi og Bretlandi. Nettóaukning léna (nýskráð lén mínus eydd lén) er komin í 5.230 lén á árinu móti 4.207 lén í fyrra.
Mjög góð nettóaukning hefur gert okkur kleift að halda árgjaldi .is-léns óbreyttu, en það hefur aldrei hækkað í rúmlega 30 ára sögu landslénsins. Nýskráning léns kostaði – með 4.450 króna stofngjaldi – kr. 12.450 árið 2007, en það ár var stofngjaldið fellt niður. Árgjald léns, með vsk, er nú aðeins kr. 5.980 m. vsk. og erlent árgjald léns er EUR 29.90 án vsk. Vegna mikilla kostnaðarhækkana undanfarin ár, og á yfirstandi ári sérstaklega, íhugar stjórn ISNIC að hækka árgjald léns um ca. 5% í janúar 2021. Sú hækkun yrði sú í fyrsta í sögu félagsins.
]]>Jólakveðjur, ISNIC
]]>Nýskráning léns er oft fyrsti vísirinn af einhverju sem koma skal og ágæt aukning nýskráninga léna sýnir að margir eru með sitthvað á prjónunum þrátt fyrir allt.
]]>Erindum í gegnum tölvupóst, netspjall og síma veður sinnt eins og áður, en símanum er þó lokað klukkan 14:00, sjá frétt vegna styttingu símatíma.
Grunnþjónusta ISNIC verður óskert, enda reiðir hún sig ekki á mannlegar hendur nema í tilviki bilana.
]]>Við hvetjum viðskiptavini til þess að leita svara við spurningum um lén o.fl. undir Spurt&Svarað. Einnig er hægt að spjalla við starfsfólk okkar í Svarboxinu og svo svörum við auðvitað tölvupóstum sem berast á isnic@isnic.is eins fljótt og auðið er.
Gleðilegt sumarfrí :)
]]>Forráðamönnum og bústjórum þrotabúa er bennt á að ástæða kann að vera til að endurnýja lén þekktra fyrirtækja, sem eiga í erfiðleikum, einkum ef vilji stendur til þess að endurreisa þau. Mjög erfitt og kostnaðarsamt getur reynst að vinna tapað lén til sín á ný.
]]>Tölvupósti, netspjalli og síma veður sinnt eins og endranær - allt eftir bestu getu.
Grunnþjónusta ISNIC verður óskert, enda reiðir hún sig ekki á mannlegar hendur nema í tilviki bilana.
]]>Vinsældir og mikilvægi Áframsendingarinnar hafa aukist jafnt og þétt síðan byrjað var að bjóða upp á þjónustuna. Sívaxandi hluti viðskiptavina okkar treystir á kerfið til að hýsa lénin þeirra og vísa tölvupósti og vefheimsóknum rétta leið.
Okkur þótti því kominn tími til að auka þjónustustigið og tryggja notendur þjónustunnar betur gegn sjaldgæfum bilunum. Meginkostur nýja kerfisins, er að það dreifir vinnslunni betur um Netið; nú eru nafnaþjónar og vefþjónar fyrir áframsendingu bæði í Evrópu og Bandaríkjunum, auk þjónanna sem alltaf hafa verið á Íslandi. Einnig er nafnaþjónn í Asíu sem bætir til muna svartíma og áreiðanleika fyrirspurna frá Asíu og Eyjaálfu.
Með þessum breytingum er tryggt að þó að truflun verði á netsambandi Íslands við umheiminn, þá mun öll heimsbyggðin áfram geta flett upp og átt í samskiptum við lén sem eru í Áframsendingu.
Vöktun þjónustunnar var endurbætt, meðal annars með því að taka í notkun RIPE Atlas til að mæla reglulega afköst og virkni Áframsendingarinnar frá öllum heimshornum. Um leið var kerfið allt gert sveigjanlegra á margan hátt, svo auðveldara verður að útvíkka og endurbæta þjónustuna í framtíðinni.
Eins og svo oft gildir um innviðabreytingar, ættu viðskiptavinir okkar ekki að verða varir við neitt, nema ef til vill ögn betri svartíma þegar lénum í Áframsendingu er flett upp erlendis frá.
]]>Starfsfólk ISNIC.
]]>Fátt ef nokkuð er þó meira pirrandi, en þegar lén lokast óforvandis og tölvupósturinn hættir að virka og vefurinn hverfur af öldum internetsins. Þá fyrst fáum við að heyra það og oftar en ekki eitthvað á þessa leið: „Af hverju í andsk. létuð þið mig ekki vita áður!“
]]>12.581 .is-lén voru nýskráð á árinu 2019, sem er met. Allt árið í fyrra voru nýskráð 7.725 lén. Vöxur nýskráninga milli ára er því um 50%. Á móti nýskráningum koma afskráð lén (eyðingar) sem einnig eru, eðli málsins samkvæmt, í hæstu hæðum.
Nettófjölgun léna á árinu 2019 reyndist 4.188 lén móti 2.126 lénum árið 2018. Þetta er góð fjölgun, en þó talsvert undir metárinu 2013 þegar nettóaukningin var 5.216 lén!
Heildarfjöldi virkara .is-léna náði 70.000 lénum í nóvember sl. Þótt okkur kunni að þykja þetta mikill fjöldi er .is-lénið (enn) á meðal minnstu landsléna á gjörvöllu Internetinu.
Sjá nánar undir Tölulegar upplýsingar
]]>Skrifstofa ISNIC verður lokuð frá 24. desember (aðfangadag) til og með 26. desember (annars í jólum). Skrifstofan opnar aftur föstudaginn 27. desember. Lén má ávalt endurnýja með greiðslukorti, eftir innskráningu hér á vef ISNIC, eða með því að greiða greiðsluseðil í heimabanka, kr. 5.980.- kröfuhafi er Internet á Íslandi.
]]>Aðeins 1-2 mál berast Úrskurðarnefnd ISNIC árlega, en undanfarið hefur borið nokkuð á aukningu svokallaðra „abusive domain registration“, þar sem lén virðast fyrst og fremst skráð í annarlegum tilgangi. Of tímafrekt og kostnaðarsamt þykir að þrjá nefndarmenn þurfi til að úrskurða í „einföldum“ deilum um nýskráð lén.
ISNIC bendir á að dómar við héraðsdómstóla eru felldir af einum dómara og að Úrskurðarnefnd ISNIC, sem aðeins er n.k. gerðardómur, úrskurðar eingöngu að ákveðnum skilyrðum uppfylltum. Sjá nánar Reglur um Úrskurðarnefnd léna.
]]>Tilkynna þarf skráningu, nafn/netfang, fyrirfram með tölvupósti til isnic@isnic.is. Takmarkaður fjöldi.
Um fyrirlesarann og ICANN:
Dr. Champika is the Regional Technical Engagement Manager for Asia Pacific at the Internet Corporation for Assigned Names and Numbers (ICANN), the global body that coordinates Internet's unique identifiers across the world. He represents ICANN in Security, Technical, Law Enforcement and Capacity Building forums primarily in the Asia Pacific region.
Prior to ICANN, Champika held managerial, specialist and liaison roles at the Regional Internet Registry for the Asia Pacific. He started his career with IBM Corporation as a technical specialist and later worked in IT industry, academia, research, and training environments. Champika received a number of excellence awards during his academic and professional careers and also served in various technical community groups and committees.
Champika holds a postgraduate degree in Computer Science & Engineering and Professional Education qualifications in Cybersecurity.
]]>Eftir breytinguna hljóði 32. grein svo:
„ISNIC skipar formann nefndarinnar til tveggja ára í senn og skal hann uppfylla hæfisskilyrði héraðsdómara. Formaður úrskurðar einn í málum nema hann telji eðli tiltekins máls og aðstæður að öðru leyti gefa sérstakt tilefni til að úrskurðarnefnd verði skipuð þremur nefndarmönnum við meðferð þess. Skal ISNIC þá skipa tvo nefndarmenn til viðbótar og skal annar þeirra hafa faglega kunnáttu á sviði samkeppnis- og vörumerkjamála og hinn á málefnasviði internetsins og tækni. Ritari nefndarinnar skal vera starfsmaður ISNIC. Ritari hefur ekki tillögurétt né heldur rétt til að hafa áhrif á störf nefndarinnar.“
Rökin fyrir breytingunni er ætluð fjölgun mála hjá Úrskurðarnefnd vegna svonefndra óheiðarlegra lénaskráninga (e. abusive domain registration). ISNIC þykir að nægilegt sé að einn lögmaður úrskurði, almennt séð, og að sá hinn sami uppfylli hæfi héraðsdómara í stað þess að nefndin skuli ávallt skipuð þremur mönnum. Breytingin er í samræmi við hvernig þessu er háttað hjá sambærilegum fyrirtækjum í löndunum í kring s.s. hjá Nominet Ltd. sem stýrir .uk og co.uk.
]]>ISNIC er með 67.389 lén í umsýslu um þessar mundir. Aðeins með því að viðhalda og jafnvel auka sjálfvirkni verður hægt að halda árgjaldi léns (kr. 5980) óbreyttu áfram.
]]>NTP (Network Time Protocol) er tækni sem gerir tölvum kleift að stilla klukkuna eftir heimild. NTP kerfinu er skipt upp í svo kölluð „strata“, sem gefur til kynna hversu langt frá „réttri“ klukku þessi tölva er. Í þessu samhengi er rétt klukka skilgreind sem kjarnorkuklukka. Slíkar klukkur eru óhemju nákvæmar (nákvæmni upp á ca. 10-9 sekúndur á dag) og í NTP er kjarnorkuklukka skilgreind sem stratum 0. NTP þjónn sem stillir sig af með kjarnorkuklukku er skilgreindur sem stratum 1. Þjónn sem stillir sig af með stratum 1 þjóni er svo stratum 2 osfrv.
NTP þjónn ISNIC stillir sína klukku miðað við kjarnorkuklukkurnar sem eru í öllum staðsetningargervihnöttum (GPS, Glonass, Galileo). Klukkan er því mjög nákvæm og skeikar ekki nema 10-8 – 10-9 sekúndur frá réttum tíma.
NTP þjónninn er opinn öllum til að nota, en hann er einnig skráður í pool.ntp.org verkefnið og er mælst til þess að venjulegir endanotendur noti þá is.pool.ntp.org sem sitt pool. Ef þú ert hins vegar með margar tölvur og rekur jafnvel þinn eiginn NTP þjón þá geturðu notað ht-time01.isnic.is beint.
Upplýsingar um tímaþjón ISNIC má finna á hér
]]>Séu menn að nota time0.ntp.is beint til að stilla klukkur í sínum tækjum er bent á að nota frekar þjóna frá pool.ntp.org, https://www.pool.ntp.org/zone/is
]]>Athygli vekur að ekkert af stóru netþjónustufyrirtækjunum þremur tók þátt í áfrýjunni, enda eru þau smátt og smátt að breytast í sjónvarpsstöðvar. ISNIC bendir dómurum Hæstaréttar góðfúslega á að internetþjónusta, sem ekki hýsir tilgreinda vefi í málinu sem hér var dæmt í, „miðlar“ ekki efni þeirra til viðskiptavina sinna. ISNIC heldur því fram að dómurinn sé byggður á vanþekkingu á eðli grunninnviða netsins. Dóm Hæstaréttar má finna hér
]]>
Sjá verðskrá RIX
RIX er skiptistöð innlendra internetþjónustuaðila, þar sem þeir skiptast á IP umferð sín í milli og koma þannig í veg fyrir að innlend netumferð flæði um útlandasambönd, með tilheyrandi töfum og kostnaði fyrir alla.
]]>Eftir sem áður kosta IDN-lén sama og venjuleg lén, eða kr. 5.980, þ.e.a.s. fyrir þá sem ekki eiga fyrir samsvarandi lén með enskum lágstöfum (venjulegt lén) og hafa ekki íslenska kennitölu. Þessi jákvæða mismunun í verðskrá ISNIC var sett inn á sínum tíma til þess að sporna við því að þeir sem ekki eiga samsvarandi venjulegt lén fyrir skrái IDN lénið eingöngu. ISNIC stefnir að því að afnema þessa reglu smátt og smátt á næstu árum, enda er hún barn síns tíma og felur í sér mismunun (þótt jákvæð sé). Öll IDN lén verða þá á sama verði á venjuleg lén, enda eru þau í engu öðruvísi, tæknilega séð.
Áfram verður frítt að setja IDN-lén (og venjuleg lén) í áframsendingu (e. web forwarding) hjá ISNIC og vísa þeim yfir á önnur lén, sem er einmitt vinsæl þjónusta fyrir IDN-lén, sem er þá vísað sjálfkrafa á venjulega lénið.
ISNIC hvetur viðskiptamenn til þess að skrá IDN-lén móti samsvarandi venjulega léninu og nota rétt stafsett lén í auglýsingum á netinu, í prentuðum miðlum, á skiltum og á ökutækjum. Afkárlegt getur verið að sjá prentað lénsheiti, sem er án séríslenskra stafa sbr. t.d. 'suzukibilar.is' í stað 'suzukibílar.is', hvar komman skiptir höfuðmáli. Eitt frægasta séríslenska lénið er án efa 'Tæki.is', sem reglulega sést á auglýsingaskiltum á íþróttakappleikjum og á tækjum rétthafans út um allt.
]]>
Internet á Íslandi hefur frá árinu 2007, er hugbúnaðarfyrirtækið Modernus sameinaðist félaginu, selt og þróað netspjallið Svarbox®, sem fjölmörg fyrirtæki og stofnanir hafa notað frá árinu 2004 er hugbúnaðurinn kom fyrst fram.
Nýlega var gefin út ný útgáfa af Svarbox® og nú er spjallglugginn, sem birtist á vef notenda, eins og hjá flestum erlendum keppinautum (sjá spjallhnappinn neðarl. hægra megin). Auk þess inniheldur nýja útgáfan frítt vefspjall fyrir einyrkja og félög, sem komast af með 1 þjónustufulltrúa. Þá er verðskrá íslenska netspjallsins lægri en hjá helsta keppinautinum þótt hún hafi nýlega verið hækkuð!
Gjörið svo vel og kynnið ykkur íslenska netpjallið Svarbox® á vef vef Svarboxins.
]]>
„Vafrakökurnar (e. cookies) sem Modernus dreifir undir nafni "teljari.is" til notenda vefja, sem eru í vefmælingu hjá Modernus, innihalda engin persónugreinanleg gögn. Vefir sem kjósa að birta ábendingu um notkun á kökum (teljarakökum) á vef sínum geta því fullyrt að engum persónugreinanlegum upplýsingum sé safnað eða deilt með þriðja aðila, þ.e.a.s. með Modernus.“
Öðru máli kann að gegna um aðrar kökur, sem t.d. geyma upplýsingar um innskráða notendur vefsins og eru Modernus óviðkomandi.
Reykjavík, 16. júlí 2018.
Jens Pétur Jensen, framkv.stj. Internets á Íslandi hf.
]]>Í stuttu máli verða eftirfarandi breytingarnar gerðar á birtingu upplýsinga úr rétthafaskrá ISNIC og taka þær gildi fyrir gildistöku GDPR þann 25. maí.
Í tilviki einstaklinga (tengiliður merktur P): Nafn, heimilisfang og símanúmer tengiliðs verður sjálfkrafa falið. NIC-auðkenni, netfang, land og aðrar upplýsingar verða áfram birtar.
Í tilviki fyrirtækja, stofnana og annarra aðila (tengiliður merktur R): Engar breytingar.
ISNIC hefur ákveðið að gera lágmarksbreytingar á birtingu persónugreinanlegra upplýsinga í rétthafaskrá ISNIC (Whois) þannig að hætt verður að birta nafn og heimilisfang einstaklinga. ISNIC telur sig þar með hafa uppfyllt ákvæði nýrra laga Evrópusambandsins um persónuvernd (GDPR) utan þess að netföng einstaklinga verða birt áfram. Þeir einstaklingar sem ekki vilja birta netfang sitt, eins og það er skráð hjá ISNIC, verða því að útvega sér annað (ópersónugreinanlegt) netfang til notkunnar í rétthafaskrá ISNIC, skrá sig inn á sitt svæði og breyta því þar.
Athugið að rétthafar (t.d. einstaklingar með rekstur) sem engu að síður vilja birta nafn og heimilisfang eftir breytinguna þurfa að skrá sig inn á sitt svæði á isnic.is (undir sínu NIC-auðkenni) fara í "Mínar stillingar" og velja að birta nafn sitt og heimilisfang.
ISNIC, eins og fjölmargir aðrir, þ.á.m. ICANN.org, gagnrýnir EU og GDPR reglur þess harðlega, þ.e.a.s. gildi þær um birtingu nafns, heimilisfangs og netfangs tengiliða í rétthafaskrá (Whois) léna. Gagnrýnin lítur að því að þing EU virðist meta þarfir almennings og fyrirtækja fyrir upplýsingar um rétthafa, og aðra tengiliði léna (gagnsæi), minna en þörf einstaklinga fyrir að fela upplýsingar um sjálfa sig.
GDPR getur því leitt til minna gagnsæis á netinu, þvert á það sem kallað hefur verið eftir. Í ljósi þess að nauðsynlegt getur verið fyrir fólk og fyrirtæki (eins og t.d. internetþjónustur) sem og fyrir ýmsar stofnanir hins opinbera, að ná með einföldum hætti sambandi við rétthafa léns, hefur ISNIC ákveðið, upp á sitt eindæmi, að birta hér eftir sem hingað til uppgefið netfang tengiliðs og nafn landsins sem hann býr í.
Reykjavík, 16. apríl 2018.
Jens Pétur Jensen, framkv.st.
]]>
Mikilvæg lén ætti undantekningarlaust að setja í svokallaða „sjálfvirka endurnýjum“ á greiðslukorti. Þjónustuaðilum ISNIC er bent á að nýta sér fyrirframgreiðslukerfið (ISNIC-PP).
Breytingarnar eru helst þessar:
1) Reikningar eru nú gefnir út 30 dögum fyrir afmælisdag léns í stað 45 daga áður. Eindagi er alltaf afmælisdagur lénsins, og ekki er tekið tillit til frídaga.
2) Lén sem ekki hefur verið endurnýjað lokast sjálfkrafa kl. 13:00 daginn eftir afmælisdaginn (skráningardags. léns). Ekki er (lengur) tekið tillit til frídaga og þetta gerist sjálfvirkt.
3) Sé lén lokað í 30 daga samfleytt vegna greiðslufalls er því eytt sjálfkrafa á 31. degi. Ekki er tekið tillit til frídaga. Lén sem er lokað vegna tæknilegra vandamála er flutt sjálfvirkt á biðsvæði ISNIC eftir 29 daga í stað 59 áður.
Eins og fram kemur í fyrri tilkynningu er ástæða breytinganna einkum tvíþætt:
a. Afnám frídagareglunnar gerir ISNIC kleift að auka sjálfvirkni, sem er lykilforsenda þess að halda árgjaldi léna óbreyttu áfram.
b. Stytting eyðingarfrestsins úr 60 dögum í 30 daga ætti að hafa samsvarandi jákvæð áhrif á fjölda nýskráninga í mánuði. Lénakaupmenn og aðrir áhugasamir viðskiptamenn hafa lengi bent á allt of langan eyðigarfrest, sem fram að þessu hefur verið um tvöfallt lengri en þekkist hjá flestum (ef ekki öllum) öðrum höfuðlénum.
ISNIC
]]>Frídagareglan var nauðsynleg þegar lén voru eingöngu endurnýjuð með bankamillifærslum og bókun þeirra handbókuð á skrifstofutíma. Nú er öldin önnur og í janúarmánuði voru aðeins 18 lén endurnýjuð með millfærslum.
Afnám reglunnar gerir ISNIC kleift að auka enn á sjálfvirkni kerfisins, sem er lykilforsenda þess að halda árgjaldi léna áfram óbreyttu. Samfara afnámi gömlu (góðu) frídagareglunnar verða reikningar með árgjaldi léna sendir út með 30 daga fyrirvara (gjaldfresti) í stað 45 daga áður, sem þýðir að lokun léns (lén gert óvirkt) sem ekki hefur verið endurnýjað verður 15 dögum fyrr á ferðinni en nú er, sé miðað við birtingardag reiknings.
Tíminn sem líður frá lokun léns að eyðingu þess (svonefnt grace period á ensku) verður einnig styttur úr 60 dögum í 30 daga, sem er jafnlangur tími og hjá flestum höfuðlénum, þótt 15 dagar þekkist líka. Breyting þessi tekur gildi eftir 1. apríl 2018.
Eftir ofangreindar breytingar mun ISNIC tilgreina nákvæmlega klukkan hvað og hvaða dag óendurnýjuðu léni verður lokað (gert óvirkt á netinu) og hvenær nákvæmlega því verður síðan eytt, sem verður 30 dögum eftir lokun þess. Með þessu móti verða lén sem hefur verið eytt, laus til skráningar á ný einum mánuði fyrr en áður. Það munar um minna fyrir ISNIC.
]]>
Aðalfundur ISNIC er ávallt haldinn síðdegis á þeim föstudegi, sem liggur næst fyrstu mánaðamótum ársins og hefur félagið oft verið fyrst hlutafélaga til að skila ársreikningi til RSK. ISNIC er smáfyrirtæki með aðeins 8 stöðugildi og um 300 mkr. veltu, en með stórt hlutverk, sem skilgreint er sem einn af mikilvægum innviðum landsins. Hér er átt við reksturinn á höfuðnafnaþjónustunni (e. root DNS service) við landslénið .is.
Vöxtur ISNIC hefur í mörg ár verið jafn og góður, en vöxtur tekna á árinu 2017 reyndist þó aðeins um 1,6%. Lítinn vöxt tekna má að hluta skýra þannig, að um 1/5 hluti tekna ISNIC (og um 1/4 hluti léna) kemur frá útflutningi, en sífellt sterkari króna dregur úr tekjum í krónum talið. Annar hluti skýringarinnar felst í þeirri staðreynd að árgjald .is léna hefur aldrei hækkað, en lækkað þrisvar sinnum á undaförnum 10 árum. Góður árlegur vöxtur internetsins (vöxtur léna) hefur hingað til borið uppi vöxt og þar með hagnað, sem á síðasta ári nam um 1/3 hluta af veltu, eða 97,6 mkr. Endurskoðandi félagsins er KPMG.
JPJ.
]]>
53% rétthafa .is-léna búa í Reykjavik og 1/5 hluti býr í póstnúmerunum 101 og 105. 11% búa í Kópavogi, 7% í Hafnarfirði, 4% á Akureyri og álíka margir í Garðabæ. Um 3% búa í Reykjanesbæ. Heldur færri lén eru skráð á hvern mann á landsbygðinni og því auglýsti ISNIC sérstaklega í landsmálablöðunum á árinu 2017.
ISNIC er útflutningsfyrirtæki, þótt í litlum mæli sé. Þannig búa um 73% rétthafa .is-léna á Íslandi, sem er svipað hlutfall og fyrir ári síðan. Um 8% búa í Bandaríkjunum, 3% í Noregi, 3% í Þýskalandi, 2% í Bretlandi og 1% í Svíþjóð. Tíu prósentin sem eftir standa dreifast á um 100 lönd!
Lénamarkaðurinn, jafnt innalands sem erlendis, er kominn í jafnvægi víðast hvar í heiminum og vex nú meira í takt við aðra efnahagsstarfsemi. Fyrir fáum árum var árlegur vöxtur léna (og þar með internetsins) um og yfir 15% á ári.
Heimildir: Tölulegar upplýsingar ISNIC: https://www.isnic.is/is/tolur og tölfræðisafn CENTR.org.
]]>
Starfsfólk ISNIC.
]]>Eins og margir vita eru FreeBSD og Linux kerfi fyrirferðamikil í kerfisrekstri ISNIC.
uppfært 1. nov. 23 sóttu um starfið, en aðeins 2-3 uppfylltu hæfniskröfurnar. ISNIC þakkar umsækjendum kærlega fyrir sýndan áhuga. Ólafur H. Ásgeirsson var ráðinn í starfið.
]]>Einnig er hann víða haldinn 7. janúar, þ.e.a.s. fyrir hálft bæti (4 bits).
]]>Rétthöfum léna sem kunna að renna út (lokast) á þessum tíma er bent á að hægt er að endurnýja lén á vef ISNIC með greiðslukorti.
Innskráning inn í vefþjónustu ISNIC er afar auðveld, t.d. með því að skrifa nafn lénsins í leitargluggann (sjá ofar), smella síðan á „innskráning“, t.d. við greiðanda. Hægt er að endursetja lykilorð með því að smella þar á „týnt lykilorð“.
Ef lén er útrunnið (óvirkt) liggur ógreidd bankakrafa upp á kr. 5.980 á kennitölu skráðs greiðanda í heimabanka viðkomandi. Lénið virkjast sjálfkrafa við greiðslu kröfunnar. Kröfuhafi er Internet á Íslandi hf. (ISNIC).
Skoðið skráningarskírteini lénsins í „Whois-leitinni“, efst hér á forsíðu ISNIC, þar koma fram ýmsar uppl. s.s. um hver er greiðandi lénsins og hver er „tengiliður rétthafa“ og hver er rétthafi (eigandi).
Gleðilega Verslunarmannahelgi – akið varlega!
Starfsfólk ISNIC.
]]>Þeir notendur (tengiliðir) sem hafa skráð GSM númerið sitt inn, undir Mínar stillingar, geta valið að fá svokallaðan staðfestingarkóða (talnarunu) sendan í símann og þannig endurstillt lykilorðið. Hinir fá vefslóð senda með tölvupósti, sem þeir opna til að búa til lykilorð. Í rauninni er óþarfi að muna lykilorðið hjá ISNIC, frekar en hjá öðrum góðum vefþjónustum.
Sumarlén. ISNIC bendir á að lén er yfirleitt hægt að greiða í netbankanum og alltaf má greiða með greiðslukorti hér á vef ISNIC. Á sumrin kemur oftar en annars fyrir að lén falli óvart út sökum þess að gleymst hefur að endurnýja þau, t.d. v. sumarleyfa. Þetta kemur síður fyrir lén sem eru í skráð í svokallaða sjálfvirka endurnýjun, en til þess þarf viðkomandi að skrá inn greiðslukort og setja lénið í sjálfvirka endurnýjun. Takist ekki að skuldfæra kortið, er krafa stofnuð í netbanka – greiðsluseðill – 45 dögum fyrir lokadag lénsins og hann sendur með tölvupósti og/eða landpóstinum, allt eftir því hvernig greiðandi lénsins hefur stillt þjónustuna á Mín síða. ISNIC-kerfið reynir því að endurnýja lén, sem er í sjálfvirkri endurnýjun fyrst 60 dögum fyrir lokadag þess. Takist það ekki innan tveggja vikna (t.d. ef engin heimild fæst) er stofnaður og sendur út greiðsluseðill.
Fátt er bagalegra í augum ISNIC en þegar lén lokast óforvandis (þ.e.a.s. að óvörum, óvart, eða af vangá). Vefur, tölvupóstur og ýmis önnur netþjónusta s.s. IP-símar detta út um leið og lénið verður óvirkt (rennur út). Það er því afar mikilvægt að lénið og tengiliðir þess sé rétt skráð í ISNIC-kerfinu. Rétthafi léns er ábyrgur fyrir því að skráning lénsins sé rétt á hverjum tíma. Hægt er að skrá lén til allt að fimm ára í senn, en bent skal á að árgjöld léna eru fyrirframgreidd og fást ekki endurgreidd.
]]>
ISNIC reynir hvað það getur til að koma upplýsingum um eindaga léns á framfæri við rétthafann, tengilið hans og skráðan greiðanda, en má sín lítils ef skráning netfangs og heimilisfangs er röng. ISNIC sendir öllum lénum (nú 62.500) árlega tölvupóst um að yfirfara skráningu lénsins og birtir kröfur (greiðsluseðla) í netbanka ókeypis. Sé hann greiddur opnast lénið sjálfkrafa innan stundar. Eftir að lén rennur út (lokast) líða 60 dagar þar til því er sjálfkrafa eytt og verður þá lénið laust til skráningar fyrir hvern sem er – enda gildir þá aðalreglan: Fyrstur kemur fyrstur fær. Þessi tímafrestur er á ensku kallaður „grace period“ og er lengri hjá ISNIC en nokkru öðru lénaskráningarfyrirtæki svo okkur sé kunnugt um.
ISNIC bendir á að stutt snjöll lén eru gjarnan vöktuð af áhugasömum kaupendum, sem með hugbúnaði sínum geta skráð lén sem losna jafnharðan. Við þessu getur ISNIC ekki brugðist öðruvísi en að takmarka sjálfvirkt hversu margar uppflettingar má gera um lén á vef ISNIC, sem er gert.
ISNIC hvetur rétthafa til þess að skrá lén sín í svokallaða „sjálfvirka endurnýjun“ og minnir á að rétthafi léns er einn ábyrgur fyrir því að uppfæra skráningu lénsins þegar breytingar verða á netföngum og heimilisfangi. Ekki dugar að senda netpóst á ISNIC með ósk um að breyta skráningu þess hjá ISNIC. Þá hefur ISNIC nýlega opnað fyrir endurnýjun léns til allt að fimm ára í senn.
Ekkert er bagalegra í augum starfsmanna ISNIC en þegar rétthafi léns missir það óforvarandis (þ.e. af vangá, í ógoti, eða að óvörum).
]]>
Aukinheldur hefur ISNIC ekki leyfi til að senda út upplýsingar um viðskipti einstakra viðskiptamanna.
ISNIC sendir reikninga sjálfkrafa á uppgefið netfang skráðs greiðanda og útprentaðan reikning á uppgefið heimilisfang hans, sé þess óskað (sjá u. Mínar stillingar, afþakka pappír já/nei). Umsýsla léna er í eðli sínu sjálfsafgreiðsluþjónusta og vefþjónusta ISNIC verður sífellt betri og einfaldari í notkun.
Með því að rita nafn léns inn í stóra leitargluggann, hér á forsíðu ISNIC, má finna tengiliði þess og óska e. nýju lykilorði fyrir innskráningu með því að smella á hlekkinn „Týnt lykilorð“ við netfangið sem við á – t.d. netfang greiðandans. Hvorki þarf að muna lykilorðið né heldur notandanafnið (NIC-auðkennið), sem er ígildi viðskiptamannanúmers hjá ISNIC, heldur nægir að vita eingöngu nafn lénsins.
Árgjald léns fyrir fyrirtæki er nú kr. 4.802 og hefur lækkað um hart nær 70% að raunvirði frá árinu 2000. Gjaldið ber ekki aukaþjónustuna, sem felst í handavinnunni við að grafa upp, taka saman og senda einstaka viðskiptamönnum afrit af reikningum. Það gerði það í gamla daga, en ekki lengur.
]]>Gleðilegt sumar og takk fyrir veturinn.
Starfsm. ISNIC.
]]>Viðskiptavinir eru beðnir velvirðingar á óþægindunum sem þetta kann að valda.
Kerfisstjóri
]]>1. Í byrjun viðtalsins við talsmann STEF er talað er um að "sækjast eftir skráningu undir .is". Þetta er villandi og röng orðanotkun. Allir geta skráð .is lén. Skráning léns felur ekki í sér umsókn um lén, heldur skráir fólk hugmyndir sínar sjálft í skráningarferlinu og býr sjálft til lénið án beinnar aðkomu starfsmanna ISNIC. Engu "eftirliti" verður við komið á meðan á skráningu léns stendur, né heldur mætti viðhafa slíkt, án þess að troða freklega á réttindum fólks til að skrá hugmyndir sínar. Sá sem skráir lén er jafnframt höfundur þess og ber ábyrgð á skráningu og notkun lénsins.
2. "Engin lög eru til um skránigu og úthlutun léna á Íslandi". Þetta er gömul tugga sem oft heyrist hjá fréttastofum landsins þegar fjallað er um ISNIC. Þau fáu lög sem sett hafa verið um lén í heiminum, fjalla yfirleitt aðeins um tæknilegar lágmarkskröfur og þær skildur sem settar eru til rekstraraðila. Fáum öðrum en Kínverjum hefur dottið í hug að setja í lög hver má skrá lén, hvernig lén má skrá og hvernig megi nota lén. Er STEF að leitast eftir því að á Íslandi verði sett upp nefnd sem skoði vefsíður reglulega og banni svo öll lén sem tengjast vefsíðum sem nefndinni hugnast ekki þá stundina? Líklega ekki.
3. ..."að á Íslandi hafi myndast skjól fyrir rekstur ólöglegra síðna? (vefsíðna)". Enn og aftur er lénum og vefjum ruglað saman og ISNIC ruglað saman við vefhýsingarfyrirtæki. Vinsamlega athugið að ISNIC hýsir engar vefsíður, enga vefþjóna, enga póstþjóna, eða nokkra aðra þjónustu sem geymir eða flytur efni á netinu. Þótt lokað sé á lén þá hverfur engin vefsíða. Það er mjög mikilvægt í umræðunni að hafa þetta á hreinu.
4. Trúverðugleiki höfuðléna. Þetta hugtak er ISNIC einkar hugleikið og við erum mjög meðvituð um að vernda orðspor .is. Lítum raunar á það sem eitt af okkar höfuðhlutverkum. Einn mælikvarði á trúverugleika getur verið öryggi (e. security) vefsíðna sem finna má undir viðkomandi höfuðléni. Öryggi gagnvart almennum notendum hefur verið kannað reglulega m.t.t. höfuðléna sem á þær vísa af McAffe.com öryggis fyrirtækinu. Niðurstöðurnar eru birtar í skýrslum sem heita "Maping the Mal Web". Skemmst er frá því að segja að .is lénið var á meðal 10 minnst varasömu (least riskiest) höfuðléna í heimi og í efstu 5 sætunum árin 2007, 2008, 2009 og 2010. (The Web's riskiest places to visit). Við höfum ekki ástæðu til að ætla að það hafi breyst.
5. Rangt er einnig að piratebay.is "hafi verið hrakið héðan". Þarna var farið með rangt mál. Lénið er í fullri notkun og enn til eins og sjá má hér: https://www.isnic.is/en/whois/mini?query=piratebay.is. Aftur á móti er það líklega rétt, sem fram kom í fréttinni, að fleiri streymisveitur hafi skráð .is-lén á undanförnum árum, en á árum áður, enda er .is-lénið almennt að verða vinsælla. Því miður gildir það líka varðandi óprúttna aðila. Athugið þó að mikið er af löglegu efni er að finna á streymisveitum, t.d. reka bæði Vodafone og Síminn steymisveitur. ISNIC veitir samskonar þjónustu og mörg önnur systurfyrirtæki ISNIC gera, sem t.d. STEF gæti nýtt sér ef þau hefðu vit til. Hún felst í því að senda ISNIC ábendingar um hugsanlega rangt skráð lén, en rétthöfum .is-léna ber skv. 24gr. skráningarregla ISNIC skylda til að skrá rétt nafn og heimilisfang og viðhalda skráningunni. Geri rétthafinn þetta ekki getur ISNIC lokað fyrir aðgang viðkomandi rétthafa að ISNIC-kerfinu, sem að endingu leiðir til þess að lénið lokast og eyðist svo sjálfkrafa 60 dögum síðar. Þessi háttur var t.d. hafður á við lokun lénanna kalifa.is og kalifha.is, sem vísuðu á vef hinna illræmdu "ISIS" hryðjuverkasamtaka. Þetta er á engann hátt sambærilegt við skráningu lénsins putlocker.is.
6. Fullyrðingu um "geðþóttaákvarðanir stjórnenda hverju sinni" eru rangar. ISNIC hefur aldrei í 30 ára sögu sinni lokað léni á grundvelli innihalds á vefsíðu. ISNIC var beinlínis að brjóta alþjóðlegt viðskiptabann með því að bregðast ekki við skráningu ISIS hryðjuverkasamtakanna og á þetta benti Utanríkisráðuneytið ISNIC. Rétt er hins vegar að ISNIC brást fljótt við þrýstingi og setti lokun í gang á grundvelli 4. liðar í 22.gr. reglnanna um skráningu .is-léna. Aukinheldur var ISNIC fyrst og fremst að vernda trúverðugleika .is lénsins og orðspor ISNIC.
7. "Ísland er eina landið, allavega í hinum vestræna heimi, sem ekki er með nein lög um úthlutun á landsléninu sínu" Þessi fullyrðing er einnig röng. Í öllum löndum gilda skráningarreglurnar sem viðkomandi skráningarstofa (e. Registry) hefur sett sér. Þessar reglur hafa verið að þróast í 30 ár og síðan 1995 undir hatti þess aðila, sem fer með stjórnun internetsins á heimsvísu, IANA/ICANN, sem ISNIC er fullgildur aðili að eins og sjá má neðst á þessari forsíðu ISNIC: https://www.isnic.is/is/about/isnic. Þótt ICANN fari ekki með stjórn .is, þá er mikið og virkt samstarf milli skráningarstofa á heimsvísu. ISNIC er einnig virkur félagi í CENTR.org, sem er félagsskapur Evrópskra skráningarstofa.
8. og síðasta athugasemd ISNIC. STEF kallar eftir "lögum sem banna að ólögleg starfsemi geti [ekki] verið skráð undir .is lénum", eins og það var orðað. Þetta er varla svaravert, en benda má á að væru slík lög sett þyrfti auðvitað að byrja á að afskrá lén eins og facebook.is, google.is, ebay.is, youtube.is o.s.frv þar sem á vefjum þessara léna má auðvitað finna einhverja "ólöglega starfsemi" á hverjum tíma. Til að gæta jafnræðis þyrfti síðan að setja lögbann á að Íslendingar geti farið á vefi lénanna facebook.com, google.com, ebay.com, youtube.com o.s.frv. - Allir sjá hvernig þetta myndi enda!
ISNIC vantar starfsmann í sérhæfða skrifstofuvinnu (sem lærist á staðnum) hálfan daginn frá klukkan átta til tólf virka daga. Skilyrði er sett um góða almenna tölvufærni, nákvæmni og góða kunnáttu í ensku og íslensku. Stúdentspróf af málabraut myndi henta, en um 1/3 hluti viðskiptamanna ISNIC eru erlend fyrirtæki og einstaklingar. Reynsla og færni í færslu bókhalds, bókunum, afstemmingum og kunnátta í notkun Microsoft Dynamics NAV væri mikill kostur.
Athugið að möguleiki er á að vinna vinnuna að hluta yfir netið heimanfrá viðkomandi. ISNIC býður upp á fyrsta flokks vinnuaðstöðu og afbragðs gott aðgengi, t.d. fyrir hreyfihamlaðan einstakling.
Umsóknir óskast sendar á jens@isnic.is, sem einnig veitir nánari upplýsingar í síma 578 2034.
]]>Fyrir skömmu ákvað Bluehost Inc. (vistunaraðili léna í Norður Ameríku) að breyta tæknilegri tilhögun vistunar sinnar á .is-lénum (og öðrum lénum) þannig að ekki er lengur fullnægt þeim tæknilegu kröfum sem gerðar eru til .is léna. Fyrirtækið gerði þetta fyrirvaralaust og án samráðs við þá viðskiptavini sem vista hjá þeim .is-lén.
Tæknilegar kröfur ISNIC til vistunar .is-léna hafa verið Bluehost kunnar frá upphafi og þær hafa ekki breyst á neinn hátt, sjá https://www.isnic.is/is/domain/req. Lénum sem ekki eru vistuð samkvæmt tæknilegum kröfum ISNIC er lokað eftir að handhöfum þeirra hafa verið sendar viðvaranir. Þetta er liður í öryggisstefnu ISNIC. Sjá https://www.isnic.is/is/domain/rules#5. Bluehost er fullkunnugt um þessa tæknilegu vankanta á þjónustu sinni, en hafa lýst því yfir að þeir muni ekki bæta úr þessu.
Þetta er í þriðja sinn á undanförum árum sem Bluehost ákveður að fara þannig með viðskiptavini sína. ISNIC vill því eindregið hvetja rétthafa .is léna til að flytja DNS vistun þeirra frá Bluehost áður en til sjálfvirkrar lokunar þeirra kemur (hvort sem Bluehost muni bæta ráð sitt í þetta skipti eða ekki).
]]>Samkvæmt listanum er vefurinn 'who.is' sá langvinsælasti undir .is, en elsta lén landsins (hi.is) vistar vefinn sem skipar 20. sæti listans.
1. | who.is | 762. |
2. | good.is | 10,383. |
3. | google.is | 13,976. |
4. | mbl.is | 15,040. |
5. | visir.is | 20,915. |
6. | dv.is | 27,828. |
7. | time.is | 39,856. |
8. | pressan.is | 43,051. |
9. | ruv.is | 46,885. |
10. | ja.is | 51,214. |
11. | archive.is | 55,649. |
12. | foofind.is | 64,136. |
13. | watch.is | 66,924. |
14. | icelandair.is | 69,090. |
15. | bland.is | 71,599. |
16. | vb.is | 87,325. |
17. | arionbanki.is | 88,013. |
18. | uk.is | 94,169. |
19. | vedur.is | 96,008. |
20. | hi.is | 111,600. |
heimild: domaintyper.com/top-websites/most-popular-websites-with-is-domain
]]>Af rúmlega 30.000 viðskiptamönnum ISNIC eru um 8.100 búsettir utan Íslands, flestir í USA (9%) næstflestir í Þýskalandi (3%) um 2% búa í Noregi og álíka margir á Bretlandseyjum. Um 54% innlendra rétthafa eru skráðir í Reykjavík, 10% í Kópavogi, 7% í Hafnarfirði og 4% á Akureyri og í Garðabæ. ISNIC hefur lagt nokkra áherslu á sölu til erlendra aðila undanfarin ár þar sem dregir hefur smátt og smátt úr innlendum vexti af eðlilegum ástæðum.
.is-lénum fjölgaði um 8.2% á árinu 2016, sem er samdráttur um einn prósentupunkt frá árinu 2015. Heildarfjöldi virkra .is-léna náði 60.000 í nóvember 2016.
Markaðshlutdeild ISNIC innanlands er um 39.7% skv. talningum Centr.org í okt. 2016. Þá eru talin lén allra höfuðléna með heimilisfang skráð á Íslandi. Í dag, 30. janúar, eru 60.862 virk .is lén skráð og um 73% þeirra eru með heimilisfang á Íslandi, eða um 44.429 lén, sem þýðir (m.v. 39% markaðshlutdeild .is móti öllum öðrum höfuðlénum) að tæplega 114.000 lén eru með skráð heimilisfang á Íslandi um þessar mundir.
]]>Í leiðinni bendum við á að skráningarár léns skiptir máli, t.d. gagnvart leitarvélum. Lén eru eins og góð rauðvín - þau eldast vel. Nú eru síðustu forvöð að skrá lén af árgerð 2016.
]]>DNSSEC (DNS öryggi) er viðbót við DNS kerfið, sem ætlað er að tryggja að svör frá nafnaþjónum lénsins komi sannanlega frá réttum nafnaþjónum. Upprunalega DNS kerfið var ekki skrifað með slíkt öryggi í huga og var ætlað og fyrir Internet sem var margfalt minna og hættuminna en nú.
Eftir því sem netið hefur stækkað og eflst hafa sífellt fleiri mikilvægar þjónustur verið færðar á netið, eins og t.d. heimabankar. Þá hafa öryggisholurnar í upprunalega DNS kerfinu orðið stærri og sýnilegri og áhættan á innbrotum meiri. Lén sem ekki eru signuð með DNSSEC (og þannig er mikill meirihluti .is-léna) eru opin fyrir árásum á borð við "cache poisoning", en það er tegund af tölvuárás þar sem nafnaþjónar endanotanda (e. resolvers) eru plataðir til að beina umferð fyrir ákveðið lén yfir á aðra netþjóna en þá sem raunverulega hýsa þjónustuna. Hafa slíkar árásir verið notaðar til að stela lykilorðum og öðrum persónupplýsingum og til að lama þjónustur stórra fyrirtækja og stofnanna.
Öll mikilvæg lén ættu að vera signuð með DNSSEC, enda er DNS kerfið ein af grunnstoðum Internetsins. DNSSEC er því grundvöllur fyrir öruggum samskiptum á netinu. Auðvelt er að sjá hvort lén er DNS signað eða ekki með því að fletta því upp í Whois leit ISNIC (efst á þessari síðu).
Spyrjið ykkar hýsingaraðila um DNSSEC. Allir góðir hýsingaraðilar ættu að geta boðið upp á að signa lén með DNSSEC. Og allir sem reka endurkvæma nafnaþjóna þurfa að sjá til þess að þeir sannreyni upplýsingar um signuð lén ("validate").
]]>Áfram verður þó aðeins hægt að skrá nýtt lén til eins árs, eins og verið hefur, en þegar nýskráningunni er lokið (og lénið komið í lénalista viðkomandi) getur hann valið að framlengja gildistíma þess um allt að fjögur ár í viðbót og þannig tryggt sér nýja lénið til fimm ára.
Með þessu móti gefst nýjum rétthafa mikilvægur umþóttunartími – áður en hann ákveður að skrá og greiða fyrir nýtt lén til allt að fimm ára. Athugið sérstaklega að fyrirframgreidd árgjöld léna fást ekki endurgreidd.
Til samræmis við ofangreinda breytingu leggjum við til að 19. gr. skráningarreglna ISNIC verð breytt þannig að hún hljóði svo: „Afnot af léni miðast að meginreglu við a.m.k eitt ár í senn. Eindagi árgjalds er afmælisdagur léns. Skráningu léns skal fylgja greiðsla.“
Grein þessi er skrifuð nú í tilefni þess að tvö fyrirtækjanna, Símafélagið ehf. og Hringiðan ehf., una ekki lögbanninu og leita nú réttar síns fyrir dómstóli. Hér verður reynt að sýna leikmönnum fram á hversu gagnslaust, skaðlegt og ósanngjarnt það er að þvinga fjarskiptafyrirtæki til að útiloka heimilisföng (e. DNS blocking) í efsta lagi burðarvirkis Internetsins, þ.e.a.s. í nafnakerfinu (e. DNS-system) sem allir netþjónustuaðilar starfa í. Á ensku er aðferð þessi ýmist kölluð DNS blocking, DNS spoofing, eða Content blocking via the domain name system. Hér eftir verður orðasambandið DNS fölsun notað.
Með grein þessari er alls ekki ætlunin að mæla ólöglegu niðurhali bót, þvert á móti, heldur að uppfræða almenning og löglærða um hættuna sem skapast þegar aðgangur almennings að tilteknum heimilisföngum (lénum) á netinu er hindraður með þessari aðferð (e. DNS Blocking) þ.e.a.s. með því að falsa svör við fyrirspurnum um lén og afvegaleiða þannig fyrirspyrjendur (netnotendur) með því að beina þeim yfir á annað vefsvæði/lén, eða að sinna þeim alls ekki þannig að notendur fá villuskilaboð á skjáinn þegar þeir kalla fram viðkomandi bannaðar vefsíður/lén.
Í fljótu bragði kann að virðast að aðferðin, DNS fölsun, sé lítið mál og réttmæt og að lögbannið nái markmiði sínu með því að beita henni. Ekkert af þessu stenzt hins vegar skoðun.
Í fyrsta lagi er hér um mjög stórt og alþjóðlegt vandamál að ræða. Vandamál sem felst í því að misvitur stjórnvöld hafa beitt aðferðinni ýmist í góðri trú, án þess að gera sér grein fyrir skaðanum og árangursleysinu, eða með beinum vilja í tilfelli ritskoðunar. Mál þetta snertir heilbrigði og gæði internetsins sem slíks, mál sem um hafa verið skrifaðar margar lærðar greinar, einnig lagagreinar (sjá 1. tilvísun).
Internetið er sameiginlegur vettvangur almennings um allan heim. Það er óháð gagnvart efninu sem þar má finna og fullkomnlega sanngjarnt í allri sinni virkni, með því að afgreiða fyrirspurnir um lén eins gagnvart öllum notendum – hvar sem þeir búa.
Með lögbanninu hefur Sýslumaðurinn í Reykjavík hins vegar fyrirskipað tilgreindum innlendum fjarskiptafyrirtækjum (sem skulu vera hlutlaus og vinna samkvæmt viðurkenndum internetstöðlum) að brjóta eitt af grunnkerfum netsins (DNS kerfið). Með þessum aðgerðum er fótunum kippt undan þróun undanfarinna ára sem stuðlar að auknu öryggi í nafnakerfi netsins (sjá 6. tilvísun).
Netþjónustaðili sem notar DNS fölsun til að stjórna netnotkun notenda sinna getur þar með ekki notað DNSSEC tæknina, sem rutt hefur sér rúms undanfarin ár, og ISNIC hefur innleitt, til að koma í veg fyrir DNS fölsun glæpamanna, sem herja á hans viðskiptamenn. M.ö.o. ofangreint lögbann torveldar innlendum fjarskiptafyrirtækjum að verjast DNS-fölsunum. Í reynd þvingar lögbannið fjarskiptafyrirtækin til að viðhafa samskonar vinnubrögð og glæpamenn beita, þ.e.s.a.s að stunda DNS fölsun, þótt tilgangurinn sé vissulega góður, þá er aðferðin eins í báðum tilvikum og skaðinn á internetinu jafn mikill.
Sem sagt, lögbannið þvingar viðkomandi fyrirtæki til að brjóta viðurkennda staðla netsins og afvegaleiða tilgreinda innlenda netnotkun samkvæmt skipun lögbannsbeiðanda, með því að falsa svör við DNS-fyrirspurnum sinna viðskiptamanna um tiltekin lén, með það að markmiði beina notkun þeirra sem t.d. ætluðu sér inn á lénið 'thepiratebay.se', inn á annað lén/vefsvæði, t.d. inn á lénið 'stef.is', sem er heimilisfang/heimasíða þess aðila sem krafðist lögbannsins.
Í öðru lagi er lögbannið óréttmætt því það beinist að hlutlausum og saklausum aðila (sjá 1. tilvísun, greinina Liability...). Fjarskiptafyrirtæki „veita ekki aðgang að tilteknum vefsíðum á netinu“ eins og það er orðað í úrskurðinum, heldur veita þau eingöngu aðgang að internetinu sem slíku, rétt eins og orkuveitur og vatnsveitur veita aðgang að rafmagni og vatni. Þ.a.l. er engin „athöfn“ framkvæmd hjá þjónustuveitanda þegar netnotendur kalla fram ákveðna vefsíðu/lén. Það er á ábyrgð netnotendanna sjálfra hvaða lén þeir heimsækja og hvaða efni þeir sækja á netið, rétt eins og það er á ábyrgð kaupenda rafmagns og vatns hvernig þeir nota rafmagn eða vatn frá veitufyrirtæki. Nærtækari samanburður væri t.d. við símanúmer, eða húsnúmer og heimilisfang. Hverjum dytti í hug að banna ákveðin símanúmer, götuheiti, eða húsnúmer með lögbanni vegna þeirrar starfsemi sem þar fer fram?
Lén vísa á svokallaðar ip-tölur og þær vísa síðan á vefþjóna og póstþjóna, eða jafnvel í nettengd tæki og í svokölluð ip-símanúmer núorðið. Lokun léns (e. domain blocking) lokar á allar þjónustur lénsins, líka tölvupóstinn. Óvíst er að sýslumaðurinn hafi haft þetta í huga þegar hann samþykkti lögbannið.
Í þriðja lagi er lögbannið tilgangslaust og getur tæknilega séð ekki náð markmiði sínu, nema að afar takmörkuðu leyti, því það beinist að röngum aðila efst í DNS-kerfinu. Notendur fletta viðkomandi lénum einfaldlega upp í gegnum aðrar leiðir (því lénin eru áfam til) og aðra þjónustuaðila, t.d. með því að nota einhvern hinna fjölmörgu opnu nafnaþjóna (e. Open DNS) sem finna má víða á netinu og sem vitað er að stunda ekki DNS fölsun.
Og nú að skaðanum sem DNS fölsun skapar í umferðarstýringu netsins: Umferðarstýring (e. routing) hefur tvennskonar megintilgang: a. Að minnka biðtíma eftir gögnum (þ.e. að auka hraða) og b. Að lágmarka kostnað. DNS fölsun útilokar ákveðna möguleika stórra gagnaveitna til stýringar á netumferð, aðferð sem þær hafa notað árum saman til að hámarka afköst gagnaflutninga til einstakra notendahópa og svæða á internetinu. Aðferðirnar byggast á að svara fyrirspurnum frá notendum (tölvum) ávallt frá gagnaveitum sem staðsettar eru "nálægt" þeim netlega séð. Þessi nálægð ræðst m.a. af staðsetningu nafnaþjóna sem afgreiða fyrirspurnir notenda.
Ef notendur innlends fjarskiptafyrirtækis nota nafnaþjóna úti í heimi, munu gagnaveitur afgreiða gagnaflutning þessara notenda frá gagnaþjónum sem eru "nálægt" þessum nafnþjónum (í stað þess að nota ský sem þjónar Íslandi, eða er staðsett á Íslandi). Umferð til þeirra verður af þessum sökum hægvirkari og dýrari en ella fyrir alla notendur. Lesandi er sérstaklega hvattur til að kynna sér vandaða skýrslu öryggishóps ICANN (aðalstjórnanda Internetsins) sem ber heitið Advisory on Impacts of Content Blocking via the Domain Domain Name System, stutt nafn er: SAC-56. Skýrslan varð m.a. til þess að DNS fölsun hefur að mestu verið aflögð í Evrópu og Bandaríkjunum, en viðgengst því miður enn á minna þróuðum svæðum. Sjá tilvísun nr. 5.
Lögbanninu hefði átt að beina til eigenda hinna ólöglegu vefsíðna annars vegar og hins vegar til þeirra sem sóttu hið ólöglega efni og notuðu það, þ.e.a.s. til brotamannsins sjálfs. Enn betra væri að í stað lögbanns og tilheyrandi þvingunaraðgerða kæmu fyrirmæli um að fjarskiptafyrirtæki framsendi kvartanir sem þeim berast um "ólöglega" dreifingu efnis til notenda sinna, en slíkar aðgerðir má gera sjálfvirkar, þær kosta lítið en bera meiri árangur. Þeir sem nota og dreifa slíku efni án leyfis láta af slíkri háttsemi þegar í ljós kemur að fulltrúar eigenda efnisins geta náð sambandi við þá þótt óbeint sé. ISNIC notar hliðstæðar aðferðir þegar kvartað er yfir rangri lénaskráningu, sem aftur kemur í veg fyrir að hægt sé að ná sambandi við rétthafa léns.
Aðferðir þær, sem hér eru tíundaðar og eru gerðar til þess að framfylgja lögbanni á lén, eru því miður algengar í minna þróuðum löndum eins og N-Kóreu og Kína, en Kinverjar eru sem kunnugt er frægir fyrir sinn „Mikla kínverska eldvegg“ (e. The Great Firewall of China). Hann er í raun lénalokunarkerfi (DNS blocking) sem framkvæmir umfangsmikila hreinsun á kínverska hluta internetsins, sem m.a. hindrar að verulegu leyti aðgang almennings að fjölmörgum lénum eins og t.d. wikipedia.org, google.com og facebook.com. Hefur einhverjum dottið í hug að loka aðgangi Íslendinga að facebook.com?
f.h. Internet á Íslandi hf. ISNIC.
Jens Pétur Jensen, framkvæmdastjóri.
1). Ritrýnd lagagrein um DNS-blocking: „Liability of domain name registries: Don't shoot the messenger“, e. prof. M. Truyens Univ. of Antwerpen og P. Van Eecke prof. Institute of Computer and Communicatons Law, Queen Mary Univ. of London. Útg. ELsevier Ltd., Computer Law & Security review 2015.
Úrdráttur úr ofangreindri grein (Abstract): „The domain name system (DNS) is fundamental to the Internet, because it translates domain names to and from computer (IP) addresses. This system is, however, increasingly used as a tool to combat unwanted online content. In this process, the system's most central operators ("registries") are targeted by right holders, authorities and other claimants, even though the registries fulfil a mere technical role as an online intermediary, and are quite distanced from the actual content. This contribution presents arguments why registries and other DNS-operators would be protected against several types of domain blocks, monitoring duties and liability claims. These arguments are not only supported by a forward-looking interpretation of the special protection regime for mere conduit, caching and hosting providers of the EU eCommerce Directive 2000/31/EC, but also by Enforcement Directive 2004/48/EC and general EU law, as interpreted by the Court of Justice of the European Union.“
Hér má nálgast greinina: http://www.sciencedirect.com/science/article/pii/S0267364915001831
2. Grein Marteen Simon, lögmanns hollenska (.nl) registrýsins um DNS blocking og ný hollensk lög um fjáhættuspil á netinu, sem eru bönnuð í Hollandi, en innihalda engu að síður ákvæði sem heimilar ekki DNS-blocking í baráttu hollenskra yfirvalda gegn fjárhættuspilum á netinu: https://www.sidn.nl/a/about-sidn/dns-blocking-has-no-place-in-the-new-gaming-act?language_id=2&langcheck=true
3.) Vefsíður sem eru lokaðar í Kína: https://en.wikipedia.org/wiki/Websites_blocked_in_mainland_China
4.) Uppl. um DNS fölsun (e. DNS-spoofing): https://en.wikipedia.org/wiki/DNS_spoofing
5.) SAC 056 skýrsla ICANN: https://www.icann.org/en/system/files/files/sac-056-en.pdf
6.) DNSSEC: https://www.icann.org/resources/pages/dnssec-qaa-2014-01-29-en
]]>Lén eru ávallt fyrirframgreidd til eins árs í senn og lenda því ekki í vanskilum nema í skamman tíma. Séu þau ekki endurnýjuð lokast/hverfa þau sjálfkrafa. Ferlið tekur hins vegar sinn tíma þar sem fyrri rétthafi léns hefur allt að 60 daga umþóttunartíma vilji hann endurnýja lénið. Þegar léni er hins vegar sagt upp á vefsíðu ISNIC fellur útistandandi krafa vegna árgjaldsins sjálfkrafa niður.
Yfir 10.000 ný lén eru skráð og um 5.000 lénum er eytt sjálfkrafa hjá ISNIC – árlega. Sem stendur er virkur fjöldi léna 58.318 lén (sjá efst til vinstri).
]]>
Lengi hefur verið álitið að lén væru betri eftir því sem þau væru styttri og að löng lén væru í eðli sínu síðri en stutt. Þessu kann þó að vera öðruvísi farið, segir í fræðum leitarvélasérfræðinga, sem vilja að heiti lénsins lýsi vörunni/þjónustunni, því þannig lén skori hærra í leitarniðurstöðum. Hér eru nokkur atriði, sem vert er að hafa í huga varðandi skráningu léna:
Athugið að ekki nægir að skrá lén í svokallaða biðröð léna hjá ISNIC, heldur þarf jafnframt að greiða árgjaldið og fá greiðsluna bókaða. Bókun og skráning léns er sjálfvirk, fljótlegust og öruggust sé greitt með greiðslukorti (eða inneign) á vef ISNIC. Þeir sem millifæra lénagjaldið reiða sig á að bókun lénsins verði „handfærð“ af starfsmönnum ISNIC eftir upplýsingum skv. bankakvittun. Sú þjónusta getur verið seinvirk því hún er m.a. háð opnunartímanum á skrifstofu ISNIC og því hvort bankakvittun berist með millifærslunni. ISNIC mælir því eindregið með að lén séu bæði nýskráð og endurnýjuð með greiðslukorti eða inneign í tilviki þjónustuaðila.
Sjálfvirk endurnýjun léns. Ef innskráð greiðslukort léns rennur út áður en lén er endurnýjað er greiðandinn látinn vita í tíma með netpósti. Ef ekki tekst að skuldfæra kortið er stofnuð bankakrafa (greiðsluseðill) með 45 daga greiðslufresti. Þess vegna reynir ISNIC skuldfærslu greiðslukorts allt að 60 dögum fyrir afmælisdag lénsins.
]]>
Ágætu viðskiptamenn, nú er svo komið að öll .is-lén eru uppseld í gagnagrunni ISNIC. Eftir endalausar nýskráningar undanfarin 27 ár hlaut að koma að því að .is-lén kláruðust – og það hefur nú gerst!
57.350 .is-lén eru skráð í gagnagrunni ISNIC, sem þar með er orðinn fullur. Þeir sem eiga ekkert lén verða því að kaupa notað lén af einhverjum öðrum, eða koma á skrifstofu ISNIC fyrir klukkan fjögur í dag og athuga hvort einhver lén hafi losnað.
Góða helgi.
]]>-Starfsfólk ISNIC
]]>Í vikunni komst þjófur yfir lykilorð úr gagnagrunni Word Press, sem einnig voru notuð til innskráningar hjá ISNIC. Fyrir árvekni eins rétthafans, sem í hlut átti og starfsmanna ISNIC, tókst að bakfæra breytingar sem þjófurinn gerði á skráningu nokkurra léna, sem hefði á endanum leitt til stuldar og endursölu þeirra. Lén eru oft afar verðmæt og því er ástæða til að vanda sig við skráningu þeirra og umsýslu. Í sumum tilfellum kann að vera best að fela faglegum þjónustuaðila að sjá um lénaumsýsluna, t.d. hjá stærri fyrirtækjum og stofnunum. Sjá t.d. lista yfir skráða þjónustuaðila hjá ISNIC undir liðnum Lén/Þjónustuaðilar.
Athugið að bæði svonefndur tengiliður rétthafa og rétthafinn sjálfur (NIC-auðkenni rétthafans, ef það hefur netfang) geta umskráð lén yfir á nýjan eiganda og hitt að ISNIC skiptir aldrei um rétthafa á léni, né gerir aðrar breytingar á skráningu léns.
]]>
Frá fjölda nýskráninga dregst fjöldi eyddra léna, sem í fyrra voru 5.619 lén móti 5.356 árið 2014. Nemur aukning eyddra léna milli ára því 4,9%. Nettóaukning .is-léna 2015 var því 4.705 lén, eða sem nemur rúmlega 9% aukningu í fjölda virkra .is-léna milli ára, sem telst hlutfallslega góður vöxtur í samanburði við öll gömul og gróin höfuðlén s.s. .dk (3%) .se (5%) .fi (6%) .no (5) og .com sem þó óx um 6.6% yfir árið 2015, sem þykir gott.
ISNIC
]]>Bluehost segir að ns2.bluehost.com sé undir DDoS vernd, og unnið sé að viðgerð, þótt ekki sé hægt að fá áætlaðan tíma frá þeim. Á meðan, er hægt að færa lén til þriðja aðila, en passa að setja inn réttar upplýsingar í nafnaþjónustu þar.
ISNIC óvirkjar lén sem eru á biluðum nafnaþjón í meira en 8 vikur.
]]>Fyrir breytinguna þurfti fyrst að nýskrá sig og fá notendanafn (svokallað NIC-auðkenni - e. username) hjá ISNIC, áður en hægt var að skrá lén. Nýja leiðin er einfaldari og fljótlegri, sérstaklega fyrir nýja viðskiptamenn. Prófið nýju lénaskráninguna með því að skrifa nafn nýja lénsins inn í stóra leitargluggann undir jólasveininum, hér á forsíðu ISNIC.
Gangi ykkur vel og gleðilega aðventu.
ISNIC
]]>Á ráðstefnunni verður m.a. rætt um „rétt“ rétthafa léna til að fara huldu höfði undir eigin léni á netinu. Sitt sýnist hverjum í þeim efnum og víst er að hart verður tekist á um þetta efni á síðari degi ráðstefnunnar. Rétthafi léns er viðskiptamaður skráningarstofu (e. registry) en ekki fyrirtæki, yfirvöld eða aðrir, sem sérstakan áhuga kunna að hafa á upplýsingum um skráða eigendur léna.
Á hinn bóginn vilja rekstraraðilar höfuðléna að öll lén séu rétt skráð í rétthafaskrám (e. whois database) og gera ýmislegt til þess að tryggja að svo sé. Hvort og þá að hve miklu leyti upplýsingar um rétthafa skuli vera opinberar (e. public) er m.a. umfjöllunarefni Nordic Domains Days, sem .SE heldur af myndarskap við Stockholm Waterfront Congress Centre í næstu viku. ISNIC hvetur þá sem láta sig lén varða að senda fulltrúa á ráðstefnuna.
]]>
Best er að láta WIX skrá nafnaþjónana sína en NIC Auðkenni tengiliðs WIX er EP29-IS.
]]>]]>
Í upphafi árs 2015 var fjöldi skráðra .is léna 53.530 en 58.489 almenn höfuðlén (mest .com) voru skráð á aðila til heimilis á Íslandi á sama tíma. Þess ber að geta að um 25% allra .is léna eru skráð á rétthafa búsetta utan Íslands. Sé tekið tillit til þess er markaðshlutdeild ISNIC innanlands – reiknuð með þessum hætti – jafnvel enn lægri eða einungis um 40%. Hins vegar er markaðshlutdeild ISNIC á virkum lénum innanlands óþekkt, því ekki er vitað hversu mörg lén (undir .is, .com o.fl.) eru á hverjum tíma í virkri notkun, s.s. fyrir vef og tölvupóst, á Íslandi. ISNIC telur hlutdeild sína á þannig „virkum lénum“ innanlands vera mun hærri en 47%, eða um og yfir 80%. Vel má vera að ISNIC hlutist til um að safna upplýsingum um fjölda léna í hýsingu á Íslandi í framtíðinni.
Nýju höfuðlénin svokölluðu, sem enda flest á alls kyns almennum orðum, heitum (t.d. .berlin), bókstöfum (t.d. .xxx) eða kínverskum táknum, sem hvorki fyrirfinnast á meðal landsléna né heldur hinna gamalgrónu almennu höfuðléna, virðast eiga erfitt uppdráttar. Þannig eru einungis samtals 377 lén skráð undir nýjum höfuðlénum á Íslandi og vinsælast þeirra er ".bike". Athygli vekur að nýlegt höfuðlén Evrópusambandsins, .eu, sem Íslendingum stendur til boða að skrá undir, telur einungis 309 lén hér á landi. ISNIC hefur verið boðið að þjónusta og selja .eu-lénið í samstarfi við EURID, en ekki talið það svara kostnaði.
Þegar pælt er í markaðshlutdeild einstakra höfuðléna á ákveðnu landsvæði ber fyrst að hafa í huga að lén eru notuð til ýmissa annara hluta en fyrir vefi og tölvupóst, en einnig hitt að fjölmörg skráð lén sjá aldrei dagsins ljós á netinu. Þannig eru um 3.500 .is léna vistuð á biðsvæði ISNIC um þessar mundir. Lénakaupmenn svokallaðir, sem skrá og versla með lén á heimsvísu, sitja á ótrúlegum fjölda léna sem þeir trúa að eigi eftir að hækka í verði. Lénakaupmönnum má því líkja við verðbréfaspekúlanta, en án þeirra er sagt að enginn alvörumarkaður þrífist til lengdar.
Fá má skýrsluna hjá Centr.org, eða með fyrirspurn á isnic@isnic.is.
Fyrir áhugasama er hér listi yfir 60 ríkustu „léna-milljónamæringa“ veraldar!
]]>Rótarnafnaþjónarnir eru "stofn" DNS kerfisins, eða nk. hjarta internetsins. Þeir svara vélrænum fyrirspurnum um hvar nafnaþjónar höfuðlénanna, gTLD og ccTLD (almenn- og landalén) eiga heima. Höfuðnafnaþjónarnir svara síðan fyrirspurnum um hvar nafnaþjónar einstakra léna, undirléna (t.d. lén viðskiptavina ISNIC) er að finna á netinu. K-rótarnafnaþjónninn er, eins og 12 bræður hans, speglaður víða um heim og með því að hafa eintak af honum á Íslandi tryggir ISNIC landsmönnum stuttan svartíma og aukið rekstraröryggi fyrir innlenda notendur netsins.
ISNIC rekur aðalnafnaþjón .is-höfuðlénsins og er hann speglaður, t.d. af RHNet og nokkrum erlendum aðilum. Einum þeirra er svo einnig speglað vítt og breitt um heiminn á svipaðan hátt og rótarþjónunum er speglað (e. Anycast). Þetta er gert til að tryggja að .is-lén finnst hratt og örugglega allsstaðar þar sem hægt er að komast í netsamband.
Hægt er að sjá hvaða nafnaþjónar standa á bakvið .is höfuðlénið með *nix skipuninni : dig is ns.
]]>Vinsamlega athugið að engin áhrif urðu á grunnþjónustu (DNS) ISNIC við höfuðlénið .is.
]]>
Njótið helgarinnar!
Starfsfólk INSIC.
]]>Áður en kveikt er á IPv6 þarf að huga að ýmsu og á vef RIPE NCC er boðið upp á IPv6 vefnámskeið, sem er opið RIPE NCC notendum (allir geta skráð sig).
/br
]]>Í gamla daga sendi ISNIC þeim sem þess óskuðu lista yfir öll afskráð lén, en því var hætt vegna óánægju sumra rétthafa sem höfðu misst lénin sín af vangá. Þetta var í þá daga og Netið nýtt af nálinni og sumir viðskiptamenn ekki alveg með starfshætti þess á hreinu. Nú er öldin önnur, en samt sem áður gildir sama gamla 60 daga reglan um að ISNIC bíði í fulla tvo mánuði eftir að léni hefur verið eytt áður en eyða má lénum sem ekki hafa verið endurnýjuð. Þá eru, vel að merkja, 105 dagar liðnir frá því að reikningur vegna endurnýjunar árgjaldsins var gefinn út!
Fjöldi nýskráðra léna árið 2014 var 9.773 og 5.356 lénum var eytt. Reiknaður kostnaður ISNIC af því að bíða í 60-105 daga eftir að geta endurselt lén sem ekki var endurnýjað, og hefur verið eytt, er því mikill. Til athugunar er að stytta tímann til jafns við það sem gerist og gengur hjá öðrum Registrýjum (höfuðlénum).
ISNIC mun halda áfram að birta nöfn eyddra léna á Twitter, enda aðeins fengið jákvæð viðbrögð hingð til, sérstaklega frá svokölluðum lénakaupmönnum – eðlilega. Ekki er þó á vísan að róa, enda eru Twitter birtingar þessar óreglulegar og ekki tæmandi.
]]>Fyrsta skrefið, sem nú er orðið virkt, leggur þá kröfu á herðar rétthafa léns að hann staðfesti einnig umskráningu léns yfir á annan rétthafa. Hvorutveggja rétthafinn og tengiliður hans (tengiliður rétthafa) fá nú sendan staðfestingarpóst og þurfa hér eftir báðir að smella á staðfestingarslóðina í póstinum til að umskráningin á léni gangi í gegn og verði staðfest. Er þetta gert til að auka enn á öryggi .is-léna og koma í veg fyrir að lén séu ranglega umskráð á annan rétthafa. Nauðsynleg forsenda fyrir því að rétthafi geti staðfest umkránigu er að hann sé með skráð netfang hjá ISNIC og sé virkur notandi. Hægt er að sjá NIC auðkenni (notendanafn) rétthafa með því að rita nafn lénsins í leitargluggann (WHOIS) efst á síðunni og virkja hann með því að velja „Týnt lykilorð“ í innskráningunni. Þá sendir ISNIC tölvupóst á netfangið með leiðbeiningum um næstu skref.
Í næstu viku [12. maí] munu svo rétthafar fá sömu völd og tengiliðir rétthafa til að breyta upplýsingum um lén og breyta uppsetningu þeirra, þar með talið að skipta um tengilið rétthafa ef svo ber undir. Sé ekkert netfang skráð á NIC-auðkenni rétthafans getur tengiliður rétthafa sett það inn, en eftir það getur hann ekki breytt NIC-auðkenni rétthafans.
]]>10. apríl 2015. Rússneski Norðurpóls Ís Flugvöllurinn. Þyrlur eru notaðar til að komast alla leið að 90°N.
Ljósmynd: Marta Magnúsdóttir.
Flugvélin sem flutti hópinn á Norðurpóls Ís Flugvöllinn.
Ljósmynd: Marta Magnúsdóttir.
Þjónusta ISNIC er í eðli sínu „sjálfsafgreiðsluþjónusta“, sem þýðir m.a. að rétthafinn er ábyrgur fyrir því að skráning léns sér rétt, þ.m.t. svokallaðar tengiliða-upplýsingar. Fyrir kemur að rétthafi léns tapi léni sínu fyrir það eitt að netfangið hefur ekki verið uppfært, sem aftur leiðir til þess að aðvaranir ISNIC berast honum ekki, t.d. aðvörun um að lénið hafi runnið út, eða verið flutt yfir á biðsvæði ISNIC vegna rangrar uppsetningar á nafnaþjóni þar sem það dagar uppi og deyr að lokum.
Eitt mikilvægasta bréfið sem ISNIC sendir rétthafa léns árlega byrjar svo: „Ágæti viðskiptavinur. Meðfylgjandi eru upplýsingar um skráningu lénsins „xxxx.is“ í rétthafaskrá ISNIC. Vinsamlega farðu vandlega yfir [þær]...“.
ISNIC á því miður óhægt um vik við að fækka bréfunum – enn meir en gert hefur verið – án þess að láta af öryggiskröfum sínum, sem eru jafn miklar varðandi öll .is-lén. Hægt væri að ímynda sér að sérstakur flokkur einkar mikilvægra léna yrði tekinn upp og að aðeins slík einkar mikilvæg lén fengju (þessar hvimleiðu) ábendingar í tölvupósti. Það gæti hins vegar leitt til minna trausts allra .is-léna. Það viljum við ekki og því biðjum við viðskiptavini ISNIC um að sinna bréfum frá ISNIC og henda þeim ef engu þarf að breyta. Slíkt ætti ekki að taka nema um hálfa mínútu í hvert sinn. Við munum áfram reyna að hafa ábendingar ISNIC eins fáar og stuttar og kostur er.
]]>Einföld innskráning. Nú nægir að vita nafn lénsins til þess að skrá sig inn. Prófið með því að skrifa lénið inn í stóra leitargluggann hér á forsíðu ISNIC og smella svo á hlekkinn „Týnt lykilorð“ við það netfang sem við á.
Njótið helgarinnar!
ISNIC
]]>
Rétthafar léna sjá alfarið sjálfir um að viðhalda skráningu léns í vefþjónustu ISNIC. Auðveldasta leiðin til að skrá sig inn (ef notendanafn og lykilorð er gleymt) er að skrifa nafn lénsins í stóra leitargluggann og smella á hlekkinn Týnt lykilorð við netfangið og halda síðan áfram úr tölvupóstinum. Ef hann er rangur þarf að hafa samband við þann sem hefur aðgang að tölvupóstinum, eða fara löngu eyðublaðaleiðina og fá starfsmann ISNIC til að skipta um netfang á viðkomandi tengilið. Það tekur sinn tíma.
Svokallaðir lénakaupmenn eru stöðugt á varðbergi gagnvart lénum, ekki bara .is-lénum heldur víðs vegar á netinu, og eru oftar en ekki fljótir að skrá nýútrunnin lén með það að markmiði að selja þau fyrrum réthafa. ISNIC hvorki getur né má gera nokkuð til þess að hindra þetta, en þó eru reglur ISNIC þannig að fyrri rétthafi léns situr einn að því í allt að 60 daga eftir að því hefur verið eytt. Slík þjónusta er fáheyrð hjá flestum öðrum höfuðlénum (sennilega öllum).
Rúmlega 4.700 lén voru afskráð hjá ISNIC á síðasta ári og tæplega 10.000 nýskráð. 52.357 .is-lén eru virk þegar þetta er skrifað.
]]>Í tilkynningunni frá Nominet var málshöfðunin harðlega gagnrýnd, aðallega á þeim forsendum að Cartier vildi með henni gera Nominet ábyrgt fyrir innihaldi vefja! Nominet hafði þegar lokað fyrir umrædd lén á grundvelli ófullnægjandi skráninga. Í tilkynningu Nominet segir: „Fyrirtæki geta tilkynnt grun um að efni á vefsíðu brjóti í bága við lög–t.d. með því að bjóða falsaðar vörur til sölu–til lögreglu, sem rannsakar hvort athæfi sé refsivert. Einkaaðilar geta einnig hafið einkamál á hendur eigendum vefja sem þeir telja að fremji lögbrot. Sé skráningu léns þannig háttað að ómögulegt sé að hafa uppi á eigendum vefja undir þeim (.co.uk og .uk) lokar Nominet lénunum á grundvelli ófullnægjandi skráningar.“ Þetta hafi verið gert, en eigi að síður hafi Cartier höfðað mál.
Hinn 11. febrúar sl. sendi Nominet frá sér aðra tilkynningu, nú þess efnis að Cartier hafi hætt við málareksturinn. Fram kemur að nánari tilkynninga sé von um ástæður þess, en ákvörðun Cartier er eigi að síður fagnað.
ISNIC fagnar niðurstöðunni, en málshöfðun Cartier sýnir öðru fremur hversu litla þekkingu lögfræðingar og stjórnendur félagsins hafa (eða höfðu) á innviðum og virkni Internetsins. Innihald á vef er ávallt á ábyrgð eiganda vefsins eða vefstjórans, því 'lén' og 'vefur' er algerlega sitthvor hluturinn. Á lénum hvílir ýmis önnur þjónusta en vefir eins og t.d. tölvupóstur, sem er ekki síður mikilvæg þjónusta á netinu. Þá geta margir vefir tengst einu og sama léninu. Í grunninn háttar fyrirkomulaginu varðandi .is-höfuðlénið hjá ISNIC alveg eins og hjá Nominet sem stýrir .uk-höfuðléninu.
]]>50.786 .is-lén voru skráð í árslok, þar af 38.211 á Íslandi, 4.388 í Bandaríkjunum, 1.420 í Þýskalandi, 1.200 á Bretlandseyjum, 989 í Noregi, 606 í Svíþjóð, 550 í Danmörku, 409 í Hollandi, 388 í Sviss og 382 í Kanada. Um 26% .is-léna eru skráð í samtals 128 löndum utan Íslands.
Sé rýnt í tölurnar kemur í ljós að 9.733 lén voru nýskráð á árinu 2014 og 5.365 lénum var eytt. Nettófjölgun léna var því 4.417 lén, eða 9,5%, móti um 12% fjölgun árið 2013. Meðalaldur innlendra einstaklinga sem eiga lén er 44 ár og meðaljóninn er átta stafa langt og fimm ára gamalt lén.
Langstærsti hýsingaraðili .is-léna er 1984 ehf. sem er með um 15,2% hlutdeild, næst kemur Síminn með 4%, þá Vodafone og Nethönnun sem hvor um sig eru með um 2,35% hlutdeild í hýsingu á höfuðléninu .is. Nánari upplýsignar um vöxt og viðgang ".IS" má finna undir liðnum Tölulegar upplýsingar, sem uppfærður er daglega.
]]>
Ef villur greinast á uppsetningu léns á nafnaþjónum í meira en 8 vikur samfellt má búast við að léni verði lokað (set á hold). Lénum er þó aldrei eytt, nema ef árgjald er ekki greitt, þá eyðist lénið sjálfkrafa.
Ef skilaboð um villur í uppsetningu berast frá kerfi ISNIC þarf að hafa samband við þjónustuaðilann sem rekur DNS þjónustu ykkar, m.ö.o. hýsingaraðila viðkomandi léns, sem einning fékk skilaboðin send en hefur láðst að sinna þeim.
]]>ISNIC rekur tvo NTP þjóna (tímaþjóna) sem allir geta nýtt sér endurgjaldslaust. Annar þeirra er aðgengilegur í gegnum NTP verkefnið (pool.ntp.org) en hinn, Stratum 1, er þjónn sem hægt er að tala við frá íslenskum IP netum (time0.ntp.is).
p.s. Eftir 20. janúar, birtist tilkynning frá GPS klukkum, varðandi þessa hlaupasekúndu. Einn og einn móttkandi tíma hefur sagt frá því að í einhverjum tilfellum uppfærist tíminn hjá sér samstundis, ranglega.
]]>Árgjald .is-léna hefur aldrei hækkað frá stofnun félagsins 1995, heldur lækkað nokkrum sinnum í gegnum tíðina. Nú er svo komið að raungildi árgjaldsins er aðeins um 18% af því verði sem var í gildi árið 1999, en þá var árgjaldið sem samsvarar kr. 33.450 á núgildandi verðlagi! Nú eiga fleiri og fleiri fyrirtæki og einstaklingar mörg lén.
]]>ISNIC óskar viðskiptamönnum og landsmönnum öllum farsældar á nýju ári með þökkum fyrir viðskiptin á liðnum árum. Árgjald léna hefur nú lækkað í kr. 5.980. Nú geta allir leyft sér að búa og starfa á internetinu undir sínu eigin .is-léni. Munið að hlífa augum og eyrum og vernda dýrin á gamlárskvöld.
Áramótakveðja, starfsmenn og stjórn Internets á Íslandi hf.
]]>
(spyrjandinn) „Góðan dag, ég ætlaði að fá smá ráðleggingu hjá þér. Ég ætla að gefa lén í jólagjöf. Hvernig er best að snúa sér í því. Ég er að hafa áhyggjur ef ég skrái viðkomandi fyrir léninu og mig sem tæknilegan tengilið að hann fái senda tilkynningu um skráninguna: (fulltrúinn) það sem þú getur gert er að skrá netfang sem aðeins þú hefur aðgang að og breytt síðan netfanginu eftir að jólagjöfin hefur verið opnuð :). (spyrjandinn): Þannig að þó ég skrái hans kennitölu sem rétthafa, fær hann enga tilkynningu í pósti? (fulltrúinn): nei, ekki ef netfangið er ekki hans/hennar. (spyrjandinn): Ok flott :) hvað tekur uppsetningin langan tíma eftir að ég geng frá pöntun? (fulltrúinn): það birtast ný lén á 20. mínútna fresti... sem sagt mest 20 mín. bið.. mundu bara að breyta netfanginu í hans/hennar netfang eftir 24. (spyrjandinn): Ok frábært, bara ein spurning í viðbót :) hver er heildarkostnaður fyrir mig, og rukkast sjálfkrafa árgjaldið á mig, eða hefur hann möguleika á að taka við greiðslu eftir næsta ár? (fulltrúinn): árgjaldið er kr. 5980, en mundu að úthaka að það eigi að gjaldfæra kortið aftur á næsta ári (þetta er aftast í ferlinu) þá fer greiðsluseðill á viðkomandi og hann fær svo tilkynningu um endurnýjun á sitt netfang. (spyrjandinn): Ok, og hann lendir ekki í neinu veseni ef hann ákveður að endurnýja ekki? ss bara lokast á lénið, en ekkert innheimtuferli? (fulltrúinn): nei ISNIC fellir sjálfkrafa niður gjaldið og eyðir léninu ef engin greiðsla berst. (spyrjandinn): ok, takk fyrir aðstoðina! ég fer í þetta :)
|
||||
netspjalli lokið. |
Árgjald léns lækkaði síðast 11. des. 2011, á 25 ára afmæli lénsins „hi.is“ - elsta skráða .is-lénsins. Góð fjölgun léna sl. þrjú ár, samfara mikilli tæknilegri framþróun og góðri afkomu félagsins, gerir Internet á Íslandi hf. kleift að lækka verð til viðskiptamanna sinna.
Rúmlega 51.000 .is-lén eru virk sem stendur og hefur þeim fjölgað um hartnær 15.000 frá því árgjaldið var lækkað síðast, sem var 11. desember 2011. Þá var gjaldið einnig lækkað um kr. 1.000 eins og nú. Þar áður lækkaði árgjald .is-léna 1. desember 2008 er stofngjald léns, kr. 4.532, var fellt niður. Lækkunin þýddi 35% lækkun fyrsta árgjalds. Árgjaldið 2008 var kr. 7.918.
Árgjald léns lækkaði í fyrsta sinn í sögu félagsins (sem stofnað var í maí 1995) þann 1. janúar 1999. Lækkunin var 10%. og var árgjaldið þá, sem reyndar var greitt mánaðarlega, kr. 14.683 m. 24% vsk. á verðlagi þess árs. Ef gjaldð hefði hækkað eins og almennt verðlag, þá væri árgjald léns í dag kr. 33.450 í stað kr. 5.980. Raunlækkun árgjaldsins er því 82% (vísitala neysluverðs var 184,8 í janúar 1999 en 421,0 í nóv. sl.).
]]>1. TTL-gildi í DNS færslum segja DNS biðlurum (e. resolvers) hversu lengi þeir eiga að geyma svarið hjá sér án þess að spyrja uppruna-nafnaþjóninn (t.d. ISNIC) um sömu færslur aftur. Flestar DNS færslur léna breytast sjaldan og því verður til óþarfa álag og tímaeyðsla ef TTL-gildið er stutt og alltaf verið að fletta upp sömu færslum í uppruna-nafnaþjónum. Eini ókosturinn, ef óskost skyldi kalla, við hátt TTL-gildi er sá að stjórnandi (tæknimaður) nafnaþjóns þarf að ákveða breytingar á færslum með nokkrum fyrirvara og lækka TTL-gildið niður í nokkurar mínútur á meðan breyting er gerð, ella taka breytingar lengri tíma að verða sjáanlegar hjá öllum notendum, þar sem biðlarar geyma gamla svarið hjá sér í a.m.k. jafn langan tíma og TTL-gildið segir til um. Að loknum breytingum þarf að færa TTL-gildin á ný upp í 86400 sekúndur til að uppfylla tæknilegar kröfur ISNIC. Þetta vill stundum gleymast, sem getur í versta falli orsakað sjálfvirka tímabundna lokun léns ef ekki er brugðist við sjálfvirkum ábendingum ISNIC-kerfisins, en það fylgist sjálfvirkt með tæknilegum uppsetningum allra .is-léna. Í þessu felst m.a. hátt öryggi .is-léna.
2. Ný tegund af tölvuárás, sem hefur verið all fyrirferðamikil að undanförnu, er svokölluð „DNS Slow Drip Attack“. Hún er ákveðið afbrigði af svonefndri „DDoS-árás“ þar sem fjöldinn allur af tölvum er notaður til að mynda flóð fyrirspurna á nafnaþjóna léns þar til þeir hafa ekki undan að svara og gera þar með lénið og allar þjónustur þess, svo sem tölvupóst og vef, óvirkar. DNS-kerfið er viðkvæmt fyrir slíkum árásum þar sem það er í eðli sínu opið öllum, sem þýðir að hægt er að falsa uppruna árásarinnar þar sem þjónustan styður m.a. UDP samskipti, sem aftur þýðir að erfitt er að sía fyrirspurnir tengdar árásinni frá eðlilegri umferð.
3. Árásin lýsir sér þannig að árásaraðilinn, sem ætlar að ráðast á ákveðið lén, sendir gríðarlegan fjölda fyrirspurna í gegnum opna biðlara (t.d. Google Public DNS) og biður um eitthvað handahófskennt nafn undir léninu sem um ræðir. Hver fyrirspurn spyr um nýtt handahófskennt nafn og aumingja nafnaþjónarnir, sem hafa engar færslur fyrir þessi nöfn, reyna eftir bestu getu að svara neitandi (NXDOMAIN) eins hratt og eins lengi og þeir geta. Sumar af þessum árásum hafa verið nægilega öflugar til að trufla þjónustu heilu landalénanna (sjá árás á dafa888.wf).
4. Ef TTL-gildi NS færslna léna sem lenda í slíkri árás er mjög lágt (dafa888.wf er t.d. með TTL upp á 600 sekúndur) þýðir það að nafnaþjónar höfuðlénsins (í þessu tiilfelli .wf) verða fyrir barðinu á árásaraðilanum. Í stað þess að hver biðlari geymi svarið í sólahring og sleppi að spyrja nafnaþjóna höfuðlénsins .wf ótt og títt um NS færslurnar fyrir lénið dafa888.wf, þá geyma þeir svarið eingöngu í 600 sekúndur þar til þeir biðja aftur um nákvæmlega sömu færslurnar. Sé árásin nógu öflug getur árás sem þessi komið niður á nafnaþjónustunni við öll lén undir viðkomandi höfuðléni eins og dæmið sýnir.
Því miður þá hjálpar hátt TTL-gildi ekki nafnaþjónum lénsins sjálfs nema að litlu leyti (sjá Negative Cache), en hátt TTL-gildi hindrar að árásin margfaldist og trufli þjónustu annara léna undir sama höfuðléni. Hátt TTL-gildi ISNIC, sem stundum er gagnrýnt að ósekju, hefur út frá öryggissjónarmiðum margsinnis sannað gildi sitt.
]]>Áður hafði fólk verið bundið mikið við telnet, ftp og gopher (gopher var textavafri) til að sinna netmálum og gagnaflutning.
]]>Um fordæmalausa aðgerð er að ræða, þar sem ISNIC hefur aldrei fyrr lokað léni vegna innihalds vefjar.
ISNIC.
Uppfært 2014-10-13 kl 13:00 Bætt við tengil á reglur Isnic
]]>Félagið hefur aldrei áður staðið frammi fyrir sambærilegri stöðu og ekki er með beinum hætti gert ráð fyrir henni í reglum ISNIC um lénaskráningu. Því ber félaginu að stíga varlega til jarðar og ígrunda vel þá kosti sem eru í stöðunni. Sú vinna fer nú fram.
ISNIC hvetur fjölmiðla og aðra til að fjalla ekki um lénið með beinum hætti og rita ekki nafn þess á vef, því slíkt hvetur aðeins til frekari útbreiðslu þess.
ISNIC.
]]>Góða helgi,
ISNIC
]]>Netfang rétthafa léns, sé það skráð, birtist undir uppl. um rétthafann í skráningarskírteini lénsins, svokölluðu „Whois“ (sjá leitarglugga efst á þessari síðu). Ef skráning lénsins „mbl.is“ er skoðuð (leitað að mbl.is í Whois) kemur í ljós að rétthafinn (Árvakur hf.) hefur ekkert skráð netfang hjá ISNIC. Sé lénið „dv.is“ skoðað sést að netfang rétthafans DV ehf. er „jontrausti@dv.is“. Að mati ISNIC fer best á því að netfang rétthafans tengist eiganda eða fyrirsvarsmanni fremur en að um almennt netfang sé að ræða.
Þurfi að breyta netfangi rétthafa, eða skrá nýtt, er það gert eftir innskráningu á vef ISNIC. Sé lykilorðið týnt og tröllum gefið er einfaldast að skrá nafn lénsins inn í stóra leitargluggann, hér á miðri forsíðu ISNIC, og smella á hlekkinn „Týnt lykilorð“, sem birtist við netfang tengiliðs rétthafa, opna síðan tölvupóstinn sem berst frá ISNIC og halda áfram þaðan.
Þegar komið er á „Mína síðu“ þarf fyrst að velja lénið sem á í hlut og velja síðan hnappinn „Breyta lénaskráningu“. Í forminu sem birtist er netfang rétthafans nýskráð, eða því breytt.
Eftir 26. september 2014 getur rétthafi léns skráð sig inn á vef ISNIC án þess að vera skráður sem tengiliður rétthafa. Fyrst um sinn hefur hann takmörkuð réttindi til breytinga en mun síðar fá stöðu yfirnotanda (e. super-user) og mun sem slíkur hafa full og ótakmörkuð umráð yfir léninu, þ.m.t. getur hann skipt um „tengilið rétthafa“ og hafnað umskráningu léns yfir á nýjan rétthafa kjósi hann svo. Breyting þessi, á hlutverkum rétthafa og tengiliðs rétthafa, verður auglýst nánar síðar.
Í áranna rás hefur verðmæti léna vaxið jafnt og þétt með þeim afleiðingum að lénastuldur er vaxandi vandamál. Ofangreind breyting er nauðsynlegur undanfari aukins öryggis og meiri þjónustu við rétthafa léna, sem kynnt verður í haust undir heitinu VID-lén (e. very important domain). Henni er ætlað að koma í veg fyrir lénastuld og að mikilvæg lén renni „óvart“ út og lokist, t.d. vegna þess að láðst hafi að endurnýja lénið með greiðslu árgjaldsins.
]]>Skrifstofa ISNIC opnar á slaginu níu á þriðjudagsmorgun.
ISNIC-liðið.
-------------------------------
Efst til vinstri á vefnum sést virkur fjöldi .is-léna á hverjum tíma. Hann er nú 49.705 lén. Þar af eru um 37.000 (74%) skráð á Íslandi, 4.259 í USA (9%), 1.337 í Þýskalandi (4%) 1.134 í Bretlandi (3%) og 930 í Noregi (2%). Lén með .is endingu finnast í yfir 50 löndum í heiminum. Til eru sérstakir lénakaupmenn sem sérhæfa sig í skráningu, kaupum og sölu léna. Einnig eru til lénasafnarar, sem svipar til frímerkjasafnara! Dæmi eru um .is lén sem seld hafa verið fyrir háar fjárhæðir.
Þótt sumum kunni að finnast 50.000 lén mikill fjöldi, er .is-svæðið á netinu næstum „ósnortið land“, miðað við önnur þekkt höfuðlén. Þar af leiðandi er mikið laust af stuttum og liprum lénaheitum undir .is. Prófaðu með því að skrifa þína hugmynd að léni inn í leitargluggann!
]]>Fólk er hvatt til að njóta hans með handklæði og jafnvel myndatöku. Sjá nánar á vefnum: towelday.org.
]]>Allir sem vilja gera sig gildandi á netinu og lifa þar frjálsu lífi, án aðkomu voldugu „lénsherranna“, eiga sitt eigið lén, enda er á flestra færi að skrá lén. Enga sérstaka tækniþekkingu þarf til þess og kostnaðurinn, kr. 6.982 á ári, er flestum viðráðanlegur. Hins vegar fá ekki allir góða hugmynd að léni og því er snjallt og gott lén gulls ígildi. ISNIC hefur fyrir satt að nýlega hafi lénið 114.is verið selt kínversku fjarskiptafyrirtæki fyrir $100.000.- eða sem samsvarar um 11,2 Mkr. Sama fyrirtæki IFANR, keypti 114.com fyrir 2 milljónir dollara skv. sömu heimild. Viðskipti með lén eru blómleg atvinnugrein víða um heim og sífellt oftar heyrist af .is-lénum sem seld eru fyrir háar fjárhæðir. ISNIC, eðli málsins samkvæmt, veitir enga þjónustu í slíkum viðskiptum. Hæsta verð sem greitt hefur verið fyrir lén á þessu ári er líklega lénið whisky.com, sem samkvæmt DN Journar var selt í janúar sl. fyrir 3,1 milljón dollara. Áhugaverða sögu rétthafans um tilurð lénsins og sölu þess má finna hér: http://www.dnjournal.com/cover/2014/february.htm.
Af 48.682 lénum, sem skráð eru undir .is-höfuðléninu, eru um 6.000 lén vistuð á biðsvæði ISNIC, eða skráð í áframsendingu, sem leiðir notendur þeirra sjálfkrafa yfir á önnur lén. Ýmsar ástæður geta verið fyrir því að lén ílengist á biðsvæðinu, eða er í áframsendingu, og enginn nema rétthafinn getur í raun svarað því hver hún er. Samskonar endurgjaldslausa þjónustu er að finna hjá flestum ef ekki öllum helstu lénaskráningarfyrirtækjum heims.
Lén á biðsvæði kunna að vera til sölu og sjálfsagt er fyrir hvern sem er að setja sig í samband við rétthafa léns, líka þótt það sé skráð á biðsvæði. Til þess eru m.a. hinar svokallaðar „Whois-upplýsingar“ (sjá efst á síðunni). Þannig var t.d. um lénið whysky.com, sem nefnt er hér að ofan. Það var skráð 1994 og var í eigu sama mannsins í 20 ár áður en hann seldi það einum stærsta viskí framleiðanda heims í upphafi þessa árs.
Um þriðjungur allra .is-léna er skráður utan Íslands og fer hlutur erlendra rétthafa vaxandi, enda þykir .is-endingin bæði snjöll og falleg.
]]>
ISNIC óskar viðskiptamönnum sínum og öðrum gestum ánægjulegra frídaga.
]]>Undir liðnum Lén/Tölulegar upplýsingar (hér til vinstri) má finna ýmsar mjög áhugaverðar upplýsingar um vöxt og viðgang .is-höfuðlénsins, allt frá byrjun starfseminnar fyrir um 27 árum.
]]>Í tilkynningunni segir orðrétt: "The U.S. Commerce Department’s National Telecommunications and Information Administration (NTIA) today announces its intent to transition key Internet domain name functions to the global multistakeholder community." Með global multistakeholder community er átt við þá einkaaðila sem í raun stjórna internetinu (þótt enginn einn stýri því beinlínis) með því að samhæfa og leiða saman þá sem hafa raunverulegan hag af því að netið virki sem best alls staðar. Þessir aðilar eru t.d. Internet Engineering Task Force (IETF), Internet Architecture Board (IAB), Internet Society (ISOC), skráningarstofur IP talna (e. the Regional Internet Registries), skráningarstofur landséna eins og t.d. ISNIC, aðrir rekstraraðilar höfuðléna (e. top level domain name operators), fyrirtækið VeriSign (sem frá byrjun hefur gengt lykilhlutverki í rekstri rótarlénsins) og aðrir áhugasamir aðilar, bæði opinberir og einkaaðilar, sem láta sér annt um að frjálst og óháð internet. Sá aðili sem nú gegnir lykilhlutverki í virkni netsins í heild er fyrirtækið ICANN í umboði IANA. ISNIC er aðili að ICANN/IANA samkvæmt samningi og fullgildur aðili að CENTR, samtökum Evrópskra lénaskráningaraðila.
ISNIC fagnar tilkynningunni og vonar að útspil Bandaríkjastjórnar verði til þess að draga úr áhuga ýmissa ríkisstjórna víða um heim til að taka stjórn internetsins á sínu svæði í sínar hendur.
]]>
Ísland er hins vegar í fyrsta sæti á heimsvísu yfir fjölda skráðra léna á mann, eins og sjá má á s. 31 í þessari umfangsmiklu skýrslu. Ekki er þó saman að jafna í þessum efnum, því hlutfall erlendra rétthafa .is-léna er um 1/3 og mun hærra en gengur og gerist hjá stórum höfuðlénum eins og t.d. .se (Svíþjóð) og .dk þar sem hlutfallið er um 1/10. Önnur smá landshöfuðlén s.s. .me (Svartfjallaland) og .lu (Luxemborg) hafa aftur á móti enn hærra hlutfall erlendra rétthafa en .is-lénið.
Það sem helst dregur einkunn Íslands niður í þessari könnun eru hraði og verð nettenginga, notkun netbanka og netöryggismál. Ýmislegt í þessari skýrslu orkar þó tvímælis og ekki er alveg ljóst hvernig höfundar hafa komist að birtri niðurstöðu.
]]>
Þjónusta ISNIC er í eðli sínu sjálfsafgreiðsla því eingöngu er hægt að skrá lén og breyta skráningu léna, skoða yfirlit og fá afrit af reikningum, svo dæmi sé tekið, með því að vera innskráður í vefþjónustu ISNIC.
DNS-þjónusta ISNIC gengur í stuttu máli út á að tryggja að .is-lén finnist ávallt á Internetinu, hvar sem er í heiminum.
Til þess að skrá lén: Skrifðu nafn lénsins í stóra leitargluggan hér á forsíðunni og haltu áfram þaðan. Ef þú hefur áður skráð lén, skrifaðu þá nafn þess léns í gluggann til þess að finna NIC-auðkennið þitt (notendanafnið) og smelltu eftir atvikum á Týnt lykilorð við netfangið þitt. Opnaðu svo tölvupóstinn og haltu áfram þaðan.
]]>
Athugið, að skrá þarf sig inn á NIC-auðkenni greiðanda til þess að fá aðgang að reikningum.
]]>
Margir hafa spáð því að opun ICANN/IANA á skráningu lénaendinga muni gjörbreyta netinu frá því sem nú er. Aðrir benda á að áður hafi komið fram nýjar lénaendingar (.museum, .biz, .xxx, .job, .info, .pro) sem flestar hafi, þvert á spár, átt erfitt uppdráttar. Eitt er þó víst, að breytingarnar nú eru umfangsmeiri en áður og óvissan/möguleikarnir eftir því stærri.
Internet á Íslandi - ISNIC, hefur engin sérstök áform uppi um að þjónusta eða selja önnur höfuðlén en .is-lénið. Hins vegar þarf ISNIC, eins og önnur gamalgróin skráningarfyrirtæki, að bregaðst við breyttum veruleika. Breytingin opnar að okkar mati dyr að ýmsum möguleikum um leið og „samkeppnin“ eykst. ISNIC mun halda sínu striki og áfram bjóða upp á örugga og trausta nafnaþjónustu undir tiltölulega ströngum tæknilegum kröfum. Sjáanleg áhrif af breytingunni, sem opnun ICANN á skráningu lénaendinga hefur þegar valdið, er aukin útbreiðsla, frelsisvæðing og opnun skráninga landshöfuðlénanna sem fyrir voru. Punktur-is lénið mun halda áfram að auka hlutdeild sína erlendis, líkt og reyndin hefur verið undanfarin ár. Það er óumflýjanlegt, þó ekki sé fyrir annað en smæð innlends markaðar. Sumir segja að af þessu sé eftirsjá og að landslénin eigi fyrst og fremst að vera fyrir íbúa og fyrirtæki viðkomandi lands. Aðrir segja slíkt fyrirkomulag eða flokkun gangi gegn anda og eðli internetsins og því sé það fyrirkomulag smátt og smátt að hverfa. Eitt er víst að það verður aðeins til eitt .is höfuðlén og .is-endingin er vissulega ein af þeim fallegustu á netinu.
]]>Nýútkomin árslénaskýrsla Centr.org 2013, samtaka lénaskráningarfyrirtækja, sýnir eftirfarandi tölur fyrir Norðurlandalénin, en landshöfuðlénið .is óx hlutfallslega mest þeirra á árinu 2013. Höfuðlénið .gl (Grænland) er ekki aðili að Centr.org, en þess má geta að það lén er vinsælt í héraðinu Galesíu á norð-vestur Spáni.
höfuðlén | fjöldi des. ´13 | nettóvöxtur |
---|---|---|
.is | 46,768 | 12.93% |
.fi | 335,294 | 8.93% |
.no | 606,605 | 7.07% |
.se | 1,340,619 | 6.36% |
.fo | 3,150 | 3.62% |
.dk | 1,248,517 |
3.55% |
Heimild: Member Statistics and Growth Report, December 2013. www.Centr.org.
]]>
23.12. Þorláksmessa: opið 09-15.
24.12. Aðfangadagur: lokað, en hægt er að stofna og endurnýja lén á isnic.is sé greitt með korti.
25.12. Jóladagur: lokað.
26.12. 2. jóladagur: lokað.
27.12. föstudagur: opið eins og venjulega.
30.12. mánudagur: opið eins og venjulega.
31.12. þriðjudagur, Gamlársdagur: opið 09-12.
01.01. Nýársdagur: Lokað. Nýársdagur er jafnan vinsæll stofndagur léna. Hægt er að stofna og skrá lén alla daga ársins á www.isnic.is sé greitt með greiðslukorti.
Gleðileg jól, gott og farsælt komandi ár. Takk fyrir árið sem er að líða.
Starfsfólk ISNIC.
]]>Starfsfólk.
]]>DNSSEC-væðing .is er þar með orðin að veruleika.
]]>Frá upphafi hefur mönnum verið ljós ákveðinn veikleiki í þessu annars frábæra kerfi (DNS-kerfninu, sjá RFC3833) sem getur gert óprúttnum aðilum mögulegt að trufla nafnaleitina, þannig að vefsíða eða tölvupóstur á hans vegum opnist eða svari í stað þeirrar vefsíðu eða tölvupósts sem ætlunin að opna eða senda póst á. Þjónustur banka, tryggingarfélaga, vefverslana, ýmiskonar yfirvalda og annarra aðila sem reka viðkvæma þjónustu á netinu eru umfram aðra skotmörk þeirra sem með þessum hætti sækjast eftir verðmætum upplýsingum s.s. netföngum, notendanöfnum, lykilorðum og kortanúmerum svo eitthvað sé nefnt.Til þess að vinna gegn þessu var hannað öryggiskerfi sem gerir mönnun kleyft að sannreyna rafrænt uppflettingar sínar í DNS. Þetta kerfi er viðbót við hið hefðbundna nafnakerfi netsins og nefnist DNSSEC (DNS Security Extensions).
ISNIC hefur nú komið fyrir lykilfærslum fyrir höfuðlénið .is hjá IANA. Landslénið er því komið inn í trausta keðju tilvísunarfærsla frá rótarléni. ISNIC mun í framhaldi af þessu koma upp búnaði á vef sínum til að taka við lykilfærslum frá einstökum rétthöfum .is-léna þannig að þeir geti komið upp sannreynanlegum tilvísunarkeðjum frá rót um .is að eigin lénum. Þegar því er lokið geta rétthafar .is-léna rafrænt signað (e. signed) allar færslur í eigin léni, og þeir sem fletta upplýsingum í slíkum „öruggum“ lénum geta rafrænt sannreynt að upplýsingarnar komi örugglega frá upprunanafnaþjónum viðkomandi léns.
Sjá RFC4033, RFC4034 og RFC4035 um skilgreiningu á DNSSEC, RFC6781 um rekstur léna undir DNSSEC. ISNIC notar opinn hugbúnað, OpenDNSSEC, til halda utan um lykla og til að signa .is höfuðlénið með viðeigandi lyklum hverjum tíma.
Ofangreind DNSSEC þjónusta mun gera rétthöfum .is léna kleift að bjóða notendum sínum upp á aukið öryggi í netviðskiptum. DNSSEC verður endurgjaldslaus þjónusta af hálfu ISNIC.
]]>Flokkun þessi þýðir ekki að öðrum en Íslendingum sé bannað að skrá lén undir höfuðléninu .is. Þannig hefur það aldrei verið, enda geta verið margar góðar og gildar ástæður fyrir skráningu .is-léns, aðrar en þjóðernislegar. Hins vegar tala og skrifa næstum engir aðrir en Íslendingar íslensku og því sér tungumálið eitt og sér til þess að rétthafar íslenskra lénaheita (.is-lén sem skrifuð eru á íslensku) eru og verða fyrst og fremst Íslendingar.
Á hinn bóginn fjölgar .is-lénum með skráðan rétthafa utan Íslands (slæmt orðalag væri: „íslensk lén í eigu útlendinga“) núorðið jafnhratt og lénum skráðum á Íslendinga. Þegar þetta er ritað eru t.d. 3395 .is-lén skráð í Bandaríkjunum, eða um 8% allra .is-léna. Um 1219 lén (3%) eru skráð í Þýskalandi, 938 (2%) í Bretlandi, 811 í Noregi, 493 (1%) í Svíþjóð og 483 í Danmörku. Jafnvel í Japan er 51 .is-lén skráð! Samtals eru um 23% allra .is-léna skrásett erlendis og á þessu ári býst ISNIC við að fjórðungur árssölunnar komi frá útflutningi. Höfuðlénið „.is“ er því orðið gjaldeyrisskapandi afurð fyrir Ísland.
Upplýsingar um fjölda nýskráninga, afskráninga, markaðshlutdeild hýsingaraðila og margar fleiri áhugaverðar staðreyndir, má sjá undir liðnum Tölulegar upplýsingar á vef ISNIC.
]]>Eftir sem áður er ekkert seðilgjald innheimt hjá ISNIC og þeir sem kjósa að greiða árgjald lénsins í netbanka, fá greiðsluseðil án endurgjalds. ISNIC mælir þó með „sjálfvirkri endurnýjun“ og notkun greiðslukorta við kaup og endurnýjun léna.
Reikningar og yfirlit eru aðgengilegir greiðendum og tengiliðum rétthafa léna á svæði í vefþjónustu ISNIC. Til þess að finna NIC-auðkennið, (notendanafnið) nægir að rita nafn lénsins í leitargluggann hér á miðri forsíðu ISNIC. Þar má smella á „Týnt lykilorð" til þess að endurstilla lykilorðið hafi það gleymst.
Viðskiptamenn ISNIC eru hvattir til að afþakka pappír og hjálpa þannig til við að halda árgjaldi léna áfram óbreyttu.
]]>Vefþjónusta ISNIC hefur tekið stakkaskiptum undanfarið með tilkomu rafrænna reikninga, yfirlita og inneignarkerfis, svo fátt eitt sé nefnt sem nú má finna á svæði notenda. Þess vegna er enn mikilvægara en áður að netföng rétthafa og greiðenda léna (netföng tengiliða) séu rétt skráð hjá ISNIC. Við hvetjum alla viðskiptavini til að skrá sig inn hér á isnic.is og yfirfara skráningu léna sinna og gera á þeim leiðréttingar ef þörf er á. Rangt skráð netfang tengiliðs (t.d. greiðanda) getur leitt til lokunar og jafnvel eyðingar á léni.
Þeir sem nota greiðslukort eru hvattir til að skrá lénin í „sjálfvirka endurnýjun“. Ríflega helmingur allra .is-léna er nú orðið endurnýjaður árlega með greiðslukorti og hefur sýnt sig að lén sem endurnýjuð eru með greiðslukorti eiga síður á hættu að gleymast og glatast.
Lén fela oft í sér verðmæt og eftirsóknarverð réttindi. Eydd lén eru samstundis laus til nýskráningar.
ISNIC
]]>ISNIC er bæði notandi og stuðningsaðili FreeBSD verkefnisins.
]]>Margir tæknimenn kannast við aðrar aðferðir og uppsetningar, t.d. á BNC og 10Base-T netum (gamla góða COAX), en Ethernet er nú undirlag nánast allra netsamskipta. Hraðinn á netinu eykst með hverju árinu og nú er ethernet keyrt yfir ljósleiðara á lengri leiðum.
Internet á Íslandi hf. (INTÍS) rekur RIX samtengipunktinn (Reykjavik Internet Exchange), sem er skiptistöð innlendra internetþjónustuaðila (ISP) þar sem þeir skiptast á IP-umferð sín í milli til þess að koma í veg fyrir að innlend netumferð flæði um útlandasamböndin með tilheyrandi kostnaði og töfum.
Stóraukin umferð um Rixinn (eins og hann er kallaður) undanfarna mánuði, er ágæt vísbending um mikla aukningu netnotkunarinnar innanlands. Undanfarið ár hefur umferðin vaxið um 50% og tvöfaldast undanfarnar vikur m.v. sama tíma fyrir ári. Umferðin yfir Rixinn er eins og áður segir innlend netumferð sem streymir á milli helstu netþjónustuaðila og þjónustuveitenda á Íslandi. Nokkrir mikilvægir aðilar að RIX hafa nýlega tífaldað samskiptahraða sinn úr 1GB í 10GB, en með slíkum uppfærslum er flöskuhálsum á netinu rutt úr vegi netnotendum til góðs. Helsta skýringin á stóraukninni netumferð sjónvarpsáhorf yfir internetið.
Finna má allskynns áhugaverðar upplýsingar og línurit yfir netumferð á Íslandi á www.rix.is. en Internet á Íslandi hf. (INTÍS) á rekur RIXinn án hagnaðarmarkmiðs, innlenda netinu til framdráttar. Einungis er hægt að tengjast Rixinum á tveimur stöðum; í Höfðatorgi við Katrínartún og í Tæknigarði við Dunhaga, hvorutveggja í Reykjavík.
]]>Lén með séríslenskum stöfum köllum við „IDN-lén“ (e. Internationalised Domain Names) til aðgreiningar frá venjulegum lénum, sem innihalda enska lágstafi. Oft er IDN-lén látið vísa sjálfkrafa inn á samsvarandi venjulegt lén með því að nota áframsendingu veffangs (e. web forwarding) en sú þjónusta er innifalin í árgjaldinu. Sé IDN-lén skráð á sömu kennitölu og samsvarandi venjulegt lén er árgjald þess aðeins kr. 1.000 m. vsk.
Lén með séríslenskum stöfum (IDN-lén) má nota án vandræða undir vefi, og mörg tölvupóstkerfi og aðrar þjónustur styðja nú orðið notkun IDN-léna.
]]>Svokallaður „tengiliður rétthafa“ (þ.e.a.s. stjórnunarlegur tengiliður léns, sem oftast er rétthafinn sjálfur) er alltaf ábyrgur fyrir skráningu lénsins og breytingum. Öryggisins vegna hefur ISNIC ákveðið að skerpa á þessari ábyrgð með því að ljá eingöngu máls á að skipta um aðaltengiliðinn (tengilið rétthafa) en hætta að skipta um greiðanda léns og tæknilegan tengilið, enda er það meginhlutverk tengiliðs rétthafa að uppfæra skráningu léns. Þetta er gert til þess að þrýsta á tengilið rétthafa til að sinna hlutverki sínu gagnvart léninu og stuðla þannig að réttari og áreiðanlegri upplýsingum í rétthafaskrá ISNIC (Whois-skránni).
]]>Þjónusta ISNIC er í eðli sínu sjálfsafgreiðsla, og leysa má öll venjuleg mál varðandi lén; eins og að greiða árgjald, sækja viðskiptayfirlit, fá afrit af reikningum, skipta um greiðanda, skipta um rétthafa, flytja lén milli nafnaþjóna, setja lén í áframsendingu eða á „parking“, í vefþjónustu ISNIC.
Einföld leið til að skrá sig inn (finna NIC-auðkenni og endurstilla lykilorð) er að skrifa nafn lénsins í stóra leitargluggann hér fyrir ofan og, eftir atvikum, smella á „týnt lykilorð“ við netfangið. Þá sendir ISNIC viðkomandi tengilið póst með endurstillingarslóð.
Vefþjónusta ISNIC verður sífellt fullkomnari og ráð er að kynna sér hana vel og ganga úr skugga um að skráning lénsins sé rétt, en dæmi eru um að fólk og fyrirtæki hafi misst frá sér mikilvæg lén vegna vanrækslu í þessum efnum. ISNIC mælir með því að mikilvæg lén séu skráð í svokallaða „sjálfvirka endurnýjun“, sem þýðir að fyrsta tilraun til skuldfærslu árgjaldsins er gerð 60 dögum fyrir eindaga lénsins. Svokölluð „sumarlén“ (með stofndag að sumri) eru öðrum lénum hættara við að renna út og eyðast vegna sumarleyfis rétthafans eða tengiliða hans.
]]>
Með 10GB netsambandi getur internetþjónustuaðili flutt margfallt meira gagnamagn en áður um samtengipunktinn, og segja má að 10GB samband sé nauðsynleg forsenda fyrir enn fullkomnari dreifingu á margmiðlunarefni (t.d. sjónvarpi) sem þarfnast hágæða eins og HD myndefni gerir.
Möguleikinn á 10GB sambandi við RIX hefur staðið þjónustuaðilum til boða í tæpt ár og „RIX-inum“, eins og hann kallast í daglegu tali, má tengjast hvort heldur sem er í Dunhaga og/eða á Höfðatorgi. Hægt er að skoða tengda aðila og gagnamagn sem flæðir um RIX tengipunktana á www.rix.is.
Internet á Íslandi hf. rekur miðlæga nettengipunktinn RIX án hagnaðarmarkmiðs íslensku netsamfélagi til framdráttar. RIX er félagi í samtökum evrópskra nettengipunkta, EURO-IX.
]]>Á þessum tíma voru ríflega 400 vélar tengdar netinu, en í dag er gróflega áætlaður fjöldi kominn yfir milljarð tækja (sjá Könnun ISC). Internet á Íslandi hf. taldi lengi vel tæki sem skráð voru undir höfuðléninu .is. Þegar talningar hófust árið 1990 voru 14 tölvur skráðar hér á landi, en þegar þessum talningum var hætt (2010) voru tæp 300 þús tæki skráð. (Sjá tölulegar upplýsingar)
]]>-------------------------
Það er gott að stofna lén fyrir áramót!
Þekkt er að stofndagur og ártal léns (aldur þess) skiptir máli, t.d. varðandi leitarvélar, og eldri lén eru þannig séð „verðmætari“ en yngri. Því kann að skipta máli að skrá lén áður en árið er úti.
Ef þú hefur ekki skráð lén áður þarftu fyrst að skrá þig hér til að öðlast aðgang að vefþjónustu ISNIC. Skráning léns er á allra færi. Biðsvæði er frí þjónusta og sjálfvalin í nýskráningu léns. Sé greitt með greiðslukorti líða mest 20 mínútur þar til lénið er orðið virkt. Næsta skref er að koma léninu í hýsingu hjá skráðum þjónustuaðilum ISNIC, eða setja nýja lénið tímabundið í áframsendingu t.d. blog- eða Andlitssíðu (Facebooksíðu).
Notkun persónulegs léns fyrir tölvupóst fer sífellt vaxandi, en gott og traust netfang (E-mail) er lykilatriði varðandi trúverðugleika í netviðskiptum. Ár eftir ár hefur .is-lénið mælst meðal traustustu og best upp settu höfuðléna í heimi eins og sjá má á bls. 13 í nýjustu skýrslu McAfee.
]]>
D-ROOT, einn af höfuðnafnaþjónum á internetinu skiptir um IPv4 vistfang þann 3ja janúar 2013. Núverandi uppsetning er virk næstu 6 mánuði á eftir.
Ný IP tala D-ROOT er 199.7.91.13 og er hægt að nota hana þegar í stað.
Endurkvæmir nafnaþjónar vísa í nafnaþjóninn með root.hint/named.root/named.cache skrá eða lista sem æskilegt er að uppfæra.
]]>ISNIC hefur þegar fært innlenda netsamfélaginu tvær gjafir á afmælisárinu; Nýja og fullkomna tölvuklukku (https://www.isnic.is/is/ntp) sem allar innlendar tölvur og nettengd tæki geta tengst, og svo hefur félagið stækkað burðargetu internets-tengipunktins „Rix.is“ úr 1 Gb í 10Gb, en stækkunin er m.a. nauðsynleg forsenda fyrir almennri útbreiðslu sjónvarps á innlenda netinu. Eitt fyrirtæki, Símafélagið ehf., hefur þegar tengst Rix.is á 10 Gb.
Þriðja afmælisgjöf ISNIC til netsamfélagsins verður ritun sögu internetsins á Íslandi, sem áætlað er að komi út í bókarformi snemma ársins 2014, svona um það leyti sem .is lénin verða orðin 50.000 að tölu, en þau eru nú rúm 40.000. Þeir sem eiga í fórum sínum efni frá upphafsárum netsins á Íslandi eru góðfúslega beðnir um að hafa ISNIC í huga. Söguna ritar Sumarliði R. Ísleifsson sagnfræðingur.
]]>Tímaþjónn ISNIC sækir tímann úr GPS kerfinu, og frá öðrum nákvæmum klukkum á netinu, um nýtt GPS loftnet ISNIC, sem er staðsett uppi á þaki á turninum við Katrínartún 2 (áður Höfðatún) þar sem ISNIC er til húsa. ISNIC rekur einnig tímaþjón í pool.ntp.org verkefninu, sem nýtist þeim sem setja t.d. upp Linux og FreeBSD stýrikerfi. IPv6 notendum er bent á að nota 2.is.pool.ntp.org til að tengjast örugglega innlendum IPv6 tímaþjóni.
Tímaþjónn ISNIC er framlag Internets á Íslandi hf. til styrkingar á innviðum íslenskra netkerfa. Aðgangur að réttum og öruggum miðlægum tímaþjóni skiptir fjölmargar þjónustur á netinu miklu máli. Sjá má klukkuna á vefslóðinni: https://www.isnic.is/is/ntp
Björn Róbertsson kerfisstjóri ISNIC hefur haft veg og vanda af uppsetningu tímaþjóns ISNIC.
]]>
Önnur og mun algengari breyting, sem einnig þarf að ljúka með því að smella á staðfestingarslóð, er þegar notandi setur inn nýtt netfang á sínu svæði hjá ISNIC. Í þeim tilvikum sendir ISNIC staðfestingarslóðina á nýja netfangið (emilið). Ef ekki er smellt á hlekkinn (þ.e. síðan opnuð breytingin staðfest innan þriggja daga) rennur hún út eins rjómi og þarf þá að endurtaka breytinguna og fá nýja staðfestingarslóð senda.
Öryggisins vegna tekur ISNIC ekki á móti beiðnum um breytingar nema þær séu undirritaðar og vottaðar af tveimur aðilum, en þetta á aðeins við um breytingar sem notendur geta ekki framkvæmt sjálfir. Innskráning ISNIC var nýlega einfölduð þannig að nú nægir að skrifa nafn lénsins í leitargluggann á forsíðunni.
]]>Innskráningunni í vefþjónustu ISNIC var nýlega breytt þannig að nú nægir að skrifa nafn lénsins inn í leitargluggann á miðri forsíðunni til að finna nauðsynlegar upplýsingar. Fæstir notendur hjá ISNIC muna lykilorðið, enda nægir að smella á hlekkinn „týnt lykilorð“ við netfangið sem tilheyrir viðkomandi. Sé netfangið rangt þarf hins vegar að fylla út eyðublaðið breyting á netfangi tengiliðs.
Í umrótinu undanfarið hafa margir lögaðilar orðið gjaldþrota, eða hætt starfsemi. Lén sem skráð eru á gjaldþrota eða horfna lögaðila geta lent í uppnámi og verið eytt vegna rangrar skráningar, en lén felur oft í sér verðmæt og eftirsótt réttindi. Skiptastjórar þrotabúa og nýir eigendur eru hvattir til þess að skoða skráningu lénsins hjá ISNIC og eftir atvikum lagfæra hana.
Geti skráður tengiliður ekki breytt skráningu lénsins, eða skipt um tengilið sjálfur, verður rétthafinn (bústjórinn) að fylla út beiðni um breytingu á tengilið léns og senda hana til ISNIC.
]]>Mælingum var skipt í þrjá meginflokka, grunnþjónustu (þ.e. netið sjálft, aðgengi og afköst), útbreiðslu og notkun vefsins (þ.e. hversu stór hluti þjóðarinnar notar vefinn, magn efnis o.s.frv.). Að lokum voru efnahagsleg, pólitísk og félagsleg áhrif vefsins í viðkomandi löndunum metin.
Samkvæmt WWWF er Ísland er í 12. sæti af 61 einni þjóð þegar vegin meðaleinkunn þessara þriggja flokka var reiknuð. Áhugavert er að Ísland lendir í fyrsta sæti þegar grunnþjónusta (readyness & communication) er skoðuð, í 6. sæti yfir vefnotkun og úbreiðslu vefsins, en hrapar 26. sæti þegar þjóðfélagsleg áhrif hans voru mæld (þar sem m.a. er mæld notkun hins opinbera á vefnum, vefnotkun stjórnmálaflokka og miðlun efnahagslegra upplýsinga).
Af niðurstöðum þessarar skýrslu má draga þá ályktun að góður internetaðgangur er nauðsynleg, en ekki nægjanleg forsenda mikillar og markvissar vefnotkunar þjóða. Sjá nánar á http://thewebindex.org
/mó
]]>VID-lén munu fá sérstaka meðhöndlun hjá ISNIC, einkum hvað varðar réttindamál og endurnýjun árgjaldsins. Hægt verður að kaupa svonefnda VID-tryggingu, sem kemur í veg fyrir að VID-lén renni út vegna misgánings. Auk þess verður ekki hægt að skipta um rétthafa á VID-lénum með jafnauðveldum hætti og nú er á venjulegum lénum, heldur mun þurfa sérstakt samþykki rétthafans (eigandans), hvort heldur sem það verður rafrænt eða undirritað með gamla laginu.
Til þess að undirbúa þessa breytingu eru rétthafar léna beðnir um að uppfæra netfang rétthafans hjá ISNIC (eða nýskrá það) en netfang rétthafans má finna undir liðnum „Breyta lénaskráningu" á Minni síðu. Aðeins tengiliður rétthafa getur gert þessa breytingu. Þegar líður á haustið verður öllum tengiliðum rétthafa og rétthöfum með skráð netfang sendur tölvupóstur með nánari upplýsingum um þessa mikilvægu breytingu.
/jpj
]]>
Þess má geta að Facebook, langstærsti samfélagsmiðillinn, lokaði fyrir tenginguna við Friendica í gær án þess að gefa á því skýringu. Friendica leyfir á hinn bóginn tengingar við alla.
Sirrý á Rás2 bauð Axeli Tómassyni, forritara hjá ISNIC og aðalhvatamanni Friendica á Íslandi, í útvarpsþátt sinn í gærmorgun (sunnudag). Og eins og við manninn mælt þá þrefaldaðist notendafjöldinn í kjölfarið. Engu að síður er íslenska Friendica-samfélagið mjög lítið, enn sem komið er, eða um 100 manns þegar þetta er skrifað.
/jpj
]]>Meginstarsemi ISNIC felst m.ö.o. í því að reka nafnaþjónustuna (e. Domain Name System) fyrir höfuðlénið .is, en öll lén þurfa á DNS-þjónustu að halda til þess að finnast á Netinu. Lénið (e. domain) er einföld en snjöll framsetning á ip-tölu þess tækis sem hýsir tölupóst og/eða vefsíðu lénsins, og þótt skipt sé um ip-tölu (hýsingu) helst lénið áfram óbreytt. Fyrirtæki eins og ISNIC heita Registry á ensku, en þau stjórna nafnakerfi Netsins á heimsvísu sameiginlega og þar gegnir DNS-kerfið grundvallarhlutverki.
Nafnaþjónusta ISNIC (DNS-þjónustan) vísar öllum fyrirspurnum um tölvupóst eða veffang allra .is-léna eldsnöggt á réttu ip-töluna hvar í heiminum sem hún er staðsett. Þegar lén er flutt milli hýsingaraðila breytist ip-talan án þess að lénið sjálft breytist nokkuð.
Finna má fjölmörg myndbönd á Netinu, t.d. á YouTube, sem útskýra DNS-kerfið ágætlega fyrir leikmönnum. Eitt af þeim heitir DNS Basics, sem tölvunarfræðinemi að nafni Johnson T. Rafallo tók saman í frístundum sínum.
/jpj
]]>Neðangreindar endingar virðast vera eftirsóttastar ef marka má fjölda umsækjenda um hvert höfuðlén:
Flestar umsóknir, 13 að tölu, bárust um endinguna .APP.
11 fyrirtæki og einstaklingar vilja eignast .HOME og .INC.
10 listaspekingar sækja um .ART.
9 umsóknir bárust um .BLOG, .SHOP .BOOK og .LLC.
8 vilja eiga og reka höfuðlénin .DESIGN, .MOVIE og .MUSIC.
7 aðilar lýsa áhuga á að stjórna .HOTEL, .NEWS, .MAIL, .LTD, .CLOUD, .LOVE, .WEB, og .STORE.
6 sækja um endingarnar .VIP, .ONLINE, .CORP, .CPA, .NOW, .TECH, .BABY, .LAW, .GMBH, og .GROUP.
5 fyrirtæki vilja reka .SITE, .TICKETS, .BUY, .FREE, .STYLE, .GAME, og .SALE.
Og fjögur fyrirtæki sýna áhuga á að reyna fyrir sér með reksturinn á .GAY.
Enginn Íslendingur, eða íslenskt fyrirtæki virðist vera á meðal umsækjenda, en Geir nokkur Rasmussen sækir um lénið .GAME og .BID fyrir hönd Dot Game Limited og Dot Bid Limited. Þá má geta þess að bandaríska fyrirtækið Intercontinental Exchange, Inc sækir um endinguna .ICE, en það lén gæti vel skírskotað til Íslands (Iceland).
/jpj, ms
]]>ISNIC hefur unnið að því hörðum höndum undanfarið að því að virkja IPv6 á allri netþjónustu sinni og nú eru allar aðgerðir aðgengilegar yfir IPv6. Í tilefni dagsins má finna persónulegar hugleiðingar kerfisstjóra ISNIC um IPv6 hér.
/br
]]>
Nýi leitarglugginn er staðsettur á miðri forsíðu ISNIC og minnir þannig sumpart á leitargluggann hjá Google, enda gegnir leitin lykilhlutverki hjá ISNIC rétt eins og hjá Google!
Nýja leitarvélin einfaldar mjög nýskráningu léna, bæði fyrir gamla og ekki síður nýja viðskiptamenn. Þá einfaldar leitarglugginn einnig innskráningu inn í vefþjónustu ISNIC mjög, þar sem ekki þarf lengur að leita fyrst að notendanafninu (NIC-auðkenninu) til þess að geta skráð sig inn. Það eina sem notandinn þarf að muna eftirleiðis er nafnið á léninu.
Í þriðja lagi fjarlægir lénaleitin sjálfkrafa innslegin for- og viðskeyti og annað sem ekki nýtist beinlínis við að leita að .is-léni. Þá er ekki lengur nauðsynlegt að skrifa .is fyrir aftan orðið sem leitað er að. Gamla góða „Whois“ uppflettingin, sem er efst til hægri, er áfram á sínum stað, enda gefur hún ein tæmandi upplýsingar um lénið.
/jpj
]]>Eftirleiðis mun skrifstofa ISNIC benda á þennan möguleika í stað þess að taka saman og senda út hreyfingalista og afrit af reikningum, en sú þjónusta (t.d. fyrir bókara og endurskoðendur) hefur í áranna rás vaxið gríðarlega með tilheyrandi kostnaði fyrir ISNIC.
Ofangreind þjónusta er liður í undirbúningi þess að hætta að prenta og senda út reikninga ISNIC, nema fyrir þá sem þess óska sérstaklega.
Vefþjónusta ISNIC byggir sífellt meir á sjálfvirkni og sjálfsafgreiðslu viðskiptamanna, en þannig hefur tekist að halda niðri kostnaði og koma í veg fyrir hækkanir á árgjaldi léna ár eftir ár. Notendur sjá t.d. alfarið sjálfir um að skrá lén og gera allar breytingar á skráningarupplýsingum þess á svæðinu „Mín síða“. Og þar er nú komin inn mikilvæg viðbót, undir liðnum reikningar, sem margir viðskiptamenn og sérstaklega þjónustuaðilar ISNIC hafa beðið eftir. Síðar munu rétthafar léna geta gefið þriðja aðila, t.d. bókara og endurskoðanda, aðgang að þjónustunni.
/jpj
]]>
Þetta er annars vegar gert til þess að hvetja þá sem eiga lén með enskum lágstöfum, en hafa látið undir höfuð leggjast að skrá að skrá lénið einnig með íslenskum rithætti, að gera það. Hins vegar er þetta gert til þess letja hina, sem ekki eiga lénið með enskum lágstöfum, að skrá samsvarandi IDN-lén og brjóta þannig hugsanlega á betri rétti þriðja aðila til lénsins. Fjölmörg tilvik eru hins vegar til þar sem margir eiga jafnan rétt til lénaheitisins. Þá gildir gullna reglan: fyrstur kemur fyrstur fær.
Margir sem skrá IDN-lén nota áframsendingu ISNIC til þess að vísa þeim sjálfvirkt yfir á venjulega lénið, en sú þjónusta er innifalin í árgjaldi léna.
/jpj
]]>/br
]]>NIC-auðkennið er notendanafnið sem þarf til þess að skrá sig inn í ISNIC-kerfið, en eins og flestir vita þarf rétthafinn sjálfur (eða hans tengiliður) að sjá um breytingar á skráningu lénsins, t.d. ef skipta þarf um rétthafa og greiðanda. Allt er þetta gert í ISNIC-kerfinu. Fæstir muna lykilorðið sitt hjá ISNIC og þá gildir að smella á „Týnt lykilorð“ hér fyrir ofan, setja inn NIC-auðkennið og opna síðan tölvupóstinn sem berst frá ISNIC um hæl.
/jpj
]]>
Starfsmenn ISNIC.
]]>Fjöldi nýskráðra léna í nýliðnum mánuði er 834 lén móti 738 lénum í fyrra, sem gerir um 13% aukningu milli ára. Rúmlega 12% verðlækkun á árgjaldi .is-léna í nóvember sl. virðist því skila sér nokkurn veginn í samsvarandi aukningu nýskráninga - eins og gert hafði verið ráð fyrir. Sama gilti fyrir fyrstu tvo mánuði ársins og því er fyrsti ársfjórðungur 2012 samkvæmt áætlun sem er ánægjulegt.
Á móti nýskráningum léna koma afskráningar en þeim hefur ekki fjölgað hlutfallslega umfram fjölgun léna á fyrsta ársfjórðungi, sem kann að benda til aukinnar bjartsýni landsmanna þar sem skráning léns felur oft í sér áform um aukin umsvif á einhverju sviði.
ISNIC óskar viðskiptamönnum ánægjulegra frídaga.
/jpj
]]>
Fyrirlestrar um markaðssetningu á netinu, hugbúnað, stjórnun, starfsmannamál og aðalfundir félaga í Höfðatorgi, svo dæmi sé tekið, er meðal þess sem fram hefur farið í ISNIC-salnum. Víst er að fundur í salnum eru upplyfting út af fyrir sig.
/jpj
]]>Vinsældir MIME eru slíkar að sama tækni er notuð í HTTP o.fl. stöðlum til að senda gögn á milli og yfir 1300 tegundir af „efni" eru skilgreindar í staðlinum, eða allt frá ríkum texta (sem inniheldur t.d. feitletrun, skástrikun og liti) myndum og hreyfimyndum, til sértækra gagna.
Undirstaðan í tölvupósti er „póstþjónninn" sem skilur SMTP staðalinn. MIME skeyti innihalda gögn á textaformi sem SMTP þjónninn meðhöndlar og skilar á áfangastað óbreyttum, en viðtakandi skeytis opnar póstinn með póstforriti sem birtir honum gögnin eins og þau voru send.
Samkvæmt könnun Nathaniel eru daglega send um ein billjón (milljón milljónir) skeyta sem nota MIME, en ekki aðeins tölvupóstur notar MIME, heldur einnig vefsíður og margt fleira sem sent er á netinu. Til gamans má geta þess að hefði höfundur tækninnar, Nathaniel Bernstein, aðeins fengið eitt penny greitt fyrir hvert MIME skeyti, þá hefðu árstekjur hans numið fjárhæð sem samsvarar til landsframleiðslu Þýskalands!
]]>Með stækkuninni verður hægt að bjóða upp á margfallt hraðari sambönd innanlands og skemmri svartíma á tengingum til viðskiptavina sem samtengjast um RIX.
Hægt er að sjá línurit yfir umferðina sem fer um RIX búnaðinn og þar sést að stöðug aukning hefur orðið á samskiptum. Þróun umferðar sýnir bersýnilega að stækkun RIX úr 1 GB upp í 10 GB er mikilvægur þáttur í að auka afköst og gæði umferðar á íslenska hluta Internetsins.
Samtengipunkturinn RIX.is er sjálfstæð rekstrareining hjá ISNIC - Internet á Íslandi hf og er rekin án hagnaðarmarkmiðs. Með stækkun RIX í 10GB verður fyrsta verðskrárbreyting (hækkun) á stofngjöldum og þjónustugjöldum RIX um árabil. Sjá nánar á RIX.IS.
]]>Annað nýtt höfuðlén sem sótt hefur verið um er .bosch, sem alþjóðlega fyrirtækið Bosch AG sótti um fyrir skömmu. Þar á bæ ætla menn að freista þess að nýta DNS-kerfið (nafnaþjónustu Netsins) til þess að halda utan um vöruheiti fyrirtækisins en þau skipta tugum þúsunda. Rætt er um að íhlutir í bifreiðar, t.d. bremsuklossar og rúðuþurkur, fái hver sitt eigið lén sem nota má t.d. til þess að panta eftir. Lén á Netinu er gætt þeim fágæta eiginleika, að það getur ekki átt sér sinn líkan í víðri veröldinni. Ruglingshættan er því engin svo lengi sem lénið er rétt skrifað. Tölvur eiga auðvelt með að lesa lén og þetta tvennt ætlar hinn stóri íhlutaframleiðandi greinilega að nýta sér með einhverjum hætti. Hér gæti orðið um algerlega nýtt notkunarsvið innan Internetsins að ræða. Eigandi höfuðléns setur léninu sjálfur reglur, ákveður verð þess og annað varðandi lénið líkt og um aðra hugbúnaðarþjónustu.
Víst er að ýmis höfuðlén sem sótt hefur verið um munu ekki eiga erindi sem erfiði því mjög vandasamt og dýrt er að koma á fót höfuðléni og markaðssetja það. Núverandi þekkt höfuðlén (sem eitthvað kveður að) eru aðeins um 200 að tölu í öllum heiminum. Þau hafa bæði tæknilegt og markaðslegt forskot, enda eru þau elstu orðin 25 ára gömul eins og t.d. landslénið .is, sem á stórafmæli í nóvember þessu ári.
Nýleg höfuðlén sem ekki hefur tekist að gera vinsæl, þrátt fyrir gjóðan vilja, eru t.d. .museum, sem var ætlað söfnum, .name, sem ætlað var einstaklingum, .mobi, sem ætlað var farsímaþjónustu og .travel, sem einnig hefur átt erfitt uppdráttar. Hins vegar virðist klámlénið .xxx, ætla að spjara sig þrátt fyrir spár um annað.
Annað virðist nú uppi á tengingnum hjá ICANN, sem hingað til hefur haldið fast í fyrstu útgáfu Internetsins, ef þannig má orða það. Nú virðist eins og stefnt sé að því að opna algerlega fyrir lénaskráningar beint undir rót DNS-kerfisins og ef fram heldur sem horfir má búast við að innan nokkurra ára standi þúsundir nýrra höfuðléna netnotendum til boða. Þá hefur umsóknargjaldið einnig lækkað og er nú "aðeins" $185.000 auk árgjalds, sem reyndar hefur enn ekki verið ákveðið. Af þessu má sjá að það gætu verið miklar breytingar framundan á Netinu.
]]>ISNIC hefur nú lækkað árgjald léna um eitt þúsund krónur (12,5%) eða í kr. 6.982. Lækkun árgjaldsins er ætlað að stuðla að um 18% fjölgun léna á þessu ári. Verði fjölgunin meiri má búast við að árgjaldið lækki aftur að ári liðnu.
Tölfræði 2011: Uppsafnaður heildarfjöldi léna var í lok árs 2011 rúmlega 36.000 lén. Nýskráð voru 7.903 lén, en 3.329 lén voru afskráð. Nettófjölgun léna á árinu 2011 var því 4.574, eða um 14,5%.
Fjölgun .is-léna hefur verið jöfn og góð undanfarin þrjú ár, eða 4.065 lén 2009, 4.165 lén 2010 og 4.574 lén á nýliðnu ári eins og áður sagði. Hins vegar dróst nettófjölgun léna saman á (hrun)árinu 2008.
Heildarfjöldi .is-léna hefur rúmlega tvöfaldast á fimm árum og er nú ríflega 36.000 lén, eða um 11% af fólksfjölda á Íslandi. Það er heldur lægra hlutfall en í Svíþjóð og Danmörku, sem hvort um sig státa af rúmlega einni milljón léna, en um helmingi hærra hlutfall en í Finnlandi og Noregi.
]]>
Ef þú hefur ekki skráð lén áður þarftu fyrst að skrá þig hér og fá þannig aðgang að lénaskráningu ISNIC. Skráning léns er á allra færi. Biðsvæði er frí þjónusta og sjálfvalið ef þú ert ekki tilbúinn að virkja lénið um leið og það er skráð. Sé greitt með greiðslukorti líða aðeins um 20 mínútur þar til lénið er orðið virkt. Því næst er að koma léninu í hýsingu hjá skráðum þjónustuaðilum ISNIC, sem uppfylla gæðakröfur ISNIC fyrir vistun .is léna, eða áframsenda það á gefna vefslóð, t.d. blog- eða Facebooksíðu.
Notkun léna fyrir tölvupóstfang á eigið lén fer sífellt vaxandi, en gott og traust netfang (Email) er lykilatriði þegar byggja á upp trúverðugleika í netviðskiptum. Ár eftir ár hafa .is lén mælst meðal traustustu og best upp settu léna í heimi eins og sjá má á bls. 13 í nýjustu skýrslu McAfee.
]]>
Mikilli fjölgun léna, sérstaklega undanfarin 4 til 5 ár, gerir ISNIC kleift að lækka árgjaldið um 12,5% þrátt fyrir all miklar kostnaðarhækkanir. ISNIC vonast til þess að lækkun árgjaldsins stuðli að enn meiri fjölgun léna, en fjöldi þeirra er nú um 36.000, eða ríflega tvöfallt meiri en hann var í ársbyrjun 2007 þegar ný stjórn tók við ISNIC.
Söguskýring: Síðasta verðbreyting hjá ISNIC var 1. nóv. 2008 er stofngjald léna, kr. 4.532.- var fellt niður. Fyrsta lækkun áskriftargjaldsins var hins vegar 31.12.1998, eða fyrir 12 árum. Þá var greitt mánaðarlega fyrir lén og lækkaði gjaldið þá um 10%, úr kr. 975.- án vsk. á mánuði í kr. 878.- Árgjaldið árið 1998 var því kr. 14.683.- m.vsk. Hefði gjaldið hækkað m.v. samræmda vísitölu neysluverðs, en ekki lækkað eins og raun ber vitni, væri það nú kr. 23.179! Árgjald léna hefur lækkað nokkrum sinnum á þessu tímabili og nemur lækkunin samtals um 70% að raungildi á tólf árum. Nafnverðslækkun árgjaldsins (lækkunin í krónum talið) nemur 52%. Geri aðrir betur!
Skráðu þitt eigið .is-lén: Ef þú hefur ekki skráð lén áður þarftu fyrst að skrá þig hér og fá þannig aðgang að lénaskráningu ISNIC. Skráning léns er á allra færi. Biðsvæði er frí þjónusta og sjálfvalið ef þú ert ekki tilbúinn að virkja lénið um leið og það er skráð.
Sé greitt með greiðslukorti líða aðeins um 20 mínútur þar til lénið er orðið virkt. Því næst er að koma léninu í hýsingu hjá skráðum þjónustuaðilum ISNIC, sem uppfylla gæðakröfur ISNIC fyrir vistun .is léna, eða áframsenda það á gefna vefslóð, t.d. blogsíðu eða Facebook.
Notkun léna fyrir tölvupóstfang á eigið lén fer sífellt vaxandi, en gott og traust netfang (Email) er lykilatriði þegar byggja á upp trúverðugleika í netviðskiptum. Ár eftir ár hafa .is lén mælst vera á meðal traustustu og best upp settu léna í heimi eins og sjá má á bls. 13 í nýjustu skýrslu McAfee.
]]>
Reglurnar um skráningu .is-léna (ISNIC reglurnar) voru endurritaðar frá grunni fyrr á þessu ári og þær uppfærðar til móts við raunverulegt (tæknilegt) fyrirkomulag lénaskráningarinnar. Ýmislegt í reglunum var orðið tæknilega úrelt, s.s. ákvæði um undirritun eyðublaða við ýmsar breytingar á skáningu léna, sem notendur sjá nú að mestu sjálfir um á ISNIC-vefnum.
Engar grundvallarbreytingar sem varða boð og bönn við skráningu léna voru gerðar. Einungis er um að ræða endurritun og málsfarsbreytingar, staðfærslu að nútímanum, eins og áður sagði, og nýja uppröðun reglnanna, ásamt reyndar nýjum lið sem fjallar um læsingu léna.
Viðskiptamenn ISNIC, og þjónustuaðilar og umboðsmenn sérstaklega, eru hvattir til að lesa nýju reglurnar yfir og senda ISNIC ábendingar. Þessi útgáfa reglnanna tók yfir eldri útgáfu þeirra 1. nóvember 2011.
]]>Flestir innlendir netþjónustuaðilar (ISP-ar) tengjast Rixinum, en hægt er að tengjast honum í Höfðatorgi eða í Tæknigarði. Uppfærslan í 10Gb er eðlileg þróun á netumhverfi fyrir stóra aðila. Uppfærslan í 10 Gb styttir svartímann mjög mikið og auðveldar þeim sem uppfæra í 10 Gb að veita sérhæfða netþjónustu sem krefst mjög mikillar burðargetu, s.s. við veitingu hágæða kvikmynda- og tónlistarstrauma, en slík notkun vex hratt.
]]>Við hjá ISNIC þekkjum vörurnar hans afar vel, en þekkt er að á skrifstofu ISNIC hafa til langs tíma eingöngu verið notaðar Apple tölvur, en þær einkennast af miklum gæðum, áreiðanleika og öryggi.
Blessuð sé minning Steve Jobs.
]]>Eins og súluritin sýna er langalgengast að .is-lén byrji á bókstafnum s, og séu 6-7 stafir að lengd. Næst koma bókstafirnir h, b, f og stafurinn a er fjórði algengasti upphafsstafur .is-léna.
Mjög sjaldgæft, þó ekki sjaldgæfast, er að .is-lén byrji á bókstafnum x, enda byrjar ekkert íslenskt orð á x. Lénið xa.is, lén Hægri-grænna, flokki fólksins er nýlegt dæmi slíkt lén. Lén stjórnmálaflokka sem einnig byrja á x, eru t.d.: xb.is lén Framsóknarflokksins, xd.is lén Sjálfstæðisflokksins, xe.is lén Framboðsfélags E-listans, xf.is lén Frjálslinda flokksins, xm.is lén Fólksins í bænum, xs.is lén Samfylkingarinnar og xv.is lén Vinstri-grænna.
Öllum er heimilt að leita að lénum í rétthafaskrá ISNIC og skoða skráningarskírteini .is-léna. Aðeins þarf að skrifa nafn lénsins ásamt .is-endingunni inn í leitargluggann efst til hægri hér á forsíðu ISNIC. Öryggisins vegna er fjöldi uppflettinga á klukkustund þó takmarkaður.
]]>Engar grundvallarbreytingar sem varða boð og bönn við skráningu eða réttindi léna voru gerðar, enda hefði slíkt kallað á aðkomu fleiri. Einungis er um að ræða endurritun, málsfarsbreytingar, staðfærslu að nútímanum, eins og áður sagði, og nýja uppröðun reglnanna. Vinnan var að mestu leyti á hendi laganemans Steindórs Dan Jensen, undir dyggri handleiðslu starfsmanna ISNIC.
Viðskiptamenn ISNIC eru hvattir til að lesa nýju útgáfuna yfir og senda ISNIC ábendingar. Þessi útgáfa reglnanna tekur yfir eldri útgáfu þeirra þann 1. nóvember 2011.
]]>
Ágætu viðskiptamenn, vegna þessa getur orðið um skerta simsvörun hjá ISNIC að ræða á föstudag.
NIC-Norden 2011 fjallar um réttarstöðu léna og af því tilefni hafði ISNIC frumkvæði að því að fá þekktan lagaprófessor á þessu sviði, Dr. Konstantin Komaitis, til þess að vera aðalfyrirlesari námskeiðsins, sem er eingöngu ætlað sérfræðingum á sviði lénamála. Markmiðið með NIC-Norden fundunum er að auka við þekkingu þátttakenda og miðla reynslu milli skráningarstofanna á Norðurlöndunum. Fullbókað er á námskeiðið.
]]>Síðasta vetur voru t.a.m. BTM-námskeið (breytingar, tækifæri, markmið) Vinnumálastofnunar, sérhæfð internet-markaðsnámskeið Hjartar Smárasonar, vöru- og fjárfestingakynningar fjármálafyrirtækja og aðalfundir fyrirtækja í Höfðatorgi haldin í ISNIC-salnum. Útsýnið úr salnum er í senn mikilfenglegt og uppörvandi, enda salurinn í um 90 m. hæð yfir sjávarmáli. Pantið salinn tímalega í afgreiðslu ISNIC í s. 578 2030. Dagatal salarins og leiguverð er á salur.isnic.is
]]>Skráningararskírteini .is-léna geymir upplýsingar um rétthafa lénsins og tengiliði. Sé tengiliður hættur eða hann ófær um að gera nauðsynlegar breytingar á skráningu lénsins, þarf að fylla út viðeigandi eyðublað og senda það til ISNIC. Athugið að eingöngu tengiliður rétthafa getur skipt um rétthafa á léni, ekki starfsmenn ISNIC. Skírteinið má finna með því að rita nafn lénsins (t.d. dv.is) inn í Whois-leitargluggann.
Skipt um rétthafa léns: Fyrst þarf að skrá sig inn á viðeigandi NIC-auðkenni (notendanafni), sem finna má með því að skrifa nafn lénsins ásamt .is-endingunni inn í Whois-leitargluggann. Á þjónustuvef ISNIC (Mín síða) er smellt á liðinn "skipta um rétthafa" og í lokin þarf að staðfesta breytinguna með því að sinna tölvupósti sem berst frá ISNIC. Þetta er allt og sumt.
Þegar skipt er um rétthafa léns er spurt hvort nýi rétthafinn skuli einnig greiða árgjald lénsins. Ekki er hróflað við öðrum skráningarupplýsingum lénsins, s.s. tengiliðum eða hýsingu þess, heldur er þannig upplýsingum breytt undir liðunum "breyta lénaskráningu" eða liðnum "flytja hýsingu". Undir liðnum "Mín skráning" breyta innskráðir tengiliðir eigin upplýsingum s.s. netfangi og heimilisfangi. Aðrir liðir eru t.d. "Sjálfvirk endurnýjun og kortaupplýsingar" en alls hefur tengiliður rétthafa aðgang að 12 aðgerðarhnöppum á sinni síðu.
Rétthafar .is-léna eru hvattir til að kynna sér þjónustuvef ISNIC með því að skrá sig inn og yfirfara skráningu lénsins. Rétt skráð lén viðheldur trúverðugleika þess á Internetinu og byggir undir aukið traust í viðskiptum.
]]>Um 40% allra .is-léna eru skráð í sjálfvirka endurnýjun, en aðeins lén skráð á íslenska kennitölu eiga kost á að endurnýja .is-lén með greiðsluseðli. ISNIC stefnir að því að hætta útgáfu greiðsluseðla, enda er sú greiðsluleið tímafrekari og kostnaðarsamari fyrir báða aðila samanborið við sjálfvirka endurnýjun með greiðslukorti eða beingreiðslum.
Árgjald .is-léns hjá ISNIC er kr. 6.360 auk vsk. og hefur ekkert hækkað í 11 ár.
]]>Ekki þýðir að hafa samband við skrifstofu ISNIC og biðja um að lén verði tekið frá eða að ISNIC láti viðkomandi vita þegar því hefur verið eytt. Slík þjónusta er ekki fyrir hendi hjá ISNIC, enda myndi hún stangast á við þá staðla og þær vinnureglur sem ISNIC viðhefur og gera um leið að engu meginregluna: Fyrstur kemur fyrstur fær.
ISNIC er (frum)skráningarstofan og rekstraraðilinn (e. registry) fyrir höfuðlénið .is. Í þessu felst að öll .is-lén verða til og er stjórnað tæknilega í lénakerfi ISNIC sem samanstendur m.a. af DNS-kerfinu (e. Domanin Name System) og rétthafaskrá ISNIC. Ólíkt almennum þjónustuaðilum (e. registrars, líka oft nefndir "ISPar") getur ISNIC, stöðu sinnar vegna, ekki boðið upp á ýmsa þjónustu tengda lénum eins og t.d. að taka frá lén, hýsa vefsíður og tölvupóst o.fl. sem rekið er á léninu. Aðeins lénið sjálft og grunnvirkni þess á gjörvöllu internetinu er og verður í umsjón ISNIC.
]]>IP-tala er heimilisfang þitt á netinu, t.d. 193.4.58.17. DNS kerfið (e. Domain Name System) sér um að kortleggja nöfn (t.d. lén) og tengja saman vefföng og IP-tölur þannig að ef t.d. www.isnic.is er slegið inn í vafra, skilar DNS kerfið 193.4.58.17 og samskiptin fara af stað. Nútímanetþjónusta er þannig upp byggð að ef ákveðin þjónusta hefur bæði IPv4- og IPv6-vistföng, er IPv6-vistfangið valið til samskipta, hafi viðskiptavinurinn aðgang að IPv6-nettengingu.
Lausar IPv4-tölur eru nú af skornum skammti og hefur í raun öllum verið úthlutað (hver heimsálfa á þó enn einhver IP-net til að úthluta til sinna þegna) hins vegar er útgáfa IPv6-talna rétt að hefjast. Heildarfjöldi talna í IPv4-kerfinu er 256^4 (eða 2 í 32. veldi) en heildarfjöldi IPv6 talna er 256^16 (eða 2 í 128. veldi). Minnstu skilgreindu undirnet IPv6-neta eru með 64 bita í nethluta og því 64 bita til að númera hvert tæki s.s. tölvu, fax, síma, leiðsögutæki, o.fl. nettengd tæki. Þessi undirnet rúma því allt IPv4-internetið í öðru veldi.
ISNIC hefur notað IPv6 í alllangan tíma og DNS kerfið hefur svarað IPv6-fyrirspurnum lengi. Hægt er að skrá nafnaþjóna með IPv6 IP-tölum, þar sem vefur ISNIC og póstkerfi svara fyrirspurnum á IPv6 tölur.
Við hvetjum alla sem vettlingi geta valdið til að prófa IPv6 og bendum á www.worldipv6day.org fyrir frekari upplýsingar um IPv6-daginn. Einnig má fá upplýsingar um hvort búast megi við tengivandræðum á Internetinu vegna IPv6 prófunarinnar með því að skoða ipv6eyechart.ripe.net og test-ipv6.com.
]]>Sé lén með íslenskum stöfum skráð á sömu kennitölu og aðallénið reiknast sjálfkrafa 90% afsláttur af árgjaldi IDN-lénsins. Áframsendiþjónusta ISNIC er endurgjaldslaus - m.ö.o. hún er innifalin í árgjaldi lénsins.
]]>Hér er textinn við lagið sem við hæfi þykir að syngja í dag. Lagið gengur undir nafninu "internationallinn", stundum stytt í "nallinn".
Fram, þjáðir menn í þúsund löndum,
sem þekkið skortsins glímutök !
Nú bárur frelsis brotna á ströndum,
boða kúgun ragnarök.
Fúnar stoðir burtu vér brjótum,
Bræður! Fylkjum liði í dag!
Vér bárum fjötra, en brátt nú hljótum,
að byggja réttlátt þjóðfélag.
RFC114 inniheldur drögin að FTP staðlinum sem var gefinn út 16. apríl 1971. Höfundur þeirra er Abhay Bhushan. Endanleg skilgreining á FTP var síðan sett fram 1985 í RFC959 eftir Jon Postel og Joyce Reynolds. RFC959 er einnig birtur sem STD009 af IETF, þ.e.a.s. Internet Standard. Áhugasömum lesendum sem vilja kynna sér meira um sögu Internetsins er bent á vefina www.postel.org og www.livinginternet.com.
]]>
Skoðuð voru 6.102 íslensk lén sem vísa til jafnmargra vefsíðna og tölvupósts. Leitað var að vírusum (Malware), vefsíðum sem nýta sér vafraveikleika (browser exploits), ruslpósti (spamminess) og áhættusíðum sem eru reknar af vafasömum fyrirtækjum eða einstaklingum. Þá er svartími lénanna og villutíðni líka skoðaður. Svokölluð vegin villu- og áhættutíðini .is-lénsins mældist aðeins 0,2%, sem setur .is-lénið í 96. sæti af 102 prófuðum höfuðlénum í Evrópu, mið Asíu og Afríku. Lén nr. 102, með minnst af villum, er höfuðlén eyjunnar Guernsey (.gg) sem er skv. McAfee "besta og öruggasta" lén Evrópu. Á óvart kemur að .dk (Danmörk) nær næst-besta sætinu á Norðurlöndum en .fi (Finnland) er sísta lén Norðurlandanna með 100% meiri villutíðni en .is og í 23. sæti í Evrópu, mið Asíu og Afríku. Villutíðni .fi jókst um 41,5% milli ára.
Hættulegasta landalén Evrópu, mið Asíu og Afríku er .cm (Cameroon) en villutíðni þess reyndist 22,2%. Versta og hættulegasta landalén í heimi er hins vegar .vn (Víetnam) með 29,4% villu- og áhættutíðini. Athygli vekur að almenna lénið .com tekur nú 1. sætið á heimslistanum yfir hættulegustu lénin af .cm (Cameroon) sem vermdi 1. sætið í fyrra. Gríðarlegur fjöldi .com-léna, eða um þriðjungur (31.3%) þeirra léna sem prófuð voru (n.t.t. 948.995 lén af 15.530.183) reyndust innihalda villur eða áhættuþætti. Næst versta höfuðlén í heimi er .info - tiltölulega ungt höfuðlén (gTLD), sem átti að verða sérstaklega áreiðanlegt lén þegar það var kynnt til sögunnar. Það er vissulega áhyggjuefni fyrir Netið þegar svo stór hluti af lénum stærsta höfuðléns reynist innihalda villur, vírusa og aðrar hættur fyrir hinn venjulega notanda. Slíkt rýrir trúverðugleika Internetsins sem slíks og getur, ef ekki rétt á málum haldið, dregið úr viðskiptum á Internetinu. Ofangreint sýnir að stjórnun og rekstur höfuðléna (e. Top Level Domain) skiptir höfuðmáli fyrir gæði lénsins og trúverðugleika.
ISNIC hvetur áhugasama, s.s. stjórnvöld, til að kynna sér skýsluna rækilega. Auðvelt er að sækja hana á Google með því að skrifa "Mapping the Mal Web 2010" í leitargluggann og smella á "birta" sem PDF skráarsnið.
]]>Stofnun léns felur oft í sér hugmynd, áform, eða jafnvel fyrirheit um eitthvað sem koma skal. Aukningin í fjölda nýskráðra léna kann því að benda til aukinnar bjartsýni í þjóðfélaginu. Vonandi tekst vel til hjá þeim 672 .is-lénum sem stofnuð voru í febrúar.
]]>Hvað þýðir þetta?
Fyrir flesta einstaklinga þýðir þetta ekki neitt, allavega fyrst um sinn. Fyrir net- og tölvuþjónustuveitur er hins vegar kominn tími til að læra á IPv6 og að setja upp vefi og aðrar þjónustur þannig að IPv6 virki rétt fyrir þá sem heimsækja tölvukerfin. Að lokum kemur að því að einstakir notendur fá ekki IPv4 IP-tölur frá sínum netveitum og verða að nota IPv6 tölur. Þvi er ekki seinna vænna að byrja að kynna sér málin.
Íslenskir þjónustuaðilar sækja um IPv6 tölur til sinnar netveitu. Netveiturnar sækja til RIPE um úthlutun IPv6 talna.
]]>Það er afar mikilvægt atriði að auðvelt sé að finna út hver stendur að baki léni og hver ber þannig séð vissa ábyrgð á því efni sem það tengist á Veraldarvefnum, eða á efni sem sent er frá því með tölvupósti. ISNIC leggur mikla áherslu á að upplýsingar í Whois gagnagrunninum séu réttar á hverjum tíma. Þetta ásamt öðru stendur að baki miklum trúverðugleika .is-léna á heimsvísu skv. rannsóknarfyrirtækinu McAffe.
ISNIC hvetur rétthafa léna til að skrá sig inn á ISNIC.is (NIC-auðkennið kemur fram í skírteininu) og skoða liðinn "Mín skráning" á Minni síðu, og íslenska rétthafa sérstaklega til að haka við í reitinn "Heimilisfang uppfærist samkvæmt þjóðskrá" sem er neðst til hægri. Þeir sem gera það fá sérstaka staðfestingu í skráningarskírteini lénsins. Slík staðfesting eykur enn á traust lénsins, en skortur á trausti og trúverðugleika er helsti veikleiki Veraldarvefsins (www.)
]]>
Tryggvi Karl Eiríksson, stjórnarform. ISNIC
]]>
Öll .is-lén eru prófuð reglulega af ISNIC-kerfinu m.t.t. tæknilegrar uppsetningar. Öllum lénum sem ekki uppfylla nokkuð stífar kröfur ISNIC eru sendar ábendingar í tölvupósti og þeim lokað (þ.e.a.s. gerð tæknilega óvirk) eftir tilskilinn frest ef uppsetningin hefur ekki verið lagfærð. Sama gildir ef upplýsingar lénsins í rétthafaskrá ISNIC (Whois) eru ófullnægjandi. Þetta tvennt, þ.e. tæknileg uppsetning lénsins og réttar upplýsingar um rétthafa þess og tengiliði, eru meðal mikilvægustu atriðanna sem undirbyggja traust og áreiðanlegt lén.
ISNIC hvetur alla rétthafa til að uppfæra reglulega uppýsingar sínar í Whois-rétthafaskránni. Undir liðnum "mín skráning" geta tengiliðir valið að heimilisfang þeirra uppfærist sjálfkrafa miðað við Þjóðskrá og fyrirtækjaskrá. Þau lén sem þannig eru merkt fá sérstaka staðfestingu þar um í skráningarskírteini lénsins. Þess má geta í lokin að útgefendur SSL-öryggisskírteina reiða sig á rétthafaupplýsingar ISNIC. Öllum er heimilt að skoða skráningarskríteini allra .is-léna með því einfaldlega að skrá nafn lénsins inn í Whois-leitargluggann efst til hægri hér á forsíðu ISNIC.is
]]>Ýmsar mikilvægar breytingar voru gerðar á þjónustunni á árinu 2010 - sumar sýnilegar notendum en aðrar kerfislegar, en allar lúta þær að því að auka gæði og öryggi þjónustunnar. ISNIC flutti starfsemina á árinu úr Tæknigarði við Dunhaga, þar sem landslénið varð til fyrir tæpum 25 árum er fyrsta .is lénið, hi.is, var skráð, í Höfðaturninn við Borgartún. Hér er aðstaðan öll til fyrirmyndar og móttaka viðskiptavina eins og best verður á kosið.
.is-lénið hefur ár eftir ár mælst vera á meðal öruggustu og trúverðugustu léna heimsins og þrátt fyrir talsverða fjölgun, sérstaklega undanfarin þrjú ár, hefur tekist að viðhalda háu gæða- og þjónustustigi. Slíkt er ekki sjálfgefið.
Árið 2010 er metár í sögu ISNIC, aldrei áður hefur .is-lénum fjölgað eins mikið á einu ári. Skráð voru 7.157 ný lén á árinu og 2930 lén voru afskráð. Nettófjölgun léna var því um 4200 lén, sem gerir um 15% aukningu milli ára - heldur meira en 2009, sem einnig var metár hjá ISNIC. Niðurfelling stofngjaldsins 1. desember 2008, sem lækkaði skráningargjald lénsins um 36%, ásamt ýmsum öðrum breytingum sem auðvelda fólki að skrá lén sjálft, eru veigamestu ástæðurnar fyrir ágætri fjölgun léna undanfarin tvö ár í annars erfiðu árferði.
Stofnun léns er gjarnan upphafspunktur mikilla áforma hjá stofnanda þess. Áforma sem kunna að verða að blómstrandi starfsemi fyrr en varir. Það er von ISNIC að sem flest af þeim rúmlega sjö þúsunum lénum, sem stofnuð voru á árinu, muni þegar fram í sækir uppfylla væntingar rétthafanna landi og þjóð til gagns. Upplýsingar um fjölgun og eyðingu léna má sjá undir liðnum "Lén/Tölulegar upplýsingar" hér á vinstri hönd.
Gleðilegt ár
Starfsfólk og stjórn ISNIC
]]>Bilunarinnar varð fyrst vart um kl. 15:32 og viðgerð lauk um kl. 16:30.
Bilun þessa má skoða sem síðbúin eftirköst flutnings ISNIC úr Tæknigarði í Höfðatorg í mars sl. sem enn er ekki að fullu lokið.
Internet á Íslandi biðst velvirðingar á þeim óþægindum sem viðskiptavinir kunna að hafa orðið fyrir vegna þessa, en tekið skal fram að engin truflun varð á svörun .is-léna vegna bilunarinnar.
]]>Þegar deilt er um réttinn til ákveðins léns getur komið upp sú staða að yfirvöld þurfi að skera úr um hvor deiluaðila skuli hljóta þann rétt. Slíkur ferill tekur all langan tíma og því kann að vera nauðsynlegt að hægt sé að koma í veg fyrir að lénið sem í hlut á sé umskráð á þriðja aðila meðan beðið er úrskurðar.
ISNIC hefur nú bætt við nýjum þjónustulið í skráningarkerfi .is-léna, sem gefur möguleika á að læsa rétthafaupplýsingum léns meðan á kæruferli stendur (e. registry-lock/dispute-lock) án þess að skerða aðra þjónustu við lénið á meðan á læsingu stendur.
Sá sem fer fram á læsingu léns (læsingarbeiðandi) þarf að greiða læsingargjald og senda inn staðfestar upplýsingar um framlagða kæru, áður en beiðnin er tekin fyrir og eftir atvikum samþykkt af ISNIC. Sá rétthafi sem fyrir læsingu léns verður (læsingarþoli) er eðli málsins samkvæmt fyrst látinn vita af læsingu lénsins eftir að því hefur verið læst. Vinni læsingarbeiðandi málið flyst rétturinn til lénsins sjálfkrafa til hans við innsetningu úrskurðarins hjá ISNIC. Tapi hann hins vegar málinu afléttist læsingin.
Eftirfarandi breytingar á skráningarreglum ISNIC hafa verið sendar á póstlista ISNIC. Ein mjög góð ábending hefur þegar borist og verið tekin til greina. Neðangreindar reglur um læsingu léna taka gildi ásamt þjónustunni sjálfri þann 6. janúar 2011. Ábendingar um reglurnar og nýju þjónustuna eru vel þegnar.
Við 1. grein bætist skilgreining
1.1.17 Læst lén
Rétthafa léna sem merkt eru læst í rétthafaskrá ISNIC er ekki hægt að breyta á meðan á læsingu stendur.
Við bætist ný grein nr. 12:
12. Læsing léna
12.1 Aðilar að ágreinismáli um lén, sem þegar er skráð hjá ISNIC, geta að ákveðnum skilyrðum uppfylltum (sjá 12.4) farið fram á að ISNIC læsi rétthafaupplýsingum léns sem deilt er um. Sá sem fer fram á læsingu er læsingarbeiðandi og sá sem sæta þarf læsingu er læsingarþoli.
12.2 Læst lén heldur tæknilegri virkni sinni, en ekki er hægt að skipta um rétthafa þess. Mögulegt er að flytja læst lén milli vistunaraðila, skipta um greiðanda og skipta um tæknilegan tengilið.
12.3 Læsingarbeiðandi skráir læsingabeiðni rafrænt hjá ISNIC og greiðir læsingargjald skv. gjaldskrá ISNIC hverju sinni. Samhliða slíkri beiðni þarf að leggja fram afrit af framlögðum kærugögnum til þartilbærs aðila (sjá 12.4).
12.4 ISNIC tekur til greina beiðni um læsingu léns, sé hún studd gögnum um framlagningu kæru fyrir
a) íslenskum dómstólum
b) neytendastofu
c) úrskurðarnefnd ISNIC
d) öðrum aðila, sem á hverjum tíma telst bær til að úrskurða í viðkomandi máli.
12.5 Læsing léns gildir í 6 mánuði, en fæst framlengd einu sinni til 6 mánaða án nýrrar umsóknar liggi þá fyrir gögn um að mál sé til meðferðar og að niðurstöðu sé að vænta innan 6 mánaða. Sé deila enn óleyst að tólf mánuðum liðnum þarf læsingarbeiðandi að sækja aftur um læsingu á léninu og leggja fram ný gögn sem sýna að deilan sé enn til formlegrar meðferðar hjá þartilbærum aðila.
12.6 Læst lén er umskráð á læsingabeiðanda ef
a) læsingarþoli samþykkir að afskrá lénið,
b) læsingarþoli verður ekki við úrskurði eða dómi um að afskrá lénið eða umskrá það á læsingarbeiðanda.
12.7 Lén sem skráð er á læsingarbeiðanda í framhaldi af dómi eða úrskurði, telst nýskráð frá þeim degi sem dómnum eða úrskurðinum er framfylgt hjá ISNIC.
12.8 Náist sættir milli aðila meðan á læsingu léns stendur, skráir læsingarbeiðandi það rafrænt hjá ISNIC og lýkur þar með læsingu þess sjálfkrafa. Læsingargjald er ekki endurgreitt.
Skrifstofa ISNIC og símsvörun verður opin á Þorláksmessu, en lokuð á aðfangadag jóla og á gamlársdag. Bakvakt ISNIC verður á sínum stað eins og endranær. Skrifstofan opnar aftur kl. 09 mánudaginn 27.12.
7.065 ný .is-lén hafa verið skráð á árinu 2010, sem stefnir í að verða jafn gott og árið 2009 er 7.084 ný lén voru skráð. Heildarfjöldi virkra .is-léna er nú 31.691, en uppfærður fjöldi er birtur reglulega efst til vinstri hér á forsíðu ISNIC.is.
]]>Ekki eru það bara börnin sem verða fyrir aðkasti á netinu og öllum mikilvægt að vafra um netið á ábyrgan hátt og því gildir að muna að það sem þú gerir og segir á netinu getur verið skráð í fjölmörgum vefþjónum út um allann heim og oft eru gögn sem sett eru fram í mesta sakleysi notuð af aðilum sem ekki hafa rétt til þess. Einnig þarf að lesa skilmála þar sem þú skilur eftir þig gögn, því þeir gefa oft þeirri veitu ótakmarkaðan rétt til að nota gögnin – fá loforð eru gefin um að gera það ekki. Slóð þín á netinu er því eins og fingrafar, notkun vafra er eins og stimpill um þig – og margir vefir geta notað þitt fingrafar, oft í saklausum tilgangi og til þæginda, stundum til að birta þér auglýsingar sem henta þér betur en stundum í neikvæðum og óæskilegum tilgangi.
Fólk sem notar vefinn ætti einnig að kynna sér góð og gömul skrif um stafræna hegðun, svokallaða Netiquette bók eftir Virgina Shea. Þótt ekki sé fjallað um það allra nýjasta, gilda reglur um framkomu og framsetningu yfir það sem fólk gerir á netinu í dag.
Áður fyrr notuðu menn ógagnvirka vefi, spjallborð (t.d. news) og tölvupóst. Í dag nota menn þennan og hinn samskiptavefinn, fólk skilur eftir myndir og myndbönd hér og þar og getur spjallað við fólk yfir vef/vafra, smáskilaboðakerfi (IM), beint yfir samskiptavefi, með símtölum (t.d. Skype og líkum hugbúnaði), IRC virkar ennþá og sumir spjalla beint gegnum tölvuleikina sína. Flestir einstaklingar og fyrirtæki nota þó ennþá mest vef og tölvupóst. Við viljum því leggja ríka áherslu á að fólk vandi sig og geri sitt til að fræða eða fræðast um notkun þessara hluta til að forða sér og öðrum frá allskonar vandamálum sem mis-notkun þeirra getur skapað.
Við sjáum því miður oft tölvuskeyti með óæskilegt innihald – allt frá spam pósti og vírusum, í persónuleg svör þar sem fólk missir stjórn á sköpunargáfu sinni og sendi flottu tölvupóstana með risastórum myndum í stafrænni undirskrift. Þessi mál get því undið upp á sig, þar sem e-h hefði getað tekið stuttan tíma og verið skýrt, er umvafið málaflutning eða gagnamagni sem engin þörf var á. Sama kemur fyrir þegar samskiptavefir eru notaðir af aðilum sem verkfæri til að fremja heimskupör eða verra, fólk á það til að missa stjórn á sér.
Sérstaklega áhugavert er að lesa ofangreint rit – og leggja á minnið að þú sérð ekki hinn aðilann og átt það til að lesa ranglega í textann – og hinn aðilinn upplifir alveg það sama – því ber að gæta þess að innihaldið sem skrifað er sé skýrt og jafnvel hnitmiðað og að forðast langlokur.
Annars er okkar ósk að notendur internetsins getið notið þess með okkur og átt þar góðar stundir.
]]>ISNIC ber ekki ábyrgð á efnislegri notkun rétthafans á léninu, þ.e. hvorki hvað varðar innihald tölvupósts sem sendur er frá netfangi lénsins, t.d. wikileaks@wikileaks.is, né heldur á vefsíðum sem birtast undir veffangi þess á Internetinu, þ.e. www.wikileaks.is. Lénið var skráð 7. júlí 2010 og hefur verið virkt síðan. Það er beinlínis heilög skylda ISNIC að halda .is-lénum opnum og aðgengilegum út um allan heim og á öllum tímum. Aðeins lögregluyfirvöld með fulltingi íslenskra dómstóla geta fyrirskipað ISNIC að loka léni. Slíkt hefur eins og áður sagði ekki gerst í hartnær 25 ára sögu .is.
Rétthafar .is-léna vita margir að ISNIC-kerfið lokar hins vegar reglulega lénum af tveimur annarskonar ástæðum, en þá aðeins eftir ítrekaðar aðvaranir um úrbætur til rétthafans. ISNIC-kerfið, sem er að mestu leiti sjálfvirkt hvað lokanir léna varðar, gerir lén óvirkt í tvennskonar tilvikum: Annars vegar ef árgjald lénsins hefur ekki verið greitt og hins vegar ef aðvörunum um úrbætur á skráningu lénsins í rétthafaskrá og á nafnaþjónum hefur ekki verið sinnt. Reglur ISNIC um tæknilega virkni eru strangar og ISNIC sem slíkt illsveigjanlegt, en á þessari staðreynd byggist hátt öryggis- og þjónustustig .is léna. Ef árgjald wikileaks.is yrði ekki greitt, eða skráning þess uppfyllti ekki lengur reglur ISNIC, þá myndi ISNIC loka léninu - annars ekki.
]]>ISNIC leggur áherslu á að nýju lögin fjalli fyrst og fremst um vernd rétthafa léna og sjálfstæði lénsins sem heimilisfangs á Internetinu, en setji starfseminni og rétthöfum léna ekki óþarfa skorður, sem hefti framþróun á innlenda hluta Internetsins.
Þá er ISNIC þeirrar skoðunar að efni sem geymt er á vefsíðum komi léninu sem slíku ekki við. Lén eru fyrst og fremst órjúfanlegur hluti netfanga, veffanga og annarra heimilisfanga á Netinu. Lén sem slík hafa ekki efnislegt innihald, þótt þau kunni að vera gerð úr skiljanlegum orðum.
ISNIC bendir ráðuneytinu og öðrum stjórnvöldum á nýfallinn dóm stjórnlagadómstóls Frakklands um frönsku lénalögin, en hluti þeirra var dæmdur ólöglegur þar sem ákveðnar greinar samrýmast ekki mannréttindaákvæði frönsku stjórnarskrárinnar um tjáningar- og atvinnufrelsið. Segja má að franska stjórnarskráin sé móðir allra stjórnarskráa. Þ.a.l. hafa dómar franska stjórnlagadómstólsins áhrif um alla Evrópu. Lesið frétt um málið hjá AFNIC, systurfyrirtæki ISNIC í Frakklandi.
]]>Skýrslan sýnir annars mjög dökka mynd af ástandi sumra höfuðléna og yfir 100% aukningu á heildarfjölda óöruggra (e. risky) léna í heiminum. Sem fyrr er ástandið langverst í Asíu og borgin Shaoxing í Kína er tiltluð sem vírus-höfuðborg heimsins. Kínverjar hafa þó tekið myndarlega til í hjá sér undanfarið og á nokkurra mánaða tímabili á síðasta ári eyddu þeir um 5,7 milljónum .cn-lénum, eða um 78% af öllu .cn-svæðinu!
Í Evrópu er ástandið verst í Rúmeníu (.ro) en um 21% líkur eru á því að lenda á sýktu léni á .ro-svæðinu. Það er því best að opna síður tölvupóst eða vef undir þessum lénum nema vita örugglega hvað stendur að baki.
Heimildir: McAfee, Wikipedia og CENTR
]]>Ein af meginreglunum við skráningu léns er að skrá lénið "í góðri trú". Í henni felst að skrá síður lén sem er mjög líkt eða alveg eins og þekkt innlent eða erlent heiti/vörumerki - og sérstaklega ekki ef starfsemin sem léninu er ætlað að fóðra er eins og starfsemin í tilviki samsvarandi þekkts vörumerkis eða heitis. Slíkt gæti dómstóll skilgreint sem "Typo-squatting" (typo-domain, villulén) eða "Cybersquating" (þjófalén) og gengur gegn fyrrgreindri reglu um að skrá lén í góðri trú.
Maður að nafni John Zuccarini, þekktur bandarískur klámkóngur, nýtur þess vafasama heiðurs að vera fyrsti einstaklingurinn sem er dæmdur sekur samkvæmt nýlegum almennum lögum (Civil-law) í Bandaríkjunum sem banna "typosquatting" (banna skráningu villandi léna). Zuccarini skráði nokkur "villulén" (e. typo-domains) sem líktust nöfnum frægs fólks á við leikkonunnar Nicole Kidman, bræðranna í Backstreet Boys og söngkonunnar Britney Spears. Sannað þótti að herra Zuccarini hefði skráð lénin í þeim tilgangi einum að plata fólk inn á klámvefi sína og hagnast þannig á frægð listamannanna. Fyrir það var hann dæmdur af hverfisdómstól suðurhluta New York árið 2000. Áfrýjanir Zuccarini hafa enn engan árangur borið. Heimild: www.wiredsafety.org
Hátt öryggi og mikill trúverðugleiki .IS léna felst m.a. í mjög lágu hlutfalli villuléna á .IS-lénasvæðinu.
]]>Ástæða þessa er sú að ekki er hægt að sækja um lén hjá ISNIC í venjulegum skilningi, heldur fá viðskiptamenn aðgang að vefþjónustu ISNIC hvar þeir sjálfir skrá lénið á eigin ábyrgð. Þess vegna er ekki heldur rétt að tala um að "ISNIC úthluti lénum", né heldur að "sækja um lén" í venjulegum skilningi því það er ekkert "umsóknareyðublað" eða "umsóknarform" til.
Allir standa jafnt að vígi við skráningu .is-léna og upplýsingar um nýlega afskráð lén myndu fyrr eða síðar setja þá stöðu í uppnám. Eina leiðin til að athuga hvort eitthvert .is-lén er til, eða óskráð, er að nota "Who-is" leitargluggann efst til hægri hér á vef ISNIC og víðar.
]]>Skráðu þig núna og náðu árangri á Internetinu
Isnic-salurinn er í húsnæði ISNIC á 17. hæðinni í nýja skrifstofuturninum við Höfðatorg steinssnar frá Hlemmi. Hann stendur fyrirlesurum, ráðgjöfum og öðrum sem bjóða upp á internet-tengt kennsluefni til boða gegn vægu gjaldi. Önnur bókuð námskeið eru "Google-Apps" á vegum Atmos.is og MTB (Menntun, tækifæri, breytingar), sem Jón Bjarni Bjarnason markþjálfi heldur í samstarfi við Vinnumálastofnun í ISNIC-salnum á komandi vetri.
]]>Tæknilegu upplýsingarnar eru alfarið rafrænar, svokallaðar DNS (Domain Name System) færslur eða skráningar. Þær segja tölvukerfum internetþjónustuaðila um víða veröld til um hvar viðkomandi .is-lén er vistað, þ.e. þær gefa nauðsynlegar upplýsingar um nafnaþjóna lénsins og aðrar tæknilegar skráningar svo finna megi lénið á gjörvöllu Internetinu. Ef upplýsingar þessar berast ekki frá ISNIC (t.d. ef ISNIC lokar léni) hættir öll starfsemi á léninu, s.s. tölvupóstur og vefur, að virka.
Þetta er í hnotskurn það sem ISNIC gerir varðandi nafnaþjónustu .IS-léna. Önnur starfsemi ISNIC er rix.is, modernus.is og almenn upplýsingagjöf til notenda Internetsins, sem er talsvert umfangsmikil. Þá rekur ISNIC eiginn kennslusal, sem stendur fyrirlesurum og kennurum sem sérhæfa sig í internettengdum efnum til boða gegn vægu gjaldi.
]]>Innkeyrslan í bílakjallarann er að austanverðu, framan við aðalinngang Höfðaturnsins. Turnlyfturnar eru þar sem merkt er "TURN". Bílastæðin eru endurgjaldslaus fyrir viðskiptavini ISNIC.
]]>Áframsending veffangs (e. web forwarding) hjá ISNIC er takmörkuð "redirect" þjónusta og sem slík innifalin í árgjaldi lénsins. Þjónustan hentar einnig vel fyrir þá sem vilja vísa aukalénum á einn og sama vefinn, t.d. lén með séríslenskum stöfum (svokölluð IDN lén).
Gangi ykkur vel í sumar - ISNIC
]]>Tæknimenn Internets á Íslandi hf. reyna eins og unnt er að velja dag eins og þennan (Hvítasunnudag) þegar internetnotkun landsmanna er í lágmarki, til þess að framkvæma viðkvæmar breytingar, sem gætu orsakað truflanir á þjónustu ISNIC.
Atmos heldur Google Apps námskeið fyrir eintaklinga og fyrirtæki í ISNIC-salnum á 17. hæðinni í Höfðaturni í apríl og maí sem hér segir:
Skráning og nánari upplýsingar á: Atmos.is
]]>Salarleiga: Fullt verð fyrir staka daga í salnum er kr. 25.000 með kaffi. Fyrir hádegi kostar kr. 10.000 og e.h. kr. 15.000. Veittur er 50% aflsláttur, ef nokkrir dagar eru bókaðir í einu. Samtök og einstaklingar fá sérkjör.
Námskeiðið "BTM" (breyting, tækifæri, menntun) sem Jón Bjarni Bjarnason ráðgjafi stendur að í samvinnu við Vinnumálastofnun, fer fram í ISNIC-salnum f.h. daglega. Þar fá atvinnuleitandi góð ráð sem reynst hafa mörgum vel. Þátttakendur í fyrstu námskeiðsvikunni létu mjög vel að aðstöðunni, enda útsýnið óviðjafnanlegt!
Kynningin er öllum opin svo lengi sem húsrúm leyfir. Í leiðinni gefst tækifæri á að skoða nýjar höfuðstöðvar Internets á Íslandi hf. og njóta um leið útsýnisins af 17. hæðinni, sem er óviðjafnanlegt!
]]>ISNIC-skólinn er öðrum þræði hugsaður sem framlag ISNIC til Internetsamfélagsins, með vöxt og viðgang þess í huga. Námskeiðin, og stundatafla skólans, verða auglýst síðar hér á ISNIC-vefnum.
]]>Skrifstofan opnar á ný mánudaginn 8. mars. Starfsmenn kveðja Tæknigarð með trega eftir rúmlega 20 ára farsælt tímabil.
]]>Þarna má einnig finna myndband um hvernig DNS kerfið virkar. Starfsemi ISNIC er að finna á sama stað og "nafnaþjónar .EU" í myndbandinu. ISNIC sér m.a. um reksturinn á höfuðléninu .IS og nafnaþjónum þess.
]]>Innheimta ISNIC hvetur rétthafa léna til nýta sér sjálfvirka endurnýjun, sem finna má á vefsvæði notenda e. innskráningu. Sjálfvirk endurnýjun minnkar líkurnar á lokun lénsins vegna greiðslufalls, og þar með eyðingu þess eftir 60 daga, um leið og þjónustan sparar mikla vinnu við umsýslu og greiðslu reikninga. Notkun greiðslukorta er mjög örugg á vef ISNIC.
]]>Starfsmenn og stjórn ISNIC óska viðskiptamönnum nær og fjær gleðilegs nýs árs með þökkum fyrir liðin ár.
]]>ISNIC óskar viðskiptamönnum nær og fjær gleðilegra jóla.
]]>Hér eru nokkur heilræði sem gott er að hafa í huga við skráningu léns:
1. Ekki skrá vörumerki í eigu þriðja aðila (ef vafi er fyrir hendi, skoðið þá els.is eins og bent er á í skráningarferlinu).
2. Ekki skrá nöfn þekktra einstaklinga (fræga fólksins) þau eru oft skráð sem vörumerki.
3. Ekki skrá nöfn tímarita, heiti kvikmynda, bókatitla og síður nöfn bæja, borga eða staða.
4. Ekki skrá nöfn opinberra aðila s.s. ráðuneyta, sjúkrahúsa, orkuveitna o.s.frv.
5. Ef þú ert með hugmynd að góðu léni, þá haltu henni leyndri og skráðu lénið fljótlega. Oft kemur fyrir að þegar skrá á nýtt lén hefur einhver tengdur viðkomandi skráð það skömmu áður.
Munið að skráning .IS-léna er öllum opin og hindrunarlaus. Hún er á ábyrgð þess sem skráir lénið. Gott lén er gulli betra og oft eru bestu lénin ný orð eins og t.d. eitt dýrasta lén heims: google.is
]]>Lénaskráningar tóku kipp 1. desember 2008 þegar stofngjaldið var fellt niður og kostnaður við nýskráningu .IS-léna lækkaði um 36% í krónum talið. Starfsmenn ISNIC hafa sl. þrjú ár gert margar mikilvægar breytingar á þjónustu og innra notendaviðmóti, sem hafa haft jávæð áhrif á fjölgun léna. Á nýju ári opnar ISNIC nýjan vef með mörgum áhugaverðum nýungum.
]]>Löndin sem sótt geta nú um IDN-þjóðarlén eru t.a.m. Grikkland, Kína, Rússland, Ísrael og ýmis arabalönd. Hægt verður að stofna rótarlén (.xx) á ritmáli viðkomandi lands og þá verður mögulegt að skrifa bæði nafn lénsins og rótarlénis með kínversku letri, svo dæmi sé tekið, í stað þess að nota eingöngu enska stafi eins og .cn fyrir kínversk lén.
Framtíðin leiðir svo í ljós hvort markaðurinn vill breytinguna og víst er hún mun taka mörg ár - takist hún á annað borð. Þess má geta að ISNIC hefur boðið upp á séríslensk IDN-lén um all langt skeið og veitir 90% afslátt af árgjaldi þeirra eigi sami aðili samsvarandi lén án séríslenskra stafa. Dæmi um þekkt íslensk IDN lén eru t.d. alþingi.is, vísir.is, morgunblaðið.is og já.is.
]]>Punktur-IS-lén eru aðeins 26.674 þegar þetta er skrifað, en hefur fjölgað um rúm 100% þremur árum. Nýliðinn septembermánuður var sá stærsti sögu ISNIC en þá voru nýskráð 779 .is-lén móti 440 lénum í september 2008.
]]>Rétthafar léna eru hvattir til að skoða skráningu lénsins með því að rita nafn þess (með .is endingunni) inn í Whois leitargluggann efst til hægri hér á forsíðu ISNIC vefjarins og smella á "Áfram".
]]>Fjölgun léna, ásamt aukinni skilvirkni hjá ISNIC, hefur hingað til staðið undir kostnaðarhækkunum. Ekki stendur til að hækka árgjaldið og því leitar ISNIC sífellt leiða til að auka skilvirkni enn meir og spara kostnað. Sjálfvirk endurnýjun árgjaldsins minnkar líkurnar á því að lénið lokist vegna vanskila, eða vegna þess að greiðsluseðillinn berst ekki réttum aðila.
Skoðið skráningu lénsins með því að rita nafn þess í Whois-leitargluggann efst til hægri og leiðréttið skráninguna ef þurfa þykir. "NIC-auðkennið" er notendanafn lésins í ISNIC-kerfinu. Smellið á "týnt lykilorð" (efst) og fylgið leiðbeiningunum á skjánum ef lykilorðið er glatað.
]]>Þetta samband var útfært sem IP yfir X.25 yfir gervihnött. Á þessum tíma voru engir sæstrengir til Íslands, og eina leiðin til gagnasamskipta við útlönd var að nota X.25 samskiptaaðferðina sem ríkissímafélög þess tíma buðu upp á. X.25 samskiptaaðferðin hentaði afspyrnuilla til að flytja IP umferð og burðargeta þessa sambands mældist milli 300 og 1200 bitar á sek. - í dag mælum við sambönd í milljónum og miljörðum bita á sekúndu.
Fyrir 20 árum opnaði þetta samband þó notendum nýjar víddir í tölvusamskiptum við útlönd. Samband landsins við Internet hafði verið óbeint fram að þessu (með tölvupósti og Usenet) og nú bættust við skjásamskipti (telnet) og beinn skráaflutningur (FTP).
IP/X25 sambandinu var haldið úti í nákvæmlega eitt ár, en þá fékkst loks föst 9600 bita leigulína frá Tæknigarði til Stokkhólms, og Internetvæðing landsins var hafinn fyrir alvöru.
MÓ
Sjá yfirlit yfir sögu Internet á Íslandi hf. og yfir sögu NORDUnet.
]]>Nú geta rétthafar .IS-léna valið að framsenda veffang lénsins á ákveðna vefslóð (vefsíðu) með því einu að smella á hnappinn "Áframsending veffangs" (sjá Mín síða eftir innskráningu) og skrifa slóðina (URL) sem framsenda skal á í þar til gerðan glugga. Einnig má setja inn IP tölu vefþjóns, með þeim fyrirvara að réttur vefur birtist, t.d. gæti þurft að skrá í vefþjón Host Header (IIS) eða Virtual Host (Apache). Einnig er boðið upp á að setja inn upplýsingar um hvert beina skuli tölvupósti lénsins (einungis eitt nafn póstþjóns).
Nýja þjónustan er lágmarksvefþjónusta á vegum ISNIC. Með henni vill ISNIC leggja sitt af mörkum til að koma lénum af biðsvæði ISNIC í virka notkun, koma .is-lénum sem vistuð eru erlendis heim og gera bloggurum og öðrum virkum aðilum á veraldarvefnum, sem ekki reka eigin vef enn sem komið er, kleift að nýta lénin sín með einföldum hætti. Bloggarar, svo dæmi sé tekið, ættu að kætast yfir nýju þjónustunni hjá ISNIC.
Áframsendiþjónusta ISNIC er endurgjaldslaus uns annað verður ákveðið.
]]>ISNIC hefur einnig nýlega undirritað samning við ISC (Internet Systems Consortium) í Kaliforníu um aðgang að þeirra fjölvarpskerfi (SNS@ISC). Þetta kerfi kemur í stað nafnaþjóns ISC í Norður Ameríku sem þjónað hefur .IS um árabil.
Þessar breytingar þýða að uppflettingum í tilvísunarfærslur .is léna er nú svarað út um allan heim á enn hraðari og öruggari hátt en áður. IP fjölvarp virkar í raun þannig að sama IP talan er sett upp á mörgum stöðum, og tengist hver notandi þeirri IP tölu sem er næst (netlega séð) og sækir þangað þjónustu, í þessu tilfelli uppflettingu á tilvísunarfærslum .is léna. Annar mikilvægur kostur við uppsetningu af þessu tagi er að örðugra verður en áður að stöðva svörun .is nafnaþjónanna með dreifðum álagsárásum.
Sjá einnig RFC3258 - Distributing Authoritative Name Servers via Shared Unicast Addresses og einnig upprunalegu skilgreininguna í RFC1546 - Host Anycasting Service
]]>Skrifstofa ISNIC er lokuð á sumardaginn fyrsta. Takk fyrir veturinn og gleðilegt sumar :)
Starfsfólk ISNIC
]]>ISNIC hefur gert nokkrar mikilvægar breytingar undanfarið ár, sem allar miða að því að auðvelda almenningi og fyrirtækjum að skrá .is lén. Mikilvægust þeirra er án efa niðurfelling stofngjaldsins 1. desember sl. sem lækkaði kostnaðinn við stofnun .is léna úr kr. 12.450 í kr. 7.918, sem er árgjald .is-léns. Fjölgunin stendur reyndar ekki undir lækkuninni til skamms tíma, en gerir það ef til lengri tíma er litið.
]]>Starfsfólk ISNIC
]]>Til að fræðast nánar um tilurð Netsins og þróunina fram til þess, sem við í dag köllum "Internetið", má nota leitarorðin ARPANET, USENET, BITNET og til að fá söguna nær okkur má leita að upplýsingum um EUnet og NORDUnet (t.d. sögu netsins á norðurlöndum). Þróun og tilurð Veraldarvefsins fæst svo með því að fletta upp CERN og höfundum Tim Berners-Lee og Robert Caillau.
ISNIC sér um skráningu .is-léna og rekstur nafnaþjóna (DNS) fyrir rótarlénið .IS DNS kerfið í núverandi mynd byggir á staðlinum RFC1033, sem upphaflega var gefinn út í nóvember 1987. Síðan hafa auðvitað orðið breytingar sem lýst er í síðari RFC útgáfum.
ISNIC
]]>Það er á allra færi að skrá lén og misskilningur að til þess þurfi tæknimann eða sérstaka kunnáttu. Lestrarkunnáttan nægir. Við skráningu á léni er einfaldast og fljótlegast að greiða með kreditkorti. Sé það gert er lénið skráð í sjálfvirka endurnýjun að ári, nema slíkt sé afþakkað (afhakað).
Greiðslukerfi léna er algerlega rafrænt. Fyrir kemur að lén lokist vegna greiðslufalls, sem orsakast oftast af því að greiðandinn er rangt skráður upphaflega (af þeim sem skráði lénið) eða vegna þess að greiðsluseðillinn hefur týnst í pósti. Sjálfvirk endurnýjun léna hindrar þetta. Þegar kerfi ISNIC lokar léni hættir vefurinn og tölvupósturinn að virka með tilheyrandi óþægindum. Þetta vill ISNIC hindra og mælir því með því að lénið sé skráð í "sjálfvirka endurnýjun". Sjá nánar á Mín síða eftir innskráningu.
]]>Finnist lénið ekki í Whois, er það ekki til og því laust til skráningar. Eina leiðin til að tryggja sér lén sem ekki er til, er að skrá það. ISNIC má aldrei taka frá lén, né heldur skrá lén fyrir þriðja aðila.
ISNIC
]]>ISNIC býst við að verðlækkunin skili sér stórauknum fjölda .is-léna á árinu 2009.
Fjöldi léna í biðröð segir til um hversu mörg .is-lén eru í farvatninu á hverjum tíma. Fjöldinn er 27 þegar þetta er skrifað, sem er yfir meðallagi. Á árinu 2008 fjölgaði .IS lénum um hartnær 5.000 lén, eða rúmlega 20 ný lén á hverjum virkum degi. Hægt er að skrá lén allan sólarhringinn hér á vef ISNIC sé greitt með greiðslukorti.
ISNIC - Internet á Íslandi hf.
]]>Niðurfelling stofngjaldsins 1. desember sl. hefur skilað sér í auknum fjölda nýskráninga léna - og sérstaklega léna í eigu einstaklinga. Áberandi eru nýskráningar í fjölskyldulénum, eins og t.d. Siemsen.is sem skráð var í dag.
Starfsfólk ISNIC óskar landsmönnum gleðilegra jóla og farsældar á nýju ári með þökkum fyrir viðskiptin á gamla árinu.
]]>Stofngjald léna, kr. 4.532, hefur verið fellt niður. Kostnaður við stofnun .is léns verður aðeins fyrsta árgjaldið kr. 7.918.- í stað kr. 12.450.- áður. Lækkunin nemur 36,4%.
Árgjald léna sem innihalda séríslenska stafi (IDN lén) er kr. 792 og helst óbreytt þegar sami innlendi aðili á samsvarandi stofnlén (venjulegt lén) en 50% afsláttur IDN léna til þeirra sem ekki eiga stofnlénið fyrir fellur niður. Eftir sem áður er enginn afsláttur veittur af IDN lénum til erlendra aðila.
Árgjald .is-léna hefur ekki breyst frá árinu 2000. Árgjald léna verður því óbreytt kr 7.918. Fjölgun .is léna, sérstaklega undanfarið ár, gerir ISNIC kleift að lækka verðskrána þrátt fyrir mjög aukinn kostnað. ISNIC vonar að niðurfelling stofngjaldsins skili sér í enn meiri fjölgun léna.
Samfara breytingunni hefur ISNIC birt sérstaka verðskrá í evrum (EUR) og hafið útgáfu reikninga í evrum fyrir erlenda greiðendur. Erlenda verðskráin er ótengd íslensku verðskránni. Þetta er nauðsynlegt vegna mikillar óvissu og tíðra breytinga í gengi íslensku krónunnar. Þannig hefur verð .is léna lækkað úr rúmum 80 evrum í 39 evrur undanfarna þrjá mánuði. Verð .is léna í evrum hefur nú verið sett fast í 39,0 EUR og er án VSK. Heimilisfang (land) greiðanda lénsins ræður því hvort reikningur er gerður í ISK eða EUR og hvort hann er með eða án 24,5% virðisaukaskatti.
Í tilefni dagsins: Ísland varð fullvalda og sjálfstætt ríki 1. desember 1918 en heyrði eftir sem áður undir sama konung og Danmörk til 17. júní 1944 er lýðveldið Ísland var stofnað. ISNIC óskar landsmönnum til hamingju með 90 ára afmæli fullveldisins.
]]>Tæknideild Internet á Íslandi
]]>Kerfisstjóri
]]>Tæknigarður, tilurð ISNIC, og tilurð Internetsins sem slíks á Íslandi er samofin. Internet á Íslandi hf. (ISNIC) var stofnað 1995 til að halda utan um reksturinn á íslenska hluta Internetsins (ISnet).
ISNIC var reist á grunni tveggja félagasamtaka; SURIS (Samtök um upplýsinganet rannsóknaraðila á Íslandi) og ICEUUG (Icelandic Unix Users Group) sem höfðu rekið ISnet frá því það var sett á laggirnar 1986.
Fyrsta nettengingin var við evrópska EUnet-netið að tilstuðlan starfsmanna Háskóla Íslands og Hafrannsóknarstofnunar. Fyrstu .is-lénin voru hafro.is, hi.is og os.is (Orkustofnun). Fyrstu starfsmenn ISNIC voru Helgi Jónsson rafeindavirki, sem einnig var framkvæmdastjóri félagsins til ársins 2007, og Maríus Ólafsson MSc. stærðfr., sem er net- og gæðastjóri ISNIC. ISNIC var fyrsti íslenski aðilinn sem gerðist félagi í RIPE (Samtökum netþjónustuaðila í Evrópu) og fékk fyrst íslenskra aðila úthlutað IP-tölu (130.208.0.0/16) og AS-númerinu (Autonomous System Number) 1850.
Þá tók ISNIC við stjórn þjóðarlénsins (ccTLD) .is, sem IANA (Internet Assigned Numbers Authority) hafði falið SURIS þegar árið 1988. Svona varð innlendi hluti Internetsins, sem nú er tuttugu ára, til í stuttu máli.
ISNIC óskar Tæknigarði til hamingju með tuttugu ára afmælið.
]]>Svarboxið tekur sjálfkrafa við skilaboðum utan opnunartíma,
eða þegar mikið er að gera, og kemur þeim í réttar hendur.
Gangi ykkur vel :)
ISNIC
]]>Áður auglýst breyting á reglum ISNIC, sem nú hefur tekið gildi, felst í því að tengiliður rétthafa þarf ekki lengur að vera Íslendingur eða innlendur lögaðili. Réttindaskrifstofa Gerhard Bauer við Mercedesstr. 137 í Stuttgart, Þýskalandi getur þar með haft umsjón með léninu benz.is svo dæmi sé tekið. Nokkuð algengt var að óprútnir innlendir aðilar skráðu þekkt heiti (t.d. vörumerki) sem .is-lén, sem þeir kröfðu síðan réttmæta aðila um greiðslu fyrir. Þess háttar starfsemi gerði í raun út um gömlu regluna um innlendan tengilið, enda hefur nú víðast hvar verið aflögð.
Jafnframt hefur ISNIC nú fengið heimild til að afturkalla skráningar erlendra rétthafa, sem ekki gefa upp fullnægjandi upplýsingar um nafn og heimilisfang rétthafans, eftir rafræna áskorun um úrbætur.
ISNIC mælir eftir sem áður með innlendum umboðsmönnum fyrir erlenda rétthafa til að gæta réttinda sinna á Íslandi.
]]>
Lén erlendra rétthafa, sem ekki eiga íslenska kennitölu, fá enga vottun.
Þetta er gert til þess að staðfesta tilvist viðkomandi og viðhalda þannig miklu
trausti og trúverðugleika íslenskra .is-léna.
Gangi ykkur vel, ISNIC.
]]>Breytingarnar taka eftir sem áður gildi þann 29 október n.k. og verða eftirfarandi:
Við grein 1.1.3 Rétthafi bætist málsgrein:
"Erlendur rétthafi er sá sem ekki hefur skráða íslenska kennitölu."Grein 2.1 Almennt hljóði svo:
"2.1 Umsækjandi sem óskar eftir að fá skráð lén gengur frá greiðslu á stofngjaldi léns og skráir lénið á vef ISNIC. Umsækjandi skal hafa hæfi til þess að skuldbinda sig eða viðkomandi lögaðila í samræmi við gildandi lög á hverjum tíma.Greinar 2.2. Innlendir umsækjendur og 2.3. Erlendir umsækjendur verði felldar niður.
Við grein 3. Skráning léna bætist við grein 3.8
"3.8 ISNIC áskilur sér rétt til að hafna skráningu léns á erlendan rétthafa ef skráningarupplýsingar um rétthafann eru augljóslega rangar og/eða ófullnægjandi."og við grein 6. Umskráning léna bætist við grein 6.3.2
"6.3.2 ISNIC áskilur sér rétt til að hafna umskráningu léns ef skráningarupplýsingar um nýjan rétthafa eru augljóslega rangar og/eða ófullnægjandi."og við grein 8. Brottfall léna bætist við grein 8.7
"8.7 Reynist upplýsingar um erlendan rétthafa léns augljóslega rangar þrátt fyrir ítrekaðar tilkynningar þar að lútandi til tengiliðar rétthafa, getur ISNIC lokað léni viðkomandi. Hafi lén verið lokað í 60 daga hjá ISNIC er það afskráð og afmáð, réttur yfir léni fellur niður og lénið er laust til skráningar á ný.og að lokum verður grein 1.1.16 Upplýsingar í rétthafaskrá þannig:
"1.1.16 Rétthafi og tengiliðir bera ábyrgð á að réttar upplýsingar séu skráðar í rétthafaskrá ISNIC. ISNIC uppfærir nöfn íslenskra rétthafa og tengiliða samkvæmt þjóðskrá og fyrirtækjaskrá daglega. ISNIC áskilur sér rétt til að uppfæra heimilisföng hjá íslenskum rétthöfum og tengiliðum til samræmis við þjóðskrá eða fyrirtækjaskrá sé þess óskað".]]>
Gangi ykkur vel,
kveðja, ISNIC
Virkur fjöldi .is-léna er nú um 22.050 og hefur fjölgað um 16% sl. ár. ISNIC stefnir á að fjölgun léna á þessu ári og því næsta muni vega upp á móti auknum kostnaði og gott betur. Áskorunin felst í því að nýta verðlækkunina sem orðin er gagnvart erlendum keppinautum til aukinnar markaðssóknar gæðalénsins .is.
]]>"Erlendur rétthafi er sá sem ekki hefur skráða íslenska kennitölu."Grein 2.3. Erlendir umsækjendur hljóði svo:
"2.3.1. Erlendur umsækjandi skal tilgreina íslenskan, eða skráðan umboðsmann sem tengilið rétthafa léns."og við grein 3. Skráning léna bætist við grein 3.8.
"3.8. ISNIC áskilur sér rétt til að hafna skráningu léns á erlendan rétthafa ef skráningarupplýsingar um rétthafann eru augljóslega rangar og/eða ófullnægjandi."og við grein 6. Umskráning léna bætist við grein 6.3.2.
"6.3.2. ISNIC áskilur sér rétt til að hafna umskráningu léns á nýjan erlendan rétthafa ef skráningarupplýsingar um rétthafann eru augljóslega rangar og/eða ófullnægjandi."og við grein 8. Brottfall léna bætist við grein 8.7.
"8.7. Reynist upplýsingar um erlendan rétthafa léns augljóslega rangar þrátt fyrir ítrekaðar tilkynningar þar að lútandi til tengiliðar rétthafa, getur ISNIC lokað léni viðkomandi. Hafi lén verið lokað í 60 daga hjá ISNIC er það afskráð og afmáð, réttur yfir léni fellur niður og lénið er laust til skráningar á ný.og að lokum verður grein 1.1.16. Upplýsingar í rétthafaskrá þannig:
"1.1.16. Rétthafi og tengiliðir bera ábyrgð á að réttar upplýsingar séu skráðar í rétthafaskrá ISNIC. ISNIC uppfærir nöfn íslenskra rétthafa og tengiliða samkvæmt þjóðskrá og fyrirtækjaskrá daglega. ISNIC áskilur sér rétt til að uppfæra heimilisföng hjá íslenskum rétthöfum og tengiliðum til samræmis við þjóðskrá eða fyrirtækjaskrá sé þess óskað".]]>
Rótarlénið .IS mælist skv. McAfee fjórða besta og öruggasta rótarlénið í Evrópu hvað tæknilega uppsetningu, efnisinnihald, magn ruslpósts og trúverðugleika varðar.
Verstu rótarlén heimsins eru hins vegar: .info, .ro (Rúmenia), .ws Samoa Eyjar (sem fæst gefins), .hk (Hong Kong), .cn (Kína), .ru (Rússland), .cc (Cocos Eyjar, (fæst einnig gefins). Öll þessi lén eru flokkuð sem beinlínis varasöm. Á óvart kemur versnandi staða hinna vinsælu rótarléna; .net, .com, .biz og .org. Þau mælast með 2,32% til 21,95% villutíðni af skoðuðum tilfellum.
Til samanburðar mælist .is aðeins með 0,29% villutíðni. Finnska rótarlénið, .fi, mældist með 0,05% villutíðni, lægst allra léna. Nokkuð strangar reglur ISNIC um upplýsingagjöf rétthafa við nýskráningu, tíð sjálfvirk athugun á uppsetningu léna og kröfur ISNIC um viðhald uppsetningar, eru lykillinn að góðri stöðu rótarlénsins "punktur is".
]]>Skrefin eru þessi:
Veldu "Tengiliðir" (vinstra megin).Gangi þér vel að skrá þitt eigið .is-lén um helgina
ISNIC.
Skilyrði um innlendan tengilið er eftir sem áður í gildi ef um beina skráningu erlendra aðila er að ræða - þá er umboðsaðilinn ávallt innlendi tengiliðurinn.
Breytingin opnar farveg fyrir erlend fyrirtæki og einstaklinga til að gerast umboðsmenn hjá ISNIC, að uppfyltum almennum skilyrðum - rétt eins og innlendir umboðsmenn þurfa.
ISNIC er mjög umhugað um að varðveita mikið traust og trúverðugleika .is rótarlénsins. Í þeim efnum skiptir áreiðanleiki upplýsinganna í Whois-gagnagrunninum höfuðmáli. Samfara breytingunni áskilur ISNIC sér rétt til að hafna skráningum erlendis frá, sem ekki uppfylla gæðakröfur ISNIC um fullnægjandi upplýsingar um rétthafann.
Ástæða breytinganna er að gera erlendum aðilum sem vilja skrá .is lén kleift að eiga samskipti við þjónustuaðila á sínu svæði, í stað þess að verða að tilgreina íslenskan tengilið rétthafa. Eftir sem áður geta erlendir ríkisborgarar ekki skráð .is lén milliliðalaust.
Í lokin má geta þess að banni við milliliðalausri skráningu erlendra aðila á sænska rótarléninu .se hefur verið aflétt með öllu. Löngu áður hafði sama breyting átt sér stað með .dk (danska) rótarlénið. Eftir stendur að .no (Noregur) leyfir aðeins fyrirtækjum að skrá .no lén, og .fi (Finnland) býr enn við mjög strangar reglur. Stefnan er að .is verði besta og öruggasta rótarlén í heimi. Við erum sem stendur í 4. sæti samkv. McAffe skýrslunni.
ISNIC vill nútímavæða skráninguna og auka skilvirkni starfseminnar - án þess að láta af háum gæðakröfum .IS rótarlénsins.
]]>Árgjald fyrir venjulegt lén er kr. 7.918 og kr. 792 fyrir IDN-lén sem inniheldur íslenska sérstafi. IDN lén, sem fylgir stofn-léni á sömu kennitölu, fær sjálfkrafa 90% afslátt af verðskrá. Sækja þarf um íslenska ritháttinn af léninu eins og þegar sótt er um venjulegt lén. Bæði lénin eru svo látin vísa á sama vefinn og þá skiptir ekki máli hvort lénið fólk skrifar inn í vafragluggann. Séríslensk lén gilda þó ekki fyrir tölvupóst.
Þess má geta að verðskrá ISNIC hefur ekki hækkað í átta ár og ekki stendur til að hækka verð á .is lénum svo lengi sem fjölgun léna stendur undir auknum rekstrarkostnaði, sem óhjákvæmilega fylgir auknum umsvifum. Fjöldi virkra .is léna er nú um 22.000 og hefur fjölgað um ca. 4.000 lén sl. 12 mánuði.
Einfallt skráningarferli .is-léna í 6 skrefum:
1. Veldu Tengiliðir - nýskráning, hér til vinstri, ef þú ert nýr notandi hjá ISNIC. Ef þú átt fyrir eitt eða fleiri lén, og manst ekki notendanafnið (NIC-auðkennið) þitt hjá ISNIC, skrifaðu þá lénið ásamt .is endingunni inn í Whois-leitargluggann efst til hægri. Upp kemur skráningarskírteini lénsins. Það inniheldur m.a. NIC-auðkennið, sem þú þarft til að geta innskráð þig.
2. Opnaðu tölvupóstinn frá ISNIC, smelltu á slóðina í póstinum og fylgdu leiðbeiningunum. Nú ertu innskráð(ur) í ISNIC kerfið og getur skráð lén. Allir sem skrá .is lén verða að skrá sig rétt í ISNIC-kerfinu. Þetta er lykilatriði varðandi traust og trúverðugleika .is léna. Óþekktir aðilar, sem vilja fara huldu höfði, mega ekki skrá .is lén.
3. Smelltu á Lén, nýskráning vinstra megin. Upp kemur gluggi þar sem hugmynd þín að léni er skrifuð inn ásamt .is endingunni. Vandaðu innsláttinn. Kerfið leitar nú hvort lénið er þegar til, ef ekki getur þú haldið áfram og skráð lénið.
4. Næst þarf að tilgreina vistunaraðila. Ef ekki er búið að ákveða með vistun fyrir lénið á þessu stigi þarf að velja Biðsvæði til að byrja með.
5. Næst þarf að skrifa inn kennitölu rétthafa lénsins ef hann er innlendur, en annars eingöngu nafn og heimilisfang.
6. Í lokin þarf að skrá inn greiðslukort og smella á greiða neðst á skjánum. Staðfesting ætti að berast frá ISNIC innan 60 mínútna. Eftir það er ráð að skoða skráningarskírteini nýja lénsins í Whois leitarglugganum. Þar má einnig skoða skráningar allra .is léna.
Gangi ykkur vel!
ISNIC.]]>
1. Veldu Tengiliðir - nýskráning, hér til vinstri, ef þú ert nýr notandi hjá ISNIC.
Ef þú átt fyrir eitt eða fleiri lén, og manst ekki notendanafnið (NIC-auðkennið) þitt hjá ISNIC, skrifaðu þá lénið ásamt .is endingunni inn í Whois-leitargluggann efst til hægri. Upp kemur skráningarskírteini lénsins. Það inniheldur m.a. NIC-auðkennið, sem þú þarft til að geta innskráð þig.
2. Opnaðu tölvupóstinn frá ISNIC, smelltu á slóðina í póstinum og fylgdu leiðbeiningunum. Nú ertu innskráð(ur) í ISNIC kerfið og getur skráð lén. Allir sem skrá .is lén verða að skrá sig rétt í ISNIC-kerfinu. Þetta er lykilatriði varðandi traust og trúverðugleika .is léna. Óþekktir aðilar, sem vilja fara huldu höfði, mega ekki skrá .is lén.
3. Smelltu á Lén, nýskráning vinstra megin. Upp kemur gluggi þar sem hugmynd þín að léni er skrifuð inn ásamt .is endingunni. Vandaðu innsláttinn. Kerfið leitar nú hvort lénið er þegar til, ef ekki getur þú haldið áfram og skráð lénið.
4. Næst þarf að tilgreina vistunaraðila. Ef ekki er búið að ákveða með vistun fyrir lénið á þessu stigi þarf að velja Biðsvæði til að byrja með.
5. Næst þarf að skrifa inn kennitölu rétthafa lénsins ef hann er innlendur, en annars eingöngu nafn og heimilisfang.
6. Í lokin þarf að skrá inn greiðslukort og smella á greiða neðst á skjánum. Staðfesting ætti að berast frá ISNIC innan 60 mínútna. Eftir það er ráð að skoða skráningarskírteini nýja lénsins í Whois leitarglugganum. Þar má einnig skoða skráningar allra .is léna.
Gleðilega verzlunarmannahelgi - akið varlega.
Sumarkveðja, starfsfólk ISNIC.
Lesið skráningarskírteini lénsins. Rétthafar léna eru hvattir til að setja lénin sín í sjálfvirka endurnýjun og spara þannig vinnu við greiðslu og bókun reikninga. ISNIC sendir öllum sem greiða með korti kvittaðan reikning í pósti á innskráð heimilisfang greiðanda lénsins. Skoðið skráningu lénsins (í Whois-glugganum efst hægra megin) og leiðréttið rangar upplýsingar. Svokallað NIC-auðkenni er notendanafnið sem viðkomandi tengiliður skráir sig inn á. Innskráning í ISNIC-kerfið er í sömu línu og Whois leitarglugginn. Smellið á Týnt lykilorð til þess að búa til nýtt lykilorð hjá ISNIC.
Athugið að tengiliður rétthafa getur einn breytt öllum upplýsingum um lénið og hann hefur því í raun full umráð yfir léninu. Í þessu felst m.a. vald til að umskrá lénið yfir á nýjan rétthafa. Að öllu jöfnu ætti því rétthafinn, eða honum nátengdur aðili, jafnframt að vera tengiliður lénsins.
Gangi ykkur vel!
]]>Sjálfvirk endurnýjun. Nú er hægt að minnka áhættuna á því að lénið lokist óvart af ofangreindum ástæðum með því að skrá greiðslukort inn hjá ISNIC og setja lénið í svokallaða sjálfvirka endurnýjun. Greiðslukortið er skuldfært 60 dögum áður en eindagi árgjaldsins rennur upp. Einnig er hægt að greiða stofngjöld nýrra léna með korti og setja þau í sjálfvirka endurnýjun jafnharðann. Greiðslugátt ISNIC opnaði 10. júlí sl. Innlendir jafnt sem erlendir viðskiptamenn tóku nýju þjónustunni opnum örmum og fyrstu vikuna voru þrjú af hverjum fjórum nýjum lénum greidd með korti. Áfram verður unnið að ýmsum breytingum sem miða að því að einfalda og bæta þjónustu ISNIC. Í haust verður svo settur upp nýr ISNIC-vefur.
]]>Handhafar .is léna ættu í ljósi þessa að fullvissa sig um að þeirra lén séu vistuð á öruggum nafnaþjónum. Ákveðnar aðferðir eru notaðar til að lágmarka þessa hættu, helst sú að rekstaraðilar nafnaþjóna aðskilja uppruna-nafnaþjóna "authorative nameservers" (þ.e. þá sem vista lén) og endurkvæma nafnaþjóna "recursive nameservers" (þ.e. nafnaþjóna sem þeirra notendur nota til að fletta upp lénum víðs vegar um heim). Síðan er aðgengi að endurkvæmu nafnaþjónunum lokað öðrum en viðskiptavinum viðkomandi þjónustuaðila.
Slíkur aðskilnaður gerir það að verkum að óprúttnir aðilar geta ekki breytt svörun fyrir lén sem vistuð eru á upprunanafnaþjóni, þar sem slökkt er á endurkvæmni hans ("non-recursive") og þeir fá ekki aðgang að endurkvæmum nafnaþjónunum þjónustuaðilans. Flestir seljendur lénavistunar hafa þennan háttinn á uppsetningu nafnaþjóna sinna, en því miður ekki allir.
]]>ISNIC hvetur rétthafa léna til að vera sjálfir tengiliðir sinna léna og uppfæra ávallt upplýsingar í Whois-grunninum verði breytingar á högum tengiliða lénsins. Réttar og áreiðanlegar upplýsingar í Whois-gagnagrunni ISNIC er ein mikilvægasta forsendan fyrir miklu trausti og trúverðugleika .is léna.
]]>Verstu rótarlén heimsins eru skv. McAfee þessi: .info, .ro (Rúmenia), .ws (Samoa Eyjar (lénið fæst gefins), .hk (Hong Kong), .cn (Kína), .rus (Rússland), .cc (Cocos Eyjar) sem einnig fæst gefins. Öll þessi lén eru beinlínis varasöm fyrir notendur internetsins. Á óvart kemur hve illa hin vinsælu rótarlén; .net, .com, .biz og .org koma út úr samanburðinum með 2,32% til 21,95% villutíðni af skoðuðum tilfellum. Þetta veldur mönnum áhyggjum.
Til samanburðar er .is aðeins með 0,29% villutíðni af prófuðum lénum. Finnska rótarlénið, .fi, mældist með 0,05% villutíðni, lægst allra léna. Hins vegar má skoða mjög lága villutíðni .fi í því ljósi að erfitt er að fá skrá .fi léna og finnskt Internetsamfélag þykir ekki jafn langt á veg komið hvað almenna útbreiðslu Internetsins varðar og t.d. hið íslenska. Mjög lág "villutíðni" kann því að vera merki um litla internetnotkun almennt. Örri þróun, og mikilli fjölgun léna, fylgja óhjákvæmilega vaxtarverkir. Skýrslan sýnir að Evrópa (og þá Norðvestur-Evrópa sérstaklega) skarar framúr öðrum svæðum hvað öryggi á Internetinu áhrærir.
]]>Öryggismál Mikið öryggi .is léna hvílir m.a. á því að upplýsingarnar í Whois-grunninum séu réttar á hverjum tíma. Aðeins þannig má fullvissa sig um hvaða aðilar standa að baki upplýsingum sem berast í tölvupósti, eða birtast á vef tengdu viðkomandi léni. ISNIC hefur metnað til að viðhalda háu öryggi og gæðum .is léna. Vorhreingerningin í Whois grunninum er liður í þeirri viðleitni. Meira um öryggismál .is léna í næstu viku. /jpj.
]]>Um leið hvetjum viðskiptamenn á að nýta sér Svarboxið, sem er efst hér á forsíðu vefjarins. Svarboxið hentar vel í einföldum samskiptum við okkur og getur líka verið þægilegra fyrir báða aðila en símtal. Auk þess er það frítt! Þeir sem nota Svarboxið geta þar að auki búist við að fá þjónustu utan símatímans. En það er leyndarmál :)
Gleðilegt sumar!
Starfsmenn Internets á Íslandi hf. (Intís).
ISNIC, Modernus og RIX.
Internet á Íslandi hf. lítur á reksturinn á RIX sem framlag félagsins til eflingar innlenda hluta Internetsins. Þannig dekka rekstrartekjurnar af Rixinum, eins og hann er oftast nefndur, aðeins hluta af raunverulegum tilkostnaði við þjónustuna á hverju ári.
]]>Innskráning í gagnagrunn ISNIC: Með NIC-auðkenninu er auðvelt að skrá sig inn í ISNIC-kerfið. Það er gert undir liðnum Innskráning (efst hér á forsíðunni) og Nic-auðkenni allra léna má skoða í Whois-leitarglugganum efst til hægri hér á forsíðunni. Smellið á Týnt lykilorð undir Innskráningu, ef lykilorðið er týnt og tröllum gefið. Eftir innskráningu er smellt á Mín síða, síðan á lénið (lénið blámað) og loks á Breyta, Flytja, Umskrá - allt eftir því hverju skal breyta.
Tengiliður rétthafa ræður öllu: Athugið sérstaklega að tengiliður rétthafa hefur full umráð yfir léninu. Hann einn getur ráðstafað (umskráð) léninu til annarra. Isnic-kerfið er einfaldara kerfi en margur heldur. Reynið bara!
]]>Undirritun samningsins við ICANN er mikilvægur og ánægjulegur bautasteinn fyrir starfsmenn og starfsemi Internets á Íslandi. Í henni felst opinber traustsyfirlýsing á gæðum þjónustunnar, sem notendum .is léna er veitt af ISNIC, frá hendi þess sem fer með stjórnun Internetsins á heimsvísu.
Í þessu sambandi má geta þess að andi Internetsins er sjálfstæði og sjálfstjórnun gagnvart yfirvöldum og ríkisstjórnum hvar sem er í heiminum. Internetið er sjáflsprottið risavaxið ævintýri sem nær langt út fyrir valdmörk yfirvalda og ríkisstjórna flestra landa og færir sífellt fleiri jarðarbúum aðgang að upplýsingum og þar með aukinni hagsæld. Eins og dæmin sanna (t.d. frá Kína og Sádí-Arabíu) þarf Internetið sem slíkt ætíð að berjast fyrir áframhaldandi sjálfstæði sínu. Samningnum við ISNIC er öðrum þræði ætlað að vernda þetta mikilvæga sjálfstæði, sérstaklega hvað .is lén varðar.
]]>Sé netfangið sem skráð er hjá Isnic hins vegar ógilt og ekki lengur í notkun, og notandinn búinn að gleyma lykilorðinu, verður hann að fylla út eyðublaðið "breyting á netfangi tengiliðs" og faxa það til okkar eða senda mynd (t.d. með gsm-síma) af útfylltri beiðninni með tölvupósti. Þetta er nauðsynleg öryggisráðstöfun til að vernda réttindi rétthafa og koma í veg fyrir ólöglega umskráningu .is-léna (stundum kallað "social engineering"). Eyðublöð Isnic er að finna undir liðnum Rétthafaskrá hér til vinstri.
Gangi ykkur vel.
]]>Svo skemmtilega vill til að lénafjöldinn náði þessum áfanga um svipað leyti og Internetið á Íslandi telst eiga tuttugu ára afmæli. Frumkvöðlarnir sem unnu að því að koma Internetinu á laggirnar hér á landi á sínum tíma, þ.á.m. Maríus Ólafsson netstjóri Internets á Íslandi hf (INTÍS) eru sammála um að þetta hafi verið seint um haustið 1987. Þá voru fyrstu "pakkarnir" (tölvupóstur) sendir milli tölva hér á landi og yfir hafið með því fyrirbæri sem síðar fékk nafnið "Internetið". Fyrirtækið hefur í tilefni þessara tímamóta ákveðið að ráða sagnfræðing til þess að skrifa sögu Internetsins á Íslandi.
Starfsfólk Internets á Íslandi hf. óskar landsmönnum gleðilegra jóla, árs og friðar og þakkar samskiptin á árinu sem er að líða. Skrifstofa INTÍS er opin milli jóla og nýárs eins og venjulega.
]]>Uppsetningakröfur léna eins og þær eru hverju sinni er hægt að finna hér á vefsíðu okkar.
Uppsetningakröfur nafnaþjóna
Uppsetningakröfur léna
Öll .IS lén þurfa að standast þessar kröfur.
]]>Ástæða breytingarinnar er annars vegar að ekki er lengur þörf á því að vernda innlenda aðila gagnvart skráningum erlendra, hafi hún á annað borð verið fyrir hendi. Hins vegar er ISNIC ekki stætt á því að hindra erlenda aðila að skrá .IS lén á sama tíma og innlendir geta hindrunarlaust skráð þau, jafnvel lén sem byggja á þekktum erlendum vörumerkjum. Í þessu fólst mismunum sem ómögulegt er að réttlæta. Á þetta hefur margoft verið bent og við því hefur nú verið brugðist.
]]>Fyrsta breytingin sem ætlunin er að ráðast í er upptaka á biðsvæði fyrir lén. Það hefur lengi staðið til að ISNIC bjóði rétthöfum að skrá lénið tímabundið, þ.e. á biðsvæði hjá ISNIC, þar til menn hafa valið sér vistunaraðila. Í reglum ISNIC nr. 1.1.15. um Biðsvæði segir:
"Biðsvæði merkir að rétthafi hafi skráð lén með tæknilegum formerkjum en hefur ekki aðgang að því að neinu leyti, svo sem tölvupóstaðgang eða uppsetningu á vef."
Nauðsynlegar tæknilegar breytingar vegna þessa hafa verið framkvæmdar og nú leitum við eftir áliti netverja.
Næsta breyting varðar breytingar á tæknilegum kröfum ISNIC.
Síðast en ekki síst þá leggjum við til að hætt verði að senda út tilkynningar um skráningu nýrra léna.
Það er ekki lengur réttlætanlegt að tilkynna um þetta fyrirfram. Menn geta haft ýmsar gildar ástæður fyrir því að skrá lén, án þess að það sé strax tilkynnt opinberlaga.
Ýmsar aðrar léttvægari breytingar eru á döfinni og verður tilkynnt um þær síðar.
---
Umræða um þessar breytingar fara fram á http://lists.isnic.is/pipermail/domain/2007-August/thread.html
Umræða og upplýsingaveita um lénamál á Íslandi er að finna á póstlista domain@lists.isnic.is.
Upplýsingar um hvernig á að skrá sig á listann og afskrá sig ef svo ber undir er að finna á vefslóð http://lists.isnic.is/mailman/listinfo/domain.
Tæknilegar kröfur ISNIC til vistunar .is-léna hafa verið Bluehost kunnar frá upphafi og þær hafa ekki breyst á neinn hátt, sjá https://www.isnic.is/is/domain/req. Lénum sem ekki eru vistuð samkvæmt tæknilegum kröfum ISNIC er lokað eftir að handhöfum þeirra hafa verið sendar viðvaranir. Þetta er liður í öryggisstefnu ISNIC. Sjá https://www.isnic.is/is/domain/rules#8
ISNIC þykir miður að þurfa að tilkynna að fáist vistunarfyrirtækið Bluehost ekki til að færa vistun .is léna til fyrra horfs og uppfylla þar með öryggiskröfur ISNIC (sem þeir hafa reyndar lýst yfir að þeir muni ekki gera) er nauðsynlegt fyrir handhafa .is léna, sem enn eru vistuð hjá Bluehost, að flytja þau annað.
]]>Helstu niðurstöður eru af lénum sem prófuð voru reyndust 4.1% vera varhugaverð öryggislega séð (sjá skilgreingar í skýrslu). Mikill munur er á öryggi/gæðum milli rótarléna -- frá 0.1% varhugaverð lén undir .FI (Finland) í 10.1% undir .TK (Tokelau).
Fjögur af fimm lægstu hlutföllunum sem mældust eru á norðurlöndum, þ.e. Finnland (0.10% slæm lén), Noregur (0.16%), Ísland (0.19%) og Svíþjóð (0.21%).
]]>Við skráningu á léni með íslenskum sérstöfum er kannað hvort sami aðili hafi þegar skráð "tilsvarandi" lén án íslenskra sérstafa. Með "tilsvarandi" er átt við lén sem til verður þegar séríslenskir stafir IDN lénsins eru umritaðir skv eftirfarandi töflu:
á -> a ó -> o æ -> ae ð -> d ú -> u ö -> o é -> e ý -> y í -> i þ -> th
Ef lénið sem þannig er myndað úr léni með séríslenskum stöfum er skráð á sama rétthafa er veittur 90% afsláttur af bæði stofngjaldi og árgjaldi.
Gjaldskrá vegna stofnunar og endurnýjunar léna frá og með 17. maí 2005.
Vegna stofnunar á léni. Innifalið í stofngjaldi er árgjald fyrsta árið.
Árlegt endurnýjunargjald vegna léns.
Meginregla við skráningu léna hjá ISNIC er "fyrstur kemur, fyrstur fær". Reglan er óháð hver á í hlut eða hvaða lén sótt er um. Þessi aðferð er notuð af öllum skráningaraðilum í heiminum þar sem skráning léna er rafræn.
Snemma árs 2003 var lokið við stöðlun á úfærslu á skráningu léna með sérþjóðlegum stöfum. ISNIC hóf umræður um hvernig upptaka þessara staðla færi fram hér á landi síðla árs 2003. Niðurstaðan var sú að ekki verði hjá því komist að innleiða möguleika á sérstöfum í lénum. Opnað var fyrir skráningu 1. júlí 2004 þó þannnig að eigendum léna án sérstafa var gefinn kostur á að skrá "tilsvarandi" lén með sérstöfum með forgangi til 31. des 2004. Eftir þann tíma félli allur slíkur forgangur niður.
Skráning léna með sérþjóðlegum stöfum var innleidd í nágrannalöndum okkar á svipuðum tíma; þó allstaðar án slíks forgangstímabils. Með sérstöfum er átt við stafina áéíóúýþæðö.
Athygli er vakin á að lén sem innihalda sérstafi hafa enn sem komið er mjög takmörkuð not. Ástæðun má rekja til þess að lén með sérstafi eru ekki skráð á sama hátt í lénnafnakerfi netsins (DNS) og lén án sérstafa. T.d. er lénið veiðihundar.is skráð í lénnafnakerfið sem xn--veiihundar-k9a.is. Hér er um að ræða svokallaða ACE umritun lénsins veiðihundar.is. Lénið veiðihundar.is er aðeins þekkt sem lénið xn--veiihundar-k9a.is í lénnafnakerfi netsins.
Það er alfarið á ábyrgð notenda og forrita þeirra að umrita lénnafnið veiðihundar.is í xn--veiihundar-k9a.is áður en uppfletting í lénnafnakerfi netsins fer fram. Þessi umritun er ekki komin í allan hugbúnað sem notaður er. Þess vegna er notkun léna sem innihalda sérstafi enn mjög takmörkuð. Þó nokkrir vafrar hafi þegar þessa umritun þá vantar enn stuðning við notkun léna með sérstafi í netföng í flestan hugbúnað. Ekki er vitað hvenær fullur stuðningur við lén með sérstafi kemur í almennan hugbúnað.
Í umræðu um úthlutun léna með sérstöfum hefur gætt misskilnings að mati ISNIC.
Meginumræðan hefur fjallað um hvernig ISNIC geti, um aldur og ævi, "tekið frá" lén eftir því hvaða stafir eru í lénsheiti léna sem þegar eru skráð. Svo dæmi sé tekið þá hefði ISNIC átt að "taka frá" lénið rúv.is vegna þess að lénið ruv.is var þegar skráð.
Fjölmörg dæmi um ógöngur sem skráning léna myndi lenda í ef ISNIC yrði gert að leggja að jöfnu lénanöfn með og án sérstafa. Hvergi hafa skráningaraðilar farið þá leið að skilgreina slíkt jafngildi enda myndi skráning léna lenda í ógöngum ef reynt væri eins og eftirfarandi dæmi sýna:
Svona mætti lengi telja.
Mörg orð fá alveg nýja merkingu við það að setja sérstafina áéíóúýþæðö í stað aeiouythaedo. T.d. verður viti að víti, budda að búdda, bord verður borð eða að börð, par að pár... listinn er sennilega seint tæmandi.
Af þessu ætti að vera ljóst að ekki er hægt að byggja reglur varðandi rétt á léni á stöfum í lénsheitinu. Heitið, sem stafirnir mynda, er það sem máli skiptir. Engin tæknileg lausn er til sem nota má til að gera vitrænan greinarmun á lénsheitum eftir því hvaða stafir eru í lénsheitinu. Skráningaraðili getur því ekki skipt sér af lénsheitum ef skráning á annað borð að vera rafræn.
Ef reglur um "frátöku" léna með sérstafi væri tekin upp þá þyrfti væntanlega einnig að sjá til þess að "frátaka" gilti einnig í hina áttina, þ.e. þeir sem skrá lén með sérstöfum "taka frá" lén sem hægt er að mynda úr lénsheitinu þegar búið er varpa stöfum úr áéíóúýþæðö í aeiouythaedo.
Til samræmis myndu væntanlega koma upp kröfur um að gera y og i jafngild í nöfnum léna og rétthafi t.d. ys.is kæmi í veg fyrir að aðrir geti fengið is.is, ís.is og ýs.is (getur jú ruglast í síma). Sama mætti jafnvel hugsa sér með v og w.
Eina færa leiðin er að láta af allri forræðishyggu í þessum málum og láta menn bera ábyrgð á eigin gerðum í þessu eins og öðru. ISNIC getur ekki ákveðið hvaða aðili á meiri rétt á einstökum lénum en annar. Vilji menn fara að leggja á það mat, þá getur skráning léna ekki lengur verið rafræn og við þurfum að hverfa aftur til kerfis sem flest önnur ríki hafa horfið frá á undaförnum árum, þ.e. handvirkt umsóknarkerfi þar sem menn þurfa að bíða, jafnvel dögum saman, eftir að fá lén "skráð".
Skráning léna er allsstaðar rafræn, nema í einstaka 3ja heims ríki. Umsækjendur bera ábyrgð á umsóknum og taka því afleiðingum ef notkun þeirra á nöfnum brýtur í bága við lög.
Eins og áður segir er engin tæknileg lausn til sem nota má til að gera vitrænan greinarmun á lénsheitum ef aðeins er byggt á stöfum í lénsheitinu. Skráningaraðili getur ekki skipt sér af lénsheitum ef skráning á annað borð að vera rafræn. Ennfremur væri slíkt mat ætíð hlutlægt og því ómögulegt að tryggja jafnt aðgengi að skráningu.
Réttlæti og jafnræði aðila minnkar, skriffinnska eykst og menn enda með óréttlátt kerfi.
Rótarnafnaþjónn K er einn af 13 rótarnafnaþjónum Netsins sem sjá um að vísa uppflettingum léna rétta leið. Þessir þjónar eru þannig mikilvægur grunnþáttur í virkni netsamskipta í heiminum. Rótarnafnaþjónarnir mynda miðhluta lénakerfis Netsins (DNS) sem notað er til að varpa nöfnum sem menn nota almennt yfir í hin eiginlegu vistföng á netinu sem tölvur og hugbúnaður nota til að komast leiðar sinnar.
K þjónninn í Reykjavík er nýjasta eintakið af þeim sem RIPE NCC hefur sett upp undanfarið. Til að dreifa þessum eintökum um heiminn er notuð ný IP tækni (IP fjölvarp, "anycasting"). Með þessu móti fæst mjög örugg og dreifð tenging, sem er ónæmari fyrir ýmsum tegundum rekstartruflana, heldur en hefðbundnari leiðir til að tryggja rekstraröryggi.
RIPE NCC hefur rekið K þjóninn í London síðan 1997, og síðan 2003 hafa verið sett upp eintök af K í Amsterdam, Frankfurt, Aþenu, Doha og Mílanó, og nú síðast í Reykjavík.
]]>Athuga ber að lén með séríslenska stafi hafa enn sem komið er mjög takmörkuð not. Ástæðan er sú að enn vantar stuðning við slík sértákn í almennan hugbúnað sem notendur nota við netsamskipti. Til dæmis er ekki hægt að nota séríslenska stafi í netföng og þar með erfiðleikum bundið að senda eða taka á móti tölvupósti ef séríslensk tákn koma fyrir í lénnafnshluta netfangs.
Segja má að spurning um íslenska stafi í lénanöfnum sé næstum jafngömul skráningu .IS léna hér á landi en skráning hófst árið 1986. Ekki var unnt að skrá lén með séríslenska stafi í nöfnum þar sem staðla um það hvernig það skyldi gert vantaði. Uppúr 1999 hófst vinna við slíka staðla á vegum IETF og lauk þeirri vinnu snemma árs 2003, með birtingu þriggja RFC staðla sem skilgreina hvernig tæknilega skuli staðið að þessari skráningu, (RFC3090, RFC3091 og RFC3092). Sem dæmi um skráningu léns með séríslenska stafi í nafni, þá hefur verið skráð lénið alþingi.is (xn--alingi-jza.is).
Umræður um útfærslu á því hvernig staðið verður að innleiðingu séríslenskra stafa fóru fram á póstlista ISNIC um lénamál í október 2003.
Nú þegar bjóða einstaka erlendir skráningaraðilar uppá skráningu léna með sértáknum, og fleiri munu bætast við á næstu mánuðum
Ef einhverjar spurningar vakna er um að gera að hafa samband við hostmaster@isnic.is
]]>Fljótlega munum við svo setja upp aðgangstakmarkanir að whois.isnic.is porti 43 og uppflettingum á vefsvæði sem takmarka fjölda fyrirspurna á klst. en þær takmarkanir ná ekki yfir þessa nýju þjónustu.
Þeir sem eru nú að láta vefkerfi eða annað fletta upp í whois.isnic.is port 43 til að athuga tilvist léns verða því að breyta kerfum sínum til að nota port 4343 svo minni líkur séu á að lokað verði aðgangi frá kerfinu vegna of hraðra uppflettinga.
Ef einhverjar spurningar vakna er um að gera að hafa samband við hostmaster@isnic.is
]]>Við þessa breytingu er ekki lengur hægt að segja upp léni með tölvupósti eða með bréfi, ef tengiliður rétthafa er ekki viðlátinn til þess að staðfesta uppsögn. Fyrst þarf að skipta um tengilið rétthafa og sér hann svo um afskráninguna.
Allir tengiliðir léns nema Zone-Contact geta óskað eftir afskráningu léns en aðeins Tengiliður Rétthafa getur staðfest uppsögnina.
Vinsamlega látið hostmaster@isnic.is vita ef einhverjar óeðlilegar villur koma upp.
]]>Meginástæður breytinga eru þessar
Mismunandi er hvenær ætlað er að breytingar taka gildi. Sjá nánar hér.
]]>Við biðjumst velvirðingar á þeim óþægindum sem þetta kann að hafa haft í för með sér.
]]>
Hér eftir er því ætlast til að tengiliðir skrái þessar upplýsingar sjálfir og sendi þær ekki í tölvupósti, samt sem áður verður hægt að óska eftir aðstoð í síma 525-4589 á skrifstofutíma og með því að senda tölvupóst á hostmaster@isnic.is.
Þetta verður til þess að fljótari afgreiðsla verður á flutningi, enda mun ekki vera hægt að óska eftir flutningi á léni ef ekki er búið að setja það upp á nýjum stað.
Athugið að þegar nafnaþjónum léns er breytt fer beiðnin í biðröð og bíður samþykkis og afgreiðslu starfsmanns ISNIC við næstu uppfærslu DNS gagnagrunns, þessar uppfærslur eru framkvæmdar virka daga milli kl. 17:00 og 18:00
]]>Stefnt er að því að færa flutning léna yfir á vef þann 2. desember næstkomandi, frá og með þeim degi verður ekki hægt að biðja um flutning í tölvupósti.
]]>Stjórnunarlegur tengiliður getur breytt upplýsingum um lén sem hann er skráður stjórnunarlegur tengiliðir fyrir; hann getur þó ekki breytt kennitölu léns, nafni rétthafa léns eða nafnaþjónum léns.
Unnt er að prófa uppsetningu nafnaþjóna. Þetta er gert með valkosti "Nafnaþjónar/Prófa uppsetningu" vinstra megin á síðu.
Ýmsar útlitsbreytingar hafa verið gerðar. Allar miða þær að því að auðvelda notendum að nálgast upplýsingar eða framkvæma aðgerðir s.s. kanna uppsetningu á léni eða nafnaþjóni. Hinar ýmsu aðgerðir eru aðgengilegar á vefnum og óþarft að skýra nánar hér.
Eftirfarandi aðgerðir eru væntanlegar: skráning léns um vefinn; skráning nafnaþjóns um vefinn; flutningur á léni (breyta nafnaþjónum) og greiðsla léngjalda um vefinn.
Sendur verður tölvupóstur seinna í dag á alla tengiliði þar sem kemur fram hvernig skuli setja nýtt lykilorð, en þeir sem geta ekki beðið eftir því geta farið í Innskráningu og valið Gleymt Lykilorð og sett lykilorð sjálfir
]]>Hlutverk greiðanda er að taka við tilkynningum/reikningum vegna léngjalda og ber hann jafnframt ábyrgð á greiðslu þeirra. Við skráningu á greiðanda er nafn hans skráð eins og það er í þjóðskrá hverju sinni. Ennfremur getur ISNIC uppfært aðrar upplýsingar um greiðanda samkvæmt þjóðskrá þar sem það á við. Slík uppfærsla er þó eingöngu framkvæmd í þeim tilfellum er bréf, send til greiðanda, komast ekki til skila og eru endursend til ISNIC.
Nýr vefur verður jafnframt tekinn í gagnið um þessi mánaðamót. Greiðandi verður tilgreindur fyrir hvert lén. Stjórnunarlegur tengiliður/tengiliður rétthafa getur nú breytt upplýsingum um rétthafa, tengiliði og greiðanda um vef ISNIC. Til að breyta upplýsingum þarf að tilgreina notandanafn og lykilorð. Notandanafn er skráð NIC-handfang stjórnunarlegs tengiliðs en lykilorði verður úthlutað hjá ISNIC. Notendanafn og lykilorð verða send í tölvupósti til stjórnunarlegra tengiliða áður en nýr vefur verður virkur.
Nýtt umsóknareyðublað er að finna á slóð:
https://www.isnic.is/is/whois/forms
Breytingar á umsóknareyðublaði eru þessar:
Breytingar/viðbætur á vef eru helstar þessar:
Eftirfarandi er væntanlegt á vef ISNIC:
1.1.6. Greiðandi
Greiðandi tekur við tilkynningum/reikningum vegna léngjalda og ber ábyrgð á greiðslu þeirra. ISNIC getur uppfært upplýsingar um greiðanda samkvæmt þjóðskrá þar sem það á við. Slík uppfærsla er eingöngu framkvæmd í þeim tilfellum er bréf, send til greiðanda, komast ekki til skila og eru endursend til ISNIC.
Uppfærð umsóknareyðublöð verða sett á vef ISNIC innan skamms.
Upplýsingar um greiðanda hafa ekki verið skráðar í rétthafaskrá (whois gagnagrunni) hingað til. Þessu verður breytt fyrir 1. október 2002 og verður greiðandi tilgreindur fyrir hvert lén í stað tengiliðs greiðanda.
Þá verður tekin í notkun nýr vefur 1. október 2002 þar sem unnt verður að breyta upplýsingum um rétthafa, tengiliði og greiðanda um vef ISNIC.
]]>Þetta þýðir m.a. að hægt að sækja um og skrá lén þar sem nafnið er eingöngu tölustafir, s.s. 12345.is, enda gilda ekki lengur takmarkanir sem voru á skráningu tölustafaléna. Einnig er unnt að sækja um og skrá sérstök lén sem voru frátekin. Sjá nánar reglur ISNIC.
]]>Eftirfarandi tilboð standa til 2. júlí 2002. Lén sem óskráð verða í lok 2. júlí 2002 verða laus til almennrar skráningar 3. júlí 2002.
Sjá skilmála útboðs á vef ISNIC.
Öll lén sem voru á uppboði sem enn eru óskráð 2. júlí 2002 verða laus til almennrar umsóknar 3. júlí 2002.
Þetta þýðir m.a. að þá verður hægt að sækja um og skrá lén þar sem nafnið er eingöngu tölustafir, s.s. 12345.is, enda gilda ekki lengur takmarkanir sem voru á skráningu tölustafaléna.
Sækja má um lén í venjulegum bréfapósti eða um fax. Umsóknir um uppboðslén sem berast fyrir 3. júlí 2002 eru ekki gildar.
Vegna misnotkunar með faxsendingum við síðasta uppboð verður faxtæki ISNIC endurræst kl. 00:00 3. júlí 2002. Grunnreglan "fyrstur kemur, fyrstur fær" gildir við afgreiðslu umsókna sem berast, eftir endurræsingu faxtækis, um lén sem voru á uppboði.
]]>Stöðu hjá fyrri handhöfum tilboða má sjá hér.
Nýjir handhafar tilboða í lén vegna útboðs léna eru:
Handhafi ofangreinds tilboðs hefur fjóra (4) virka daga frá dagsetningu birtingar tilboðs þeirra á vef ISNIC til að ganga frá umsókn, greiðslu og vistun á léninu samkvæmt reglum ISNIC, svo unnt sé að skrá lénið.
Falli handhafi frá tilboði með því að ganga ekki frá nauðsynlegum atriðum svo skrá megi lénið er næsthæsta boði tekið með birtingu á léni og handhafa næsthæsta tilboðs á vef ISNIC. Sjá nánar skilmála útboðs á vef ISNIC.
Eftirfarandi tilboð standa til 2. júlí 2002. Lén sem óskráð verða í lok 2. júlí 2002 verða laus til almennrar skráningar 3. júlí 2002.
Sjá skilmála útboðs á vef ISNIC.
Öll lén sem voru á uppboði sem enn eru óskráð 2. júlí 2002 verða laus til almennrar umsóknar 3. júlí 2002.
]]>Stöðu hjá fyrri handhöfum tilboða má sjá hér.
Nýjir handhafar tilboða í lén vegna útboðs léna eru:
Handhafar ofangreindra tilboða hafa fjóra (4) virka daga frá dagsetningu birtingar tilboðs þeirra á vef ISNIC til að ganga frá umsókn, greiðslu og vistun á léninu samkvæmt reglum ISNIC, svo unnt sé að skrá lénið.
Falli handhafi frá tilboði með því að ganga ekki frá nauðsynlegum atriðum svo skrá megi lénið er næsthæsta boði tekið með birtingu á léni og handhafa næsthæsta tilboðs á vef ISNIC. Sjá nánar skilmála útboðs á vef ISNIC.
Eftirfarandi tilboð standa til 2. júlí 2002. Lén sem óskráð verða í lok 2. júlí 2002 verða laus til almennrar skráningar 3. júlí 2002.
Sjá skilmála útboðs á vef ISNIC.
Öll lén sem voru á uppboði sem enn eru óskráð 2. júlí 2002 verða laus til almennrar umsóknar 3. júlí 2002.
]]>Handhafar hæstu tilboða í viðkomandi lén voru:
Handhafar ofangreindra tilboða hafa fjóra (4) virka daga frá dagsetningu birtingar tilboðs þeirra á vef ISNIC til að ganga frá umsókn, greiðslu og vistun á léninu samkvæmt reglum ISNIC, svo unnt sé að skrá lénið.
Falli handhafi frá tilboði með því að ganga ekki frá nauðsynlegum atriðum svo skrá megi lénið er næsthæsta boði tekið með birtingu á léni og handhafa næsthæsta tilboðs á vef ISNIC. Öll tilboð renna út 2. júlí 2002.
Þátttakendur í útboði eru bundnir við boð sín til 2. júlí 2002. Þó ber
að athuga að skráning á tilboðs-léni fyrir 2. júlí 2002 ógildir önnur
tilboð í lénið.
Öll lén sem voru á uppboði sem enn eru óskráð 2. júlí 2002 verða laus til almennrar umsóknar sama dag.
]]>Boðin verða upp:
a) öll lén þar sem nafn léns inniheldur aðeins tölustafi.
b) eftirtalin lén:
arts.is
firm.is
ftp.is
internet.is
irc.is
mail.is
nom.is
rec.is
shop.is
telnet.is
usenet.is
web.is
who.is
www.is
Frestur til að skila inn tilboðum er til lok dagsins 28. maí 2002.
Lénin eru boðin upp með þeim hætti að skilað er inn skriflegum tilboðum til ISNIC sem opnuð verða miðvikudaginn 29. maí 2002 kl. 11:00 í Tæknigarði, Dunhaga 5, IS-107 Reykjavík. Öllum frjálst að fylgjast með opnun tilboða.
Tekið er við tilboðum á skrifstofu ISNIC í Tæknigarði. Einnig má senda tilboð í pósti. Athugið að tilboð þurfa að berast til ISNIC í síðasta lagi 28. maí 2002. Munið að undirrita tilboð.
Tilboð send í pósti ber að stíla á:
Internet á Íslandi hf.
b/t uppboð
Tæknigarði
Dunhaga 5
IS-107 Reykjavík
Skilmálar
Eftirfarandi skilmálar gilda um þátttöku í uppboðinu. Uppfylli tilboð þátttakanda að einhverju leyti ekki þau skilyrði sem sett eru verður litið á tilboðið sem ógilt og verður ekki tekið tillit til þess.
Internet á Íslandi hf.
b/t uppboð
Tæknigarði
Dunhaga 5
IS-107 Reykjavík
Handhafi tilboðs í j.is hefur frest til 31. janúar 2002 til að ganga frá skráningu enda eina tilboðið í lénið.
Öll eins-bókstafs lén sem óskráð verða 1. febrúar n.k. munu þá falla undir úthlutunarregluna "fyrstur-kemur-fyrstur-fær". Sérstök athygli er vakin á að umsóknir um eins-bókstafs lén sem berast fyrir 1. febrúar 2002 eru ekki teknar gildar.
Umsóknir er unnt að senda á fax ISNIC, 561-0999. Dagsetning umsókna er berast í bréfapósti miðast við komudag til ISNIC.
Tilboð í eins-stafs lén voru opnuð kl. 13:00 föstudaginn 4. janúar 2002. Tilboð bárust í lénin:c.is, h.is, j.is, t.is, x.is og z.is
Handhafar hæstu tilboða í viðkomandi lén voru:
Handhafar ofangreindra tilboða hafa fjóra (4) virka daga frá dagsetningu birtingar tilboðs þeirra á vef ISNIC til að ganga frá umsókn, greiðslu og vistun á léninu samkvæmt reglum ISNIC, svo unnt sé að skrá lénið.
Falli handhafi frá tilboði með því að ganga ekki frá nauðsynlegum atriðum svo skrá megi lénið er næsthæsta boði tekið með birtingu á léni og handhafa næsthæsta tilboðs á vef ISNIC. Öll tilboð renna út 31. janúar 2002. Þátttakendur í útboði eru bundnir við boð sín til 31. janúar 2002. Þó ber að athuga að skráning á tilboðs-léni fyrir 31. janúar 2002 ógildir önnur tilboð í lénið.
Eins-stafs lén sem enn eru óskráð 31. janúar 2002 verða laus til almennrar umsóknar 1. febrúar 2002.
]]>Það sem vita þarf er lénnafnið og nöfn þeirra nafnaþjóna sem þjóna léninu hjá vistunaraðila.
]]>Þetta fyrirkomulag mun þó aðeins gilda þar til mögulegt verður að flytja lén á vefrænan máta á vef ISNIC. Nánar verður tilkynnt um slíkt fyrirkomulag innan tíðar.
Þá hefur flutningsgjald verið skilgreint nánar en þetta gjald er eingöngu gjaldfært þegar breyting á nafnaþjóni eða nafnaþjónum á sér stað við flutning á léni.
]]>
Greiðslu má einnig leggja á bankareikning ISNIC (kt: 660595-2449),
nr. 0116-26-21123
Sé greitt á bankareikning þarf einnig að senda tölvupóst á netfang:
innheimta@isnic.is og tilgreina: Lén, hvaða léngjald er greitt og
kennitölu greiðanda.