ISNIC-salurinn á 17. hæðinni

ISNIC býður gestum og gangandi upp á að leigja fullkominn fyrirlestrarsal m. kaffiaðstöðu á 17. hæðinni í Höfðaturninum við Borgartún - sömu hæð og skrifstofa ISNIC er til húsa. Salurinn er aðallega hugsaður fyrir Internet-tengt fræðslustarf, en nýtist líka öðrum. ISNIC-salurinn stendur fyrirlesurum til boða gegn vægu gjaldi og undanfarna mánuði hafa svokölluð BTM-námskeið (breyting, tækifæri, menntun) Vinnumálastofnunar verið haldin fyrir hádegi í ISNIC-salnum svo dæmi sé tekið. Útsýnið úr salnum er í senn uppörvandi og mikilfenglegt. Nánari upplýsingar á www.isnic.is.