There was an error performing the search

Lénið er laust. Skrá lén

 ()
Skráning vottuð af ISNIC

 
Signað Ekki signað
Skráning vottuð af ISNIC

 

Athugaðu að sumar aðgerðir eru óaðgengilegar, nema kveikt sé á Javascript.

Fréttir

7. jún. 2019 - Centr 20 ára.

Centr 20 ára.

Centr.org (Council of European National Top-Level Domain Registries) eða Samtök stjórnenda landshöfuðléna í Evrópu eru 20 ára í ár. Af því tilefni hefur Centr gefið út fræðsluefni á vef sínum, https://centr.org, sem bæði er ætlað almenningi og rétthöfum léna, jafnt sem rekstraraðilum nafnaþjóna. Hér er hlekkur í ritgerðina „The history and future of the DNS“, eftir Anne-Marie Eklund-Löwinder og Ulrich Wisser, sem starfa hjá Internetstiftelsen.se - systurfélagi ISNIC í Svíþjóð: Saga og framtíð DNS.

24. maí 2019 - ISNIC leikskóli á RIPE 78 í Reykjavik

ISNIC leikskóli á RIPE 78 í Reykjavik

RIPE 78 ráðstefnunni lauk í dag, föstudag, en hún hefur staðið yfir frá því á mánudag. Þetta reyndist næst stærsta RIPE ráðstefnan frá upphafi með 743 gesti. Fyrir ISNIC var þátttaka foreldra sem tóku börn með sér til Íslands sérlega ánægjuleg þar sem ISNIC kostaði barnapössun alla dagana og var svonefndur "On Site Childcare Sponsor", sem er nýjung hjá RIPE. Settur var upp lítill 14 barna (ISNIC) leikskóli á 2. hæð á Hotel Hilton og var hann fullbókaður alla dagana :).

17. apr. 2019 - Páskafrí hjá skrifstofu ISNIC

Páskafrí hjá skrifstofu ISNIC

Skrifstofa ISNIC er lokuð frá 18. apríl, skírdegi, til þriðjudagsins 23. apríl.

Minnt er á að hægt er að endurnýja (opna) lén með því að greiða árgjaldið með korti á vef ISNIC, eða greiða bankakröfu (greiðsluseðil) í netbanka. Kröfuhafinn er Internet á Íslandi hf.

Auk þess að innskrá sig með NIC-auðkenni og lykilorði, eða nota Týnt lykilorð og fá endurstillingarslóð sent á uppgefið netfang (email), er að einnig hægt er að innskrá sig með rafrænum skilríkjum og Íslyklinum góða. Gleðilega páskahelgi – akið varlega. Starfsfólk ISNIC.

ISNIC er með 67.389 lén í umsýslu um þessar mundir. Aðeins með því að viðhalda og jafnvel auka sjálfvirkni verður hægt að halda árgjaldi léns (kr. 5980) óbreyttu áfram.

11. apr. 2019 - Skipulagsdagur ISNIC

Skipulagsdagur ISNIC

Vegna árlegs skipulagsfundar ISNIC verður takmörkuð þjónusta hjá okkur föstudaginn 12. apríl. Skrifstofa ISNIC í Katrínartúni verður lokuð en Svarbox netspjalli, síma og tölvupósti verður svarað eins fljótt og auðið er. Takk fyrir og góða helgi.

21. mar. 2019 - Nýr tímaþjónn ISNIC kominn í gang

Nýr tímaþjónn ISNIC kominn í gang

ISNIC hefur síðan 2012 rekið NTP klukku sem var tengd við GPS loftnet og var því svokölluð stratum 1 klukka. Í janúar á þessu ári var slökkt á henni og vinna hófst við að setja upp nýja. Nýja klukkan var sett í gang í síðustu viku en s.l. mánudag var hún loksins útskrifuð og tilbúin til notkunar.

NTP (Network Time Protocol) er tækni sem gerir tölvum kleift að stilla klukkuna eftir heimild. NTP kerfinu er skipt upp í svo kölluð „strata“, sem gefur til kynna hversu langt frá „réttri“ klukku þessi tölva er. Í þessu samhengi er rétt klukka skilgreind sem kjarnorkuklukka. Slíkar klukkur eru óhemju nákvæmar (nákvæmni upp á ca. 10-9 sekúndur á dag) og í NTP er kjarnorkuklukka skilgreind sem stratum 0. NTP þjónn sem stillir sig af með kjarnorkuklukku er skilgreindur sem stratum 1. Þjónn sem stillir sig af með stratum 1 þjóni er svo stratum 2 osfrv.

NTP þjónn ISNIC stillir sína klukku miðað við kjarnorkuklukkurnar sem eru í öllum staðsetningargervihnöttum (GPS, Glonass, Galileo). Klukkan er því mjög nákvæm og skeikar ekki nema 10-8 – 10-9 sekúndur frá réttum tíma.

NTP þjónninn er opinn öllum til að nota, en hann er einnig skráður í pool.ntp.org verkefnið og er mælst til þess að venjulegir endanotendur noti þá is.pool.ntp.org sem sitt pool. Ef þú ert hins vegar með margar tölvur og rekur jafnvel þinn eiginn NTP þjón þá geturðu notað ht-time01.isnic.is beint.

Upplýsingar um tímaþjón ISNIC má finna á hér

Skráning .is léna

ISNIC - Internet á Íslandi hf. sér um skráningu léna undir landsléninu .is. Allar beiðnir um skráningu berast ISNIC, þó sótt sé um lénið hjá umboðsmanni eða þjónustuaðila ISNIC. Sjá lista yfir þjónustuaðila / umboðsmenn

Meginreglan við skráningu léna er "fyrstur kemur fyrstur fær". Í henni felst að ekki er hægt að taka frá hugmynd að léni. Sá sem óskar eftir léni þarf því að skrá lénið og greiða árgjald, 5.980 kr. til að öðlast rétt til þess.

Veftré
Fara upp