18. mar. 2008

Notendanöfn allra eru í Whois

Rétthafar (eigendur) léna þurfa að skrá sig inn á vef ISNIC til þess að breyta upplýsingum tengdum léninu, s.s. netfangi, heimilisfangi, eða jafnvel að umskrá lénið á nýjan rétthafa. Til þess að geta skráð sig inn (sjá innskráningu efst á síðunni) þarf maður að vita tvennt: Í fyrsta lagi NIC-auðkennið (sem er notendanafn viðkomandi hjá Isnic) og í öðru lagi lykilorðið. Flestir gleyma lykilorðinu, að sjálfsögðu, en mjög einfalt er að sækja nýtt lykilorð. Það er gert með því að smella á tengilinn "fá nýtt lykilorð" sem er að finna á innskráningssíðunni. Til þess að fá nýtt lykilorð verður netfang (e-mail) viðkomandi auðvitað að vera rétt skráð hjá Isnic. Hvorutveggja (NIC auðkennið og netfangið) er hægt að finna með því að skrifa lénið inn í "Whois-leitargluggann" efst til hægri hér á forsíðunni. Þá birtist skráningarskríteini lénsins sem inniheldur allar nauðsynlegar upplýsingar.

Sé netfangið sem skráð er hjá Isnic hins vegar ógilt og ekki lengur í notkun, og notandinn búinn að gleyma lykilorðinu, verður hann að fylla út eyðublaðið "breyting á netfangi tengiliðs" og faxa það til okkar eða senda mynd (t.d. með gsm-síma) af útfylltri beiðninni með tölvupósti. Þetta er nauðsynleg öryggisráðstöfun til að vernda réttindi rétthafa og koma í veg fyrir ólöglega umskráningu .is-léna (stundum kallað "social engineering"). Eyðublöð Isnic er að finna undir liðnum Rétthafaskrá hér til vinstri.

Gangi ykkur vel.

Error
Skildu eftir skilaboð og við munum hafa samband næsta virka dag.

Skilaboð móttekin

Veftré
Fara upp