ISNIC opið 24/7 - gleðileg jól gott og farsælt nýtt ár.

Skrifstofa ISNIC verður opin milli jóla og nýárs, eins og venjulega, en lokuð föstudaginn 2. janúar. Við tökum svo til óspilltra málanna mánudaginn 5. janúar 2009.

ISNIC sem slíkt er alltaf opið, enda rótarlénið .IS notað allan sólarhringinn alla daga ársins. Hægt er að skrá og greiða fyrir lén, og fá það virkjað, hér á vefnum yfir jólin sem endranær.

Niðurfelling stofngjaldsins 1. desember sl. hefur skilað sér í auknum fjölda nýskráninga léna - og sérstaklega léna í eigu einstaklinga. Áberandi eru nýskráningar í fjölskyldulénum, eins og t.d. Siemsen.is sem skráð var í dag.

Starfsfólk ISNIC óskar landsmönnum gleðilegra jóla og farsældar á nýju ári með þökkum fyrir viðskiptin á gamla árinu.