Erlendur vistunaraðil (Bluehost Inc) hættir vistun .is léna

Fyrir skömmu ákvað Bluehost Inc. (vistunaraðili léna í Norður Ameríku) að breyta tæknilegri tilhögun vistunar sinnar á .is-lénum (og öðrum lénum) þannig að ekki er lengur fullnægt þeim tæknilegu kröfum gerðar eru til .is léna. Fyrirtækið gerði þetta fyrirvaralaust og án samráðs við þá viðskiptavini sem vista hjá þeim .is-lén.

Tæknilegar kröfur ISNIC til vistunar .is-léna hafa verið Bluehost kunnar frá upphafi og þær hafa ekki breyst á neinn hátt, sjá https://www.isnic.is/is/domain/test#req-domains. Lénum sem ekki eru vistuð samkvæmt tæknilegum kröfum ISNIC er lokað eftir að handhöfum þeirra hafa verið sendar viðvaranir. Þetta er liður í öryggisstefnu ISNIC. Sjá https://www.isnic.is/is/domain/rules#k4

ISNIC þykir miður að þurfa að tilkynna að fáist vistunarfyrirtækið Bluehost ekki til að færa vistun .is léna til fyrra horfs og uppfylla þar með öryggiskröfur ISNIC (sem þeir hafa reyndar lýst yfir að þeir muni ekki gera) er nauðsynlegt fyrir handhafa .is léna, sem enn eru vistuð hjá Bluehost, að flytja þau annað.