Hreyfingar og reikningar eingöngu á Mín síða.

Fyrir kemur að einstaka innlendir viðskiptamenn biðji ISNIC að senda sér hreyfingalista og afrit af reikningum, sem ISNIC getur því miður ekki orðið við, enda er hvorutveggja aðgengilegt viðskiptamönnum á Mín síða undir liðnum Reikningar.

Aukinheldur hefur ISNIC ekki leyfi til að senda út upplýsingar um viðskipti einstakra viðskiptamanna.

ISNIC sendir reikninga sjálfkrafa á uppgefið netfang skráðs greiðanda og útprentaðan reikning á uppgefið heimilisfang hans, sé þess óskað (sjá u. Mínar stillingar, afþakka pappír já/nei). Umsýsla léna er í eðli sínu sjálfsafgreiðsluþjónusta og vefþjónusta ISNIC verður sífellt betri og einfaldari í notkun.

Með því að rita nafn léns inn í stóra leitargluggann, hér á forsíðu ISNIC, má finna tengiliði þess og óska e. nýju lykilorði fyrir innskráningu með því að smella á hlekkinn „Týnt lykilorð“ við netfangið sem við á – t.d. netfang greiðandans. Hvorki þarf að muna lykilorðið né heldur notandanafnið (NIC-auðkennið), sem er ígildi viðskiptamannanúmers hjá ISNIC, heldur nægir að vita eingöngu nafn lénsins. 

Árgjald léns fyrir fyrirtæki er nú kr. 4.802 og hefur lækkað um hart nær 70% að raunvirði frá árinu 2000. Gjaldið ber ekki aukaþjónustuna, sem felst í handavinnunni við að grafa upp, taka saman og senda einstaka viðskiptamönnum afrit af reikningum. Það gerði það í gamla daga, en ekki lengur.