Jan 15, 2009

Aukning í nýskráningum léna eftir niðufellingu stofngjaldsins

Árið 2009 byrjar vel hjá ISNIC, enda var stofngjald .is-léna fellt niður 1. desember sl. Niðurfelling stofngjaldsins lækkaði kostnaðinn við stofnun .is-léna um 4.532 krónur, eða 36% - geri aðrir betur!

ISNIC býst við að verðlækkunin skili sér stórauknum fjölda .is-léna á árinu 2009.

Fjöldi léna í biðröð segir til um hversu mörg .is-lén eru í farvatninu á hverjum tíma. Fjöldinn er 27 þegar þetta er skrifað, sem er yfir meðallagi. Á árinu 2008 fjölgaði .IS lénum um hartnær 5.000 lén, eða rúmlega 20 ný lén á hverjum virkum degi. Hægt er að skrá lén allan sólarhringinn hér á vef ISNIC sé greitt með greiðslukorti.

ISNIC - Internet á Íslandi hf.

Webtree
To top