Nýtt símanúmer 578 2030

Internet á Íslandi (INTÍS) hefur fengið nýja Asterisk ip-símstöð og nýtt símanúmer um leið. Nýja númerið er 578 2030. Gamla númerið tilheyrði símakerfi Háskóla Íslands og þar var ekki einu sinni símsvari. Eins og nærri má geta fylgja nýju ip-símstöðinni fjölmargar nýjungar. Sem dæmi geta viðskiptamenn talað inn skilaboð, ef enginn svarar eða utan þjónustutíma, sem jafnharðan eru send inn í þjónustukerfið, hvaðan starfsmenn taka þau til afgreiðslu. Eftir sem áður bendum við öllum sem nota vefinn okkar á að nýta sér fremur Svarboxið á forsíðunni en símann og spara með því sjálfum sér og okkur tíma og peninga. Aðeins með Svarboxinu getum við tryggt öllum bestu þjónustu.
Samfara upptöku á nýju símanúmeri breytist svörun starfsmanna úr "Internet á Íslandi hf" í stutt og laggott: "INTÍS", sem er stytting á Internet á Íslandi hf. INTÍS nafnið var notað á undan "ISNIC" nafninu og það þekkja allir eldri viðskiptamenn INTÍS.