Bilun í rafmagnsbúnaði ISNIC

Alvarleg bilun í rafmagnsbúnaði ISNIC í Tæknigarði olli því að tveir mikilvægir svissar duttu samtímis út um hálffjögur leytið í dag. Um klukkustundar rof varð vegna þessa á uppfærslum DNS-upplýsinga, Svarboxþjónustunni, Samræmdri vefmælingu og vefjunum ISNIC.

Bilunarinnar varð fyrst vart um kl. 15:32 og viðgerð lauk um kl. 16:30.

Bilun þessa má skoða sem síðbúin eftirköst flutnings ISNIC úr Tæknigarði í Höfðatorg í mars sl. sem enn er ekki að fullu lokið.

Internet á Íslandi biðst velvirðingar á þeim óþægindum sem viðskiptavinir kunna að hafa orðið fyrir vegna þessa, en tekið skal fram að engin truflun varð á svörun .is-léna vegna bilunarinnar.