Árstölur lénaskráningar ISNIC 2013
Nýskráð .is-lén hjá ISNIC árið 2013 voru 9.881 en 4.615 lénum var eytt. Nettófjölgun léna 2013 var því 5.266 lén móti 5.172 lénum 2012. Heildarfjöldi skráðra .is-léna í árslok 2013 var 46.742 móti 41.106 ári áður, sem þýðir tæplega 13% ársaukningu. Rúmlega 76% .is-léna eru skráð á innlenda aðila og eins og á undanförnum árum fjölgaði rétthöfum utan Íslands nokkuð hraðar en innlendum rétthöfum, en innlendir rétthafar voru skráðir fyrir um 80% allra .is-léna fyrir ári.
Nýútkomin árslénaskýrsla Centr.org 2013, samtaka lénaskráningarfyrirtækja, sýnir eftirfarandi tölur fyrir Norðurlandalénin, en landshöfuðlénið .is óx hlutfallslega mest þeirra á árinu 2013. Höfuðlénið .gl (Grænland) er ekki aðili að Centr.org, en þess má geta að það lén er vinsælt í héraðinu Galesíu á norð-vestur Spáni.
| höfuðlén | fjöldi des. ´13 | nettóvöxtur |
|---|---|---|
| .is | 46,768 | 12.93% |
| .fi | 335,294 | 8.93% |
| .no | 606,605 | 7.07% |
| .se | 1,340,619 | 6.36% |
| .fo | 3,150 | 3.62% |
| .dk | 1,248,517 |
3.55% |
Heimild: Member Statistics and Growth Report, December 2013. www.Centr.org.