Sorglegur dómur Hæstaréttar

Hæstiréttur Íslands hefur talað. Löglegt er að leggja lögbann lén og fyrirskipa internetþjónustum  að stöðva eða hindra aðgang viðskiptavina sinna að tilgreindum lénum – án þess að viðkomandi þjónustuaðili komi nálægt hýsingu vefjanna sem tengjast viðkomandi lénum! Sækjanda málsins, STEF, hlýtur að vera skemmt. Hér er komið langþráð fordæmi fyrir þessi alræmdu samtök að vísa í. ISNIC er ekki beinn aðli máls, en hefur stutt fjárhagslega við bakið á netfyrirtækjunum tveimur, sem ákváðu að áfrýja þessu fáránlega lögbanni.

Athygli vekur að ekkert af stóru netþjónustufyrirtækjunum þremur tók þátt í áfrýjunni, enda eru þau smátt og smátt að breytast í sjónvarpsstöðvar. ISNIC bendir dómurum Hæstaréttar góðfúslega á að internetþjónusta, sem ekki hýsir tilgreinda vefi í málinu sem hér var dæmt í, „miðlar“ ekki efni þeirra til viðskiptavina sinna. ISNIC heldur því fram að dómurinn sé byggður á vanþekkingu á eðli grunninnviða netsins. Dóm Hæstaréttar má finna hér